Ліга чэмпіёнаў УЭФА 2020—2021 гадоў

66-ы розыгрыш футбольнага першынства клюбаў Эўропы

Ліга чэмпіёнаў УЭФА 2020-21 гадоў — 66 розыгрыш трафэю з часоў Кубка эўрапейскіх чэмпіёнаў і 29-ы розыгрыш пад назвай Ліга чэмпіёнаў УЭФА.

Ліга чэмпіёнаў УЭФА 2020—2021 гадоў
Стадыён «Стад Дэ Франс» ў горадзе Порту стаў месцам правядзеньня фіналу
Стадыён «Стад Дэ Франс» ў горадзе Порту стаў месцам правядзеньня фіналу
Спаборніцтва Ліга чэмпіёнаў УЭФА
Сэзон 2020 — 2021
Даты Кваліфікацыя: 8 жніўня 202030 верасьня 2020
Асноўная частка: 20 кастрычніка 2020 — 29 траўня 2021
Колькасьць удзельнікаў Удзельнікі асноўнай часткі: 32
Усяго: 79 (зь 54 асацыяцыяў)
Пераможца Сьцяг Ангельшчыны Чэлсі (Лёндан)
Фіналіст Сьцяг Ангельшчыны (Манчэстэр) Сіці
Паўфіналісты Сьцяг Францыі Пары Сэн-Жэрмэн (Парыж),
Сьцяг Гішпаніі Рэал (Мадрыд)
Чвэрцьфіналісты Сьцяг Нямеччыны Баварыя (Мюнхэн),
Сьцяг Ангельшчыны Лівэрпул (з аднайменнага горада),
Сьцяг Партугаліі Порту (з аднайменнага горада),
Сьцяг Нямеччыны Барусія (Дортмунд)
Гледачоў на стадыёнах 180,049 (1,440 штоматч у сярэднім)
Згуляных матчаў 125 (без уліку кваліфікацыі)
Забітых галоў 366 (без уліку кваліфікацыі) — 2.93 штоматч у сярэднім
Найлепшы бамбардзір Сьцяг Нарвэгіі Эрлінг Голян (Сьцяг Нямеччыны Барусія Дортмунд, 10 галоў)
Сайт Афіцыйны сайт Лігі чэмпіёнаў UEFA 2020-21

Дзейным чэмпіёнам на пачатак турніру зьяўляўся Баварыя, якая перамагла ў шасьці сэзонах розыгрышаў(заваявала 6 тытулаў), апошні ў папярэднім розыгрышы.

Фінал адбыўся на стадыёне «Эштадыю ду Драган» у горадзе Порту, Партугалія. Алімпійскі стадыён імя Атацюрка ў Стамбуле, Турэччына, першапачаткова быў прызначаны для правядзеньня фіналу Лігі чэмпіёнаў УЭФА 2020 году, але праз пандэмію ковід-19 у Эўропе ён быў перанесены на стадыён «Эштадыю да Луш», Лісабон, Партугалія. Стамбул зноў быў прызначаны для правядзеньня фіналу 2021 году, але ў рэшце рэшт быў перанесены на Эштадыю ду Драган пасьля таго, як Турэччына была ўнесеная ў Чырвоны сьпіс Злучанага Каралеўства для турыстаў, а разьмяшчэньне ў Ангельшчыне было гэтаксама выключана.

Мюнхэнская Баварыя была дзеючым чэмпіёнам, але выбыла ў чвэрцьфінале ад Пары Сэн-Жэрмэн, якіх яны перамаглі ў фінале летась. У якасьці пераможцаў Лігі чэмпіёнаў УЭФА 2020–21 «Чэлсі» згуляў супраць «Вільярэала», пераможцаў Лігі Эўропы УЭФА 2020–21, у Суперкубку УЭФА 2021 году. Яны таксама сталі эўрапейскімі ўдзельнікамі ды пераможцамі клюбнага чэмпіянату сьвету па футболе 2021 году. Паколькі яны ўжо прайшлі кваліфікацыю ў групавы этап Лігі чэмпіёнаў УЭФА 2021–2022 гадоў праз выступленьне ў лізе, месца, першапачаткова зарэзэрваванае для ўладальнікаў тытулу Лігі чэмпіёнаў, было перададзена чэмпіёнам турэцкай Супэрлігі 2020–21, Бэшыкташу, 11-й асацыяцыі, паводле сьпісу доступу да наступнага сэзону.

Сэзон 2020–21 быў апошнім сэзонам эўрапейскіх клюбных спаборніцтваў УЭФА, дзе захоўвалася правіла выязнога голу.

Разьмеркаваньне камандаў па асацыяцыяхРэдагаваць

Усяго 79 камандаў ад 54 з 55 асацыяцый чальцоў УЭФА ўдзельнічалі ў Лізе Чэмпіёнаў УЭФА 2020-21 (акрамя Ліхтэнштайна, бо той не праводзіць нацыянальнае спаборніцтва для адбору на турнір). Рэйтынг асацыяцыяў на аснове каэфіцыентаў УЭФА па выніках каманд у папярэднія 5 сэзонаў выкарыстоўваецца для вызначэньня колькасьці каманд-удзельніц для кожнай асацыяцыі:

  • Першыя 4 асацыяцыі кваліфікуюць прынамсі 4 каманды ў групавы этап Лігі Чэмпіёнаў УЭФА.
  • 5-6 асацыяцыі кваліфікуюць 3 каманды ў розыгрыш.
  • Кожная з асацыяцый 7-15 месцаў кваліфікуюць па дзьве каманды.
  • Усе асатнія асацыяцыі з 16 па 55 (акрамя Ліхтэнштайна) кваліфікуюць па адной камандзе.
  • Пераможцы Лігі Чэмпіёнаў УЭФА 2019-20 і Лігі Эўропы УЭФА 2019-20 могуць дадаткова ўступіць у розыгрыш, калі яны не адабраліся ў Лігу Чэмпіёнаў УЭФА праз свае нацыянальныя чэмпіянаты (Напрыклад Баварыя адабралася ў Лігу Чэмпіёнаў 2020-21 праз Нямецкую Бундэсьлігу, але як пермаможца Лігі Чэмпіёнаў УЭФА 2019-20 будзе займаць гэты слот, а дублікаванае месца ў групавы этап пяройдзе бронзаваму прызэру 5 асацыяцыі (астатнія зьмяненьні ды зрухі ў кваліфікацыі праз гэнтую замену апісаныя ніжэй у разьдзеле аб разьмеркваньнях). А Сэвільля перамагла ў Лізе Эўропы 2019-20, адабраўшыся ў Ля Лізе, заняўшы там чацьвёртае месца, значыць Сэвільля зойме слот пераможцы Лігі Эўропы, а дадатковае месца ў групавым этапе Лізе Чэмпіёнаў атрымае іншая каманда зь "ніжэйшых" лігаў.

Рэйтынг асацыяцыяўРэдагаваць

У Лізе чэмпіёнаў УЭФА 2020–2021 гадоў асацыяцыям разьмяркоўваюцца месцы ў адпаведнасьці зь іх каэфіцыентамі УЭФА за 2019 год, якія ўлічваюць іх вынікі ў эўрапейскіх спаборніцтвах зь 2014–15 па 2018–2019 гады.

Акрамя разьмеркаваньня на аснове каэфіцыентаў краіны, асацыяцыі могуць мець дадатковыя каманды, якія ўдзельнічаюць у Лізе чэмпіёнаў, як пазначана ніжэй:

Рэйтынг асацыяцыяў для сэзону Лігі Чэмпіёнаў УЭФА 2021-22
Месца Асацыяцыя Каэфіцыент Колькасьць клюбаў Нататкі
1   Гішпанія 103.569 4 (УЭЛ)
2   Ангельшчына 85.462
3   Італія 74.725
4   Нямеччына 71.927 (УЧЛ)
5   Францыя 58.498 3
6   Расея 50.549
7   Партугалія 48.232 2
8   Бэльгія 39.900
9   Украіна 38.900
10   Турэччына 34.600
11   Нідэрлянды 32.433
12   Аўстрыя 31.250
13   Чэхія 28.675
14   Грэцыя 27.600
15   Харватыя 27.375
16   Данія 27.025 1
17   Швайцарыя 26.900
18   Кіпр 24.925
19   Сэрбія 22.250
Месца Асацыяцыя Каэфіцыент Колькасьць клюбаў Нататкі
20   Шатляндыя 22.125 1
21   Беларусь 21.875
22   Швэцыя 20.900
23   Нарвэгія 20.200
24   Казахстан 19.250
25   Польшча 19.250
26   Азэрбайджан 19.000
27   Ізраіль 18.625
28   Баўгарыя 17.500
29   Румынія 15.950
30   Славаччына 15.625
31   Славенія 15.000
32   Ліхтэнштайн 13.500 0 (АУС)
33   Вугоршчына 10.500 1
34   Паўночная Македонія 8.000
35   Малдова 7.750
36   Альбанія 7.500
37   Ірляндыя 7.450
38   Фінляндыя 7.275
Месца Асацыяцыя Каэфіцыент Колькасьць клюбаў Нататкі
39   Ісьляндыя 7.250 1
40   Босьнія і Герцагавіна 7.125
41   Летува 6.750
42   Латвія 5.625
43   Люксэмбург 5.500
44   Армэнія 5.250
45   Мальта 5.125
46   Эстонія 5.000
47   Грузія 4.750
48   Ўэйлз 4.125
49   Чарнагорыя 4.125
50   Фарэрскія астравы 4.000
51   Гібральтар 4.000
52   Паўночная Ірляндыя 3.875
53   Косава 2.500
54   Андора 1.831
55   Сан Марына 0.666

РазьмеркаваньнеРэдагаваць

У сьпіс допуску па змаўчаньні былі ўнесеныя зьмены, паколькі ўладальнікі тытулу Лігі чэмпіёнаў, Мюнхэнская Баварыя, і ўладальнікі тытулу Лігі Эўропы, Севільля, якім было гарантавана месца ў групавым этапе Лігі чэмпіёнаў, ужо кваліфікаваліся ў групавы этап Лігі чэмпіёнаў праз свае ўнутраныя лігі. Аднак у выніку затрымкі раскладу ў эўрапейскіх сэзонах 2019–20 і 2020–2021 гадоў праз пандэмію ковід-19 эўрапейскі сэзон 2020–21 распачаўся да завяршэньня эўрапейскага сэзону 2019–2020 гадоў. Такім чынам, зьмены ў сьпісе допуску, якія меліся быць унесеныя на аснове месцаў уладальнікаў чэмпіёнаў ЛЧ і Лігі Эўропы, не маглі быць гарантаванымі, пакуль не былі згуляныя матчы папярэдніх кваліфікацыйных раўндаў і/або іх лёсаваньне. УЭФА выкарыстаў «адаптыўную рэбалянсіроўку» для зьмены сьпісу допуску пасьля таго, як былі вызначаныя месцы для ўладальнікаў чэмпіёнаў Лігі Чэмпіёнаў і Лігі Эўропы, і раўнды, якія ўжо былі разыграныя да моманту вызначэньня ўладальнікаў тытулу, на гэта не паўплывалі (Правілы артыкулу 3.04 рэглямэнта правядзеньня турніру). Адпаведна былі ўнесеныя наступныя зьмены:

  • У той час, калі 9 й 10 жніўня 2020 году праводзіліся лёсаваньні першага ды другога кваліфікацыйных раўндаў (Шлях чэмпіёнаў), не было ўпэўненасьці, ці будзе вызвалена месца ўладальніка тытулу Лігі чэмпіёнаў, бо Ліён не прайшоў кваліфікацыю ў групавы этап Лігі чэмпіёнаў УЭФА 2020–21 праз сваю ўнутраную лігу. Такім чынам, гэтыя лёсаваньні праходзілі ў звычайным рэжыме ў адпаведнасьці са сьпісам допуску па змаўчаньні, але пад пытаньнем магчымай зьмены, тым ня менш лёсаваньні, якія прайшлі 18-19 й 25-26 жніўня 2020 году, не былі зьмененыя, бо пасьля паўфіналаў Лігі чэмпіёнаў УЭФА 2019-20, якія прайшлі 18–19 жніўня 2020 году, было пацьверджана, што абодва фіналісты, Мюнхэнская Баварыя ды Пары Сэн-Жэрмен, ужо кваліфікаваліся ў групавы этап Лігі чэмпіёнаў УЭФА 2020–21 праз свае ўнутраныя лігі, што азначае, што месца ўладальніка тытулу Лігі чэмпіёнаў будзе вызваленае. У выніку з трэцяга кваліфікацыйнага раўнду (Шлях чэмпіёнаў), розыгрыш якога праходзіў 31 жніўня 2020 году, пачалося «адаптыўнае перабалянсаваньне», і ў сьпіс допуску былі ўнесеныя наступныя зьмены:
  1. Чэмпіён асацыяцыі 11 (Нідэрляндаў) «Аякс» увайшоў у групавы этап замест раўнду кваліфікацыі плэй-оф (Шлях чэмпіёнаў).
  2. Чэмпіёны 13 ды 14 асацыяцый (Чэхіі й Грэцыі адпаведна) Славія Прага і Алімпіякас выйшлі ў раўнд кваліфікацыйнага плэй-оф (Шлях Чэмпіёнаў) замест трэцяга кваліфікацыйнага раўнду (Шлях Чэмпіёнаў).
  • У той час, калі 10 жніўня 2020 году праводзілася лёсаваньне другога кваліфікацыйнага раўнду (Шлях лігі), не было ўпэўненасьці, ці будзе вызвалена месца ўладальніка тытулу Лігі Эўропы, бо чатыры чвэрцьфіналісты Лігі Эўропы 2019–2020 гадоў: Ўулвэргэмптан Ўандэрэрз, Баер Левэркузэн, Капэнгаген і Базэль не прайшлі кваліфікацыю ў групавы этап Лігі чэмпіёнаў УЭФА 2020–21 праз свае ўнутраныя лігі. Такім чынам, гэтае лёсаваньне праходзіла ў звычайным рэжыме ў адпаведнасьці са сьпісам допуску па змаўчаньні, але пад пытаньнем магчымай зьмены. Расклад матчаў, якія прайшлі 25-26 жніўня 2020 году, ня быў зьменены, бо пасьля матчаў, якія згулялі 10–11 жніўня 2020 году было пацьверджана, што ўсе чатыры паўфіналісты: Сэвільля, Манчэстэр Юнайтэд, Інтэрнацыянале і данецкі Шахтар, ужо кваліфікаваліся ў групавы этап Лігі чэмпіёнаў УЭФА 2020–21 праз свае ўнутраныя лігі, што азначае, што месца ўладальніка чэмпіёна ў Лізе Эўропы было вызваленае. У выніку «адаптыўная рэбалянсіроўка» пачалася з трэцяга кваліфікацыйнага раўнду (Шлях прадстаўнікоў лігі), розыгрыш якога праходзіў 31 жніўня 2020 году, і былі ўнесеныя наступныя зьмены ў сьпіс допуску:
  1. Каманда асацыяцыі 5 (Францыя), якая заняла трэцяе месца, Рэн, выйшла ў групавы этап замест трэцяга кваліфікацыйнага раўнду (Шлях прадстаўнікоў лігі).
  2. Каманда асацыяцыі 6 (Расея), якая заняла трэцяе месца, Краснадар, выйшла ў раўнд кваліфікацыйнага плэй-оф (Шлях прадстаўнікоў лігі) замест трэцяга кваліфікацыйнага раўнду (Шлях прадстаўнікоў лігі).
Ліст допуску на сэзон Лігі Чэмпіёнаў УЭФА 2020–21
Каманды ўступаючыя на гэтым этапе ў розыгрыш Каманды, што трапілі сюды з папярэдняга раўнду
Папярэдні раўнд

(4 каманды)

  • 4 чэмпіёны з асацыяцый 52–55
Першы кваліфікацыйны раўнд

(34 каманды)

  • 33 чэмпіён з асацыяцый 18–51 (акрамя Ліхтэнштайну)
  • 1 пераможца папярэдняга раўнду
Другі кваліфікацыйны раўнд

(26 камандаў)

Шлях чэмпіёнаў

(20 камандаў)

  • 3 чэмпіёны з асацыяцый 15–17
  • 17 пераможцаў першага кваліфікацыйнага раўнду
Шлях прадстаўнікоў лігаў

(6 камандаў)

  • 6 срэбных чэмпёнаў з асацыяцый 10–15
Трэці кваліфікацыйны раўнд

(16 камандаў)

Шлях чэмпіёнаў

(10 камандаў)

  • 10 пераможцаў другога кваліфікацыйнага раўнду (па шляху чэмпіёнаў)
Шлях прадстаўнікоў лігаў

(6 камандаў)

  • 3 срэбных чэмпіёны з асацыяцый 7–9
  • 3 пераможцы другога кваліфікацыйнага раўнду (па шляху прадстаўнікоў лігаў)
Раўнд кваліфікацыі плэй-оф

(12 камандаў)

Шлях чэмпіёнаў

(8 камандаў)

  • 3 чэмпіёны з асацыяцый 12–14
  • 5 пераможцаў трэцяга кваліфікацыйнага раўнду (па шляху чэмпіёнаў)
Шлях прадстаўнікоў лігаў

(4 каманды)

  • 1 бронзавы прызэр з асацыяцыі 6
  • 3 пераможцы трэцяга кваліфікацыйнага раўнду (па шляху прадстаўнікоў лігаў)
Групавы этап

(32 каманды)

  • 11 чэмпіёнаў з асацыяцый 1–11
  • 6 срэбных чэмпіёнаў з асацыяцый 1–6
  • 5 бронзавыя прызэры з асацыяцый 1–5
  • 4 уладальніка чацьвёртых месцаў з асацыяцый 1–4
  • 4 пераможцы раўнду плэй-оф (па шляху чэмпіёнаў)
  • 2 пераможцы раўнду плэй-оф (па шляху прадстаўнікоў лігаў)
Плэй-оф асноўнай часткі

(16 камандаў)

  • 8 пераможцаў груповога этапу
  • 8 срэбных пераможцаў групавога этапу

Каманды-ўдзельнікіРэдагаваць

У пачатку красавіка 2020 году УЭФА абвясьціў, што праз пандэмію ковід-19 у Эўропе тэрмін падачы заявак на турнір быў перанесены да наступнага паведамленьня. УЭФА таксама накіраваў ліст усім асацыяцыям-чальцам аб тым, што ўнутраныя лігі павінны быць завершаны ў поўным аб’ёме без заўчаснага завяршэньня, каб кваліфікавацца на эўрапейскія спаборніцтвы. Пасьля сустрэчы зь 55 сваімі асацыяцыямі 21 красавіка 2020 году УЭФА настойліва рэкамэндаваў ім завяршыць унутраныя спаборніцтвы вышэйшай лігі і кубка, хоць у некаторых асаблівых выпадках, калі гэта немагчыма, УЭФА распрацуе рэкамэндацыі адносна ўдзелу ў сваіх клюбных спаборніцтвах на выпадак адмены лігі (й)або кубка. Пасьля паседжаньня Выканаўчага камітэту УЭФА 23 красавіка 2020 году УЭФА абвясьціў, што калі ўнутраныя спаборніцтвы будуць датэрмінова спынены па законных прычынах у адпаведнасьці з умовамі, зьвязанымі з аховай здароўя або эканамічнымі праблемамі, зацікаўленыя нацыянальныя асацыяцыі павінны выбраць свае каманды-ўдзельніцы на 2020–21 гады ў клюбныя спаборніцтвы УЭФА, грунтуючыся на спартовых заслугах ва ўнутраных спаборніцтвах 2019–2020 гадоў, і УЭФА пакідае за сабой права адмовіць у іх прыёме, калі УЭФА будзе меркаваць спыненьне спаборніцтваў нелегітымным або працэдуру адбору неаб’ектыўнай, непразрыстай і дыскрымінацыйнай, або каманда будзе ўспрымаецца грамадзкасьцю як несправядлівая. Прыпыненыя ўнутраныя спаборніцтвы таксама могуць быць адноўлены ў іншым фармаце, чым першапачатковы, такім чынам, што па-ранейшаму будзе спрыяць кваліфікацыі па спартовых заслугах. Усе лігі павінны паведаміць УЭФА да 25 траўня 2020 году, ці маюць намер аднавіць свае спаборніцтвы, але пазьней гэты тэрмін быў падоўжаны. 17 чэрвеня 2020 году УЭФА абвясьціў, што асацыяцыі павінны рэглямэнтаваць удзел сваіх камандаў да 3 жніўня 2020 году.

Пазнакі ў дужках паказваюць якім чынам кожная каманда кваліфікавалася на свой пачатковы раўнд у турніры:

  • ЛЧ: Уладальнік Чэмпіёнскага тытулу Лігі Чэмпіёнаў.
  • ЛЭ: Уладальнік Чэмпіёнскага тытулу Лігі Эўропы.
  • 1-ы(-ая, -ае), 2-і(-ая, -ое), 3-і(-яя, -яе), 4-ы(4-ая, 4-ае) і г. д.: пазыцыя ва ўласнай лізе папярэдняга сэзону.
  • Прп-: пазыцыі ў лігах праз прыпыненьне альбо па іншых прычынах падчас папярэдніх сэзонаў былі вызначаныя нацыянальнымі асацыяцыямі; усе каманды падлягалі зацьвярджэньню УЭФА ў адпаведнасьці з рэкамэндацыямі для ўдзелу ў эўрапейскіх спаборніцтвах.

Другі кваліфікацыйны раўнд, трэці кваліфікацыйны раўнд і раўнд плэй-оф былі падзеленыя на Чэмпіёнскі Шлях (ЧШ) ды Шлях Прадстаўнікоў Лігаў (ШПЛ).

Кваліфікацыя каманд у Лігу Чэмпіёнаў УЭФА 2020-21
Раўнд уступленьня Каманды
Групавы этап   Баварыя (Мюнхэн) (1-ая)ЛЧ   Сэвільля (4-ая)ЛЭ   Рэал (Мадрыд) (1-ы)   Барсэлёна (2-ая)
  Атлетыка (Мадрыд) (3-і)   Лівэрпул (1-ы)   Сіці (Манчэстэр) (2-і)   Юнайтэд (Манчэстэр) (3-і)
  Чэлсі (Лёндан) (4-ы)   Ювэнтус (Турын) (1-ы)   Інтэрнацыянале (Мілян) (2-і)   Аталянта (Бэргама) (3-яя)
  Ляцыё (Рым) (4-ы)   Барусія (Дортмунд) (2-ая)   РБ (Ляйпцыг) (3-і)   Барусія (Мёнхэнглядбах) (4-ая)
  Пары Сэн-Жэрмэн (Парыж) (Прп-1-ы)   Алімпік (Марсэль) (Прп-2-і)   Рэн (Прп-3-і)   Зэніт (Санкт-Пецярбург) (1-ы)
  Лякаматыў (Масква) (2-і)   Порту (1-ы)   Бруге (Прп-1-ы)   Шахтар (Данецк) (1-ы)
  Істанбул Башакшэхір (Стамбул) (1-ы)   Аякс (Амстэрдам) (Прп-1-ы)
Плэй-оф кваліфікацыі ЧШ   Рэд Бул (Зальцбург) (1-ы)   Славія (Прага) (1-ая)   Алімпіякос (Пірэй) (1-ы)
ШПЛ   Краснадар (3-і)
Трэці кваліфікацыйны раўнд ШПЛ   Бэнфіка (Лісабон) (2-ая)   Гент (Прп-2-і)   Дынама (Кіеў) (2-ое)
Другі кваліфікацыйны раўнд ЧШ   Дынама (Загрэб) (1-ае)   Міт’юлян (Гэрнінг) (1-ы)   Янг Бойз (Бэрн) (1-ыя)
ШПЛ   Бэшыкташ (Стамбул) (3-і)   АЗ (Алькмаар) (Прп-2-і)   Рапід (Вена) (2-і)   Вікторыя (Пльзень) (2-ая)
  ПАОК (Тэсалёнікі) (2-і)   Лякаматыва (Загрэб) (2-ая)
Першы кваліфікацыйны раўнд   Амонія (Нікасія) (Прп-1-ая)   Црвена Зьвезда (Бялград) (1-ая)   Сэлтык (Глазга) (Прп-1-ы)   Дынама (Берасьце) (1-ае)
  Юргордэн (Стакгольм) (1-ы)   Мольдэ (1-ае)   Астана (Нур-Султан) (1-ая)   Легія (Варшава) (1-ая)
  Карабах (Агдам) (Прн-1-ы)   Макабі (Тэль-Авіў) (1-ы)   Лудагорац (Разград) (1-ы)   ЧФР Клуж (Клуж-Напокі) (1-ы)
  Слован (Браціслава) (1-ы)   Цэле (1-ае)   Фэрэнцвараш (Будапэшт) (1-ы)   Сылекс (Кратава) (Прп-2-і)
  Шэрыф (Тыраспаль) (1-ы)   Тырана (1-ая)   Дандолк (1-ы)   КуПС (Куопіё) (1-ы)
  Рэйк’явік (1-ы)   Сараева (Прп-1-ае)   Судува (Мар’ямпаль) (1-ая)   Рыга(1-ая)
  Фоля (Эш-сюр-Альзэт) (Прп-1-ая)   Арарат-Армэнія (Ерэван) (1-ыя)   Фларыяна (1-ая)   Флёра (Талін) (1-ая)
  Дынама (Тбілісі) (1-ае)   Номадс (Конас-Кій) (Прп-1-ыя)   Будучнаст (Падгорыца) (Прп-1-ая)   КІ (Кляксьвік) (1-ы)
  Эўропа (Гібральтар) (Прп-1-ая)
Папярэдні раўнд   Трэ Фіёры (Фіярэнтына) (Прп-1-ыя)   Дрыта (Гнілане) (1-ая)   Інтэр (Эскальдэс-Энгардань) (1-ы)   Лінфілд (Бэлфаст) (Прн-1-ы)

Заўвагі:

  1. Азэрбайджан: Прэм’ер-ліга Азэрбайджана 2019–2020 гадоў была спыненая праз пандэмію ковід-19 у Азэрбайджане. Лепшая каманда лігі на момант спыненьня, «Карабах» (якія былі абвешчаныя чэмпіёнамі), была абраная Асацыяцыяй футбольных фэдэрацыяў Азэрбайджана для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд..
  2. Бэльгія: Першы дывізіён А Бэльгіі 2019–2020 гадоў быў спынены праз пандэмію ковід-19 у Бэльгіі. Дзьве найлепшыя каманды лігі на момант спыненьня, клюб «Бруге» (які быў абвешчаны чэмпіёнам) і «Гент», былі абраныя Каралеўскай футбольнай асацыяцыяй Бэльгіі для ўдзелу ў Лізе чэмпіёнаў УЭФА 2020–21 гадоў, увайшоўшы ў групавы этап і трэці адборачны раўнд адпаведна.
  3. Босьнія і Герцагавіна: Прэм’ер-ліга Босьніі і Герцагавіны 2019–2020 гадоў была адмененая праз пандэмію ковід-19 у Босьніі і Герцагавіне. Лепшая каманда лігі на момант адмовы, Сараева (якія былі абвешчаныя чэмпіёнамі), была абраная Футбольнай асацыяцыяй Босьніі й Герцагавіны для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд.
  4. Кіпр: Першы дывізіён Кіпра 2019–2020 гадоў быў спынены праз пандэмію ковід-19 на Кіпры. Лепшая каманда лігі на момант адмовы, Амонія, была абраная футбольнай асацыяцыяй Кіпра для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд.
  5. Ангельшчына: «Манчэстэр Сіці», каманда, якая заняла другое месца ў Прэм’ер-лізе 2019–20, кваліфікавалася ў групавы этап Лігі чэмпіёнаў УЭФА 2020–21, але была адхіленая ад усіх клюбных спаборніцтваў УЭФА на 2020–21 і 2021–2022 гады. 14 лютага 2020 году ворганам УЭФА па фінансавым кантролі клюбаў з-за меркаваных парушэньняў Правілаў УЭФА аб фінансавай сумленнай гульні. Аднак Манчэстэр Сіці абскардзіў рашэньне ў Спартовым арбітражным судзе, і 13 ліпеня 2020 году было абвешчана, што забарона на ўдзел у клюбных спаборніцтвах УЭФА была адмененая, і яны могуць гуляць у Лізе чэмпіёнаў УЭФА 2020–21.
  6. Францыя: Ліга 1 2019–2020 гадоў была спыненая праз пандэмію ковід-19 у Францыі. Тры найлепшыя каманды лігі на момант адмовы на аснове сярэдняй колькасьці пунктаў за матчы, якія правялі кожная каманда лігі, Пары Сэн-Жэрмен (якія былі абвешчаны чэмпіёнамі), Алімпік Марсэль і Рэн, былі абраныя для гульні ў 2020–2020 гадах Лігі чэмпіёнаў УЭФА ад Францускай футбольнай фэдэрацыі выйшлі ў групавы этап.
  7. Гібральтар: Нацыянальная ліга Гібральтара 2019–2020 гадоў была спыненая праз пандэмію ковід-19 у Гібральтары. Лепшая каманда лігі на момант адмовы, Эўропа, была абраная Футбольнай асацыяцыяй Гібральтара для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд.
  8. Люксэмбург: Нацыянальны дывізіён Люксэмбурга ў 2019–2020 гадах быў спынены праз пандэмію ковід-19 у Люксэмбургу. Лепшая каманда лігі на момант адмовы, Фоля (Эш-сюр-Альзэт), была абраная Фэдэрацыяй футбола Люксэмбурга для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд.
  9. Мальта: Прэм’ер-ліга Мальты 2019–2020 гадоў была спыненая праз пандэмію ковід-19 на Мальце. Лепшая каманда лігі на момант адмовы, Фларыяна (якая была абвешчана чэмпіёнам), была абраная Футбольнай асацыяцыяй Мальты для ўдзелу ў Лізе чэмпіёнаў УЭФА 2020–21 гадоў, увайшоўшы ў першы кваліфікацыйны раўнд.
  10. Чарнагорыя: Першая ліга Чарнагорыі 2019–2020 гадоў была спыненая праз пандэмію ковід-19 у Чарнагорыі. Лепшая каманда лігі на момант адмовы, Будучнаст (Падгорыца) (якая на той момант ужо была забясьпечана тытулам і была абвешчана чэмпіёнам), была абраная Футбольнай асацыяцыяй Чарнагорыі для ўдзелу ў Лізе чэмпіёнаў УЭФА 2020–21, увайшоўшы ў першы кваліфікацыйны раўнд.
  11. Нідэрлянды: Эрдывізія 2019–2020 гадоў была спыненая праз пандэмію ковід-19 у Нідэрляндах. Дзьве найлепшыя каманды лігі на момант адмовы, Аякс ды АЗ, былі выбраныя Каралеўскай футбольнай асацыяцыяй Нідэрляндаў для ўдзелу ў Лізе чэмпіёнаў УЭФА 2020–21 гадоў, увайшоўшы ў групавы этап і другі кваліфікацыйны раўнд адпаведна.
  12. Паўночная Македонія: Першая футбольная ліга Македоніі 2019–2020 гадоў была спыненая праз пандэмію ковід-19 у Паўночнай Македоніі. Лепшая каманда лігі на момант адмовы, «Вардар» (якая была абвешчана чэмпіёнам), не змагла атрымаць ліцэнзію УЭФА, і ў выніку каманда, якая заняла другое месца, «Сылекс» была абраная для гульні ў сэзоне 2020/21 Лігі чэмпіёнаў УЭФА ад Фэдэрацыі футболу Паўночнай Македоніі, уваходзячы ў першы кваліфікацыйны раўнд.
  13. Паўночная Ірляндыя: Прэм’ер-чэмпіянат Паўночнай Ірляндыі 2019–20 гадоў быў спынены праз пандэмію ковід-19 у Паўночнай Ірляндыі. Лепшая каманда лігі на момант адмовы, Лінфілд (які быў абвешчаны чэмпіёнам), быў абраны для ўдзелу ў Лізе чэмпіёнаў УЭФА 2020–21.
  14. Сан-Марына: Сан-Марынскі 2019–2020 гадоў быў закінуты праз пандэмію ковід-19 у Сан-Марына. Лепшая каманда лігі на момант адмовы, Трэ Фіёры (Фіярэнтына) (якія былі абвешчаныя чэмпіёнамі), была абраная Фэдэрацыяй футболу Сан-Марына для ўдзелу ў Лізе чэмпіёнаў УЭФА 2020–21 гадоў, увайшоўшы ў папярэдні кваліфікацыйны раўнд.
  15. Шатляндыя: Прэм’ер-чэмпіянат Шатляндыі 2019–20 гадоў быў спынены праз пандэмію ковід-19 у Шатляндыі. Найлепшая каманда лігі на момант адмовы па сярэдняй колькасьці пунктаў за матч, якія правялі кожная каманда лігі, Сэлтык (які быў абвешчаны чэмпіёнам), быў абраны Шатляндзкай футбольнай асацыяцыяй для ўдзелу ў Лізе чэмпіёнаў УЭФА 2020–21, увайшоўшы ў першы адборачны раўнд.
  16. Турэччына: «Трабзанспор», каманда, якая заняла другое месца ў Супэрлізе 2019–2020 гадоў, атрымала бы кваліфікацыю ў другі кваліфікацыйны раўнд Лігі чэмпіёнаў УЭФА 2020–21, але была адхіленая ад усіх клюбных спаборніцтваў УЭФА на сэзон 2020–21. Ворган фінансавага кантролю УЭФА 3 чэрвеня 2020 году ў сувязі з парушэньнем Правілаў УЭФА аб фінансавай сумленнай гульні. «Трабзанспор» абскардзіў рашэньне ў Спартовым арбітражным судзе , але 30 ліпеня 2020 году было абвешчана, што забарона на іх удзел у клюбных спаборніцтвах УЭФА пакінутая ў сіле. У выніку каманда, якая заняла трэцяе месца, «Бэшыкташ» кваліфікавалася на гэтае месца.
  17. Ўэйлз: Прэм’ер Камры 2019–20 гадоў быў закінуты праз пандэмію ковід-19 ва Ўйльзе. Лепшая каманда лігі на момант адмовы па сярэдняй колькасьці пунктаў за матч, якія правялі кожная каманда лігі, Номадс (Конас-Кій) (якія былі абвешчаныя чэмпіёнамі), былі абраныя для ўдзелу ў Лізе чэмпіёнаў УЭФА 2020–21 гадоў Футбольнай асацыяцыяй Ўэйлзу і выйшлі ў першы кваліфікацыйны раўнд.

Расклад матчаўРэдагаваць

Расклад спаборніцтваў быў наступным (усе лёсаваньні праводзіліся ў штаб-кватэры УЭФА ў швайцарскім Ньёне, калі не пазначана іншае). Першапачаткова турнір павінен быў пачацца ў чэрвені 2020 году, але быў перанесены на жнівень праз пандэмію ковід-19 у Эўропе. Новы расклад быў абвешчаны Выканаўчым камітэтам УЭФА 17 чэрвеня 2020 году. Усе адборачныя матчы, за выключэньнем раўнду плэй-оф, праводзіліся як адзіночныя матчы, якія прымала адна з каманд па выніках лёсаваньня (за выключэньнем папярэдняга раўнду, які адбыўся на нэўтральным месцы).

Першапачаткова лёсаваньне групавога этапу павінна было праводзіцца ў Культурным цэнтры Фонду Стаўраса Ніарха ў Атэнах, Грэцыя, але 9 верасьня 2020 году УЭФА абвясьціў, што ён будзе перанесены ў Ньён, але ў выніку быў праведзены ў суседняй Жэнэве.

Расклад матчаў на Лігу Чэмпіёнаў УЭФА 2020-21
Фаза Раўнд Лёсаваньне Першы матч Другі матч
Кваліфікацыя Папярэдні раўнд 17 Ліпеня 2020 8 Жніўня 2020 (паўфіналы) 11 Жніўня 2021 (фінал)
Першы кваліфікацыйны раўнд 9 Жніўня 2020 18-19 Жніўня 2020
Другі кваліфікацыйны раўнд 10 Жніўня 2020 25-26 Жніўня 2020
Трэці кваліфікацыйны раўнд 31 Жніўня 2020 15-16 Верасьня 2020
Плэй-оф Кваліфікацыйны плэй-оф 1 Верасьня 2020 22-23 Верасьня 2020 29-30 Верасьня 2020
Групавы этап 1 гульнявы дзень 1 Кастрычніка 2020

(Жэнэва)

20-21 Кастрычніка 2020
2 гульнявы дзень 27-28 Кастрычніка 2020
3 гульнявы дзень 3-4 Лістапада 2020
4 гульнявы дзень 24-25 Лістапада 2020
5 гульнявы дзень 1-2 Сьнежня 2020
6 гульнявы дзень 8-9 Сьнежня 2020
Гульні на вылет Раўнд шаснаццаці 14 Сьнежня 2020 16-17 & 23-24 Лютага 2021 9-10 & 16-17 Сакавіка 2021
Чвэрцьфіналы 19 Сакавіка 2021 6-7 Красавіка 2021 13-14 Красавіка 2021
Паўфіналы 27-28 Красавіка 2021 4-5 Траўня 2021
Фінал 29 Траўня 2022 году на стадыёне «Эштадыю ду Драган» у горадзе Порту

Наступствы пандэміі ковід-19Рэдагаваць

У сувязі з пандэміяй ковід(COVID)-19 у Эўропе ў дачыненьні да спаборніцтваў дзейнічалі наступныя спэцыяльныя правілы:

  • Калі існавалі абмежаваньні на паездкі, зьвязаныя з пандэміяй ковід-19, якія не дазволілі гасьцявой камандзе ўехаць у краіну хатняй каманды або вярнуцца ў сваю краіну, матч можна было б згуляць у нэўтральнай краіне або ў краіне гасьцявой каманды, якая дазволіла правесьці матч на іншым месцы.
  • Калі каманда адмаўлялася гуляць або лічылася адказнай за тое, што матч не адбыўся, лічылася, што яна прайграла матч. Калі абедзьве каманды адмаўляліся гуляць або лічыліся вінаватымі ў тым, што матч не адбыўся, абедзьве каманды былі дыскваліфікаваныя.
  • Калі ў каманды былі гульцы і/або афіцыйныя асобы, якія далі станоўчы вынік на коронавірус SARS-2, што не дазволіла ім згуляць у матчы да ўстаноўленага УЭФА тэрміну, лічылася, што яны прайгралі матч.

24 верасьня 2020 году УЭФА абвясьціў, што з групавога этапу будзе дазволена пяць замен, а шостая — у дадатковы час. Аднак кожнай камандзе было дадзена толькі тры магчымасьці зрабіць замены падчас матчаў, з чацьвёртай магчымасьцю ў дадатковы час, за выключэньнем замен, зробленых у перапынку, перад пачаткам дадатковага часу і ў перапынку ў дадатковы час. Такім чынам, максімум дванаццаць гульцоў маглі быць занесены на лаўку запасных.

Усе адборачныя матчы праходзілі за зачыненымі дзьвярыма. Пасьля частковага вяртаньня заўзятараў на Супэркубак УЭФА 2020 году, УЭФА 1 кастрычніка 2020 году абвясьціла, што матчы, пачынаючы з групавога этапу, могуць праводзіцца з 30% напаўняльнасьцю, калі гэта дазволяць мясцовыя ўлады.

Першапачаткова фінал павінен быў прайсьці на стадыёне «Крэстоўскі» ў Санкт-Пецярбургу (Расея). Аднак празь пераносы й перанос фіналу 2020 году ў Лісабон, фінальныя гаспадары былі перанесены на год па раскладзе, таму Алімпійскі стадыён Ататурка ў Стамбуле, Турэччына, плянаваў правесьці фінал у 2021 годзе. Аднак 13 траўня 2021 году УЭФА абвясьціла, што фінал перанесены ў Порту, праз каранавірусныя абмежаваньні ў Турэччыне, каб дазволіць фанатам наведаць матч.

Кваліфікацыйныя раўндыРэдагаваць

Папярэдні раўндРэдагаваць

Лёсаваньне папярэдняга раўнду адбылося 17 ліпеня 2020 году а 13:00 па менскім часе. Паўфіналы гуляліся 8 жніўня на стадыёне Спартовага цэнтру Колюврэ ў швайцарскім Ньёне. Фінал мусіў гуляцца там жа 11 жніўня, але матч быў адменены праз тое, што гульцы «Дрыты» патрапілі ў каранцін пасьля таго, як два гульцы далі станоўчы вынік на каранавірус SARS-2, а Лінфілд атрымаў тэхнічную перамогу зь лікам 3:0.

Пераможаныя што ў паўфінале, што ў фінале, выйшлі ў другі кваліфікацыйны раўнд Лігі Эўропы УЭФА 2020–21.

Каманда 1 Лік Каманда 2
Паўфіналы
  Трэ Фіёры (Фіярэнтына) 0:2   Лінфілд (Бэлфаст)
  Дрыта (Гнілане) 2:1   Інтэр (Эскальдэс-Энгардань)
Фінал
  Дрыта (Гнілане) 0:3[1]   Лінфілд (Бэлфаст)

Першы кваліфікацыйны раўндРэдагаваць

Лёсаваньне першага кваліфікацыйнага раўнду адбылося 9 жніўня 2020 а 13:00 па менскім часе. Матчы гуляліся 18 і 19 жніўня 2020 году. Матч паміж «КІ (Кляксьвік)» і «Слованам (Браціслава)» быў адменены праз тое, што гульцы «Слована» патрапілі на каранцін пасьля таго, як адзін з гульцоў атрымаў станоўчы тэст на каранавірус SARS-2, і KÍ атрымалі тэхнічную перамогу зь лікам 3–0.

Пераможаныя выйшлі ў другі кваліфікацыйны раўнд Лігі Эўропы УЭФА 2020–21.

Каманда 1 Агульны лік Каманда 2
  Фэрэнцвараш (Будапэшт) 2-0   Юргордэн (Стакгольм)
  Сэлтык (Глазга) 6-0   Рэйк’явік (з аднайменнага горада)
  Легія (Варшава) 1-0   Лінфілд (Бэлфаст)
  Шэрыф (Тыраспаль) 2-0   Фоля (Эш-сюр-Альзэт)
  Номадс (Конас-Кій) 0-2   Сараева (з аднайменнага горада)
  Црвена Зьвезда (Бялград) 5-0   Эўропа (Гібральтар)
  Будучнаст (Падгорыца) 1-3   Лудагорац (Разград)
  Арарат-Армэнія (Ерэван) 0-1[2]   Амонія (Нікасія)
  Фларыяна (з аднайменнага горада) 0-2   ЧФР Клуж (Клуж-Напокі)
  Макабі (Тэль-Авіў) 2-0   Рыга (з аднайменнага горада)
  Карабах (Агдам) 4-0   Сылекс (Кратава)
  Дынама (Тбілісі) 0-2   Тырана (з аднайменнага горада)
  Дынама (Берасьце) 6-3   Астана (Нур-Султан)
  Мольдэ (з аднайменнага горада) 5-0   КуПС (Куопіё)
  Флёра (Талін) 1-1[2](2-4)[3]   Судува (Мар’ямпаль)
  Цэле (з аднайменнага горада) 3-0   Дандолк (з аднайменнага горада)
  КІ (Кляксьвік) 3-0[1]   Слован (Браціслава)

Другі кваліфікацыцны раўндРэдагаваць

Лёсаваньне другога кваліфікацыйнага раўнду прайшло 10 жніўня 2020 году а 13:00 па менскім часе. Матчы прайшлі 25 і 26 жніўня 2020 году. Зь дзесяці няўдачнікаў са Шляху чэмпіёнаў дзьве каманды, Тырана і Лудагорац (Разград), вызначаныя лёсаваньнем 31 жніўня 2020 году пасьля лёсаваньня другога кваліфікацыйнага раўнду Лігі Эўропы, выйшлі ў раўнд кваліфікацыйнага плэй-оф Лігі Эўропы УЭФА 2020–21 (Шлях чэмпіёнаў), а астатнія восем камандаў выйшлі ў трэці кваліфікацыйны раўнд Лігі Эўропы УЭФА 2020–21 (Шлях чэмпіёнаў). Пераможаныя са шляху прадстаўнікоў лігаў трапілі ў трэці кваліфікацыйны раўнд Лігі Эўропы УЭФА 2020–21 (Асноўны шлях).

Чэмпіёнскі шлях
Каманда 1 Агульны лік Каманда 2
  ЧФР Клуж (Клуж-Напокі) 2–2[2](5-6)[3]   Дынама (Загрэб)
  Янг Бойз (Бэрн) 3–1   КІ (Кляксьвік)
  Сэлтык (Глазга) 1–2   Фэрэнцвараш (Будапэшт)
  Судува (Мар’ямпаль) 0–3   Макабі (Тэль-Авіў)
  Легія (Варшава) 0–2[2]   Амонія (Нікасія)
  Цэле (з аднайменнага горада) 1–2   Мольдэ (з аднайменнага горада)
  Лудагорац (Разград) 0–1   Міт’юлян (Гэрнінг)
  Дынама (Берасьце) 2–1   Сараева (з аднайменнага горада)
  Карабах (Агдам) 2–1   Шэрыф (Тыраспаль)
  Тырана (з аднайменнага горада) 0–1   Црвена Зьвезда (Бялград)
Каманда 1 Агульны лік Каманда 2
Шлях прадстаўнікоў лігі
  АЗ (Алькмаар) 3–1[2]   Вікторыя (Пльзень)
  ПАОК (Тэсалёнікі) 3–1   Бэшыкташ (Стамбул)
  Лякаматыва (Загрэб) 0–1   Рапід (Вена)

Трэці кваліфікацыйны раўндРэдагаваць

Лёсаваньне трэцяга кваліфікацыйнага раўнду адбылося 31 жніўня 2020 году а 13 гадзіне па Менскаму часе. Матчы прайшлі 15 і 16 верасьня 2020 году.

Пераможаныя са шляху чэмпіёнаў трапілі ў раўнд кваліфікацыйнага плэй-оф Лігі Эўропы УЭФА 2020–21. Тыя, хто атрымалі паразу на шляху прадстаўнікоў лігаў, выйшлі ў групавы этап лігі Эўропы 2020-21.

Чэмпіёнскі шлях
Каманда 1 Агульны лік Каманда 2
  Фэрэнцвараш (Будапэшт) 2–1   Дынама (Загрэб)
  Карабах (Агдам) 0–0[2](5-6)[3]   Мольдэ (з аднайменнага горада)
  Амонія (Нікасія) 1–1[2](4-2)[3]   Црвена Зьвезда (Бялград)
  Міт’юлян (Гэрнінг) 3–0   Янг Бойз (Бэрн)
  Макабі (Тэль-Авіў) 1–0   Дынама (Берасьце)
Каманда 1 Агульны лік Каманда 2
Шлях прадстаўнікоў лігі
  ПАОК (Тэсалёнікі) 2–1   Бэнфіка (Лісабон)
  Дынама (Кіеў) 2–0   АЗ (Алькмаар)
  Гент 2–1   Рапід (Вена)

Раўнд кваліфікацыйнага плэй-офРэдагаваць

Лёсаваньне раўнду плэй-оф адбылося 1 верасьня 2020 году а 13:00 па Менскаму часе. Першыя матчы прайшлі 22 й 23 верасьня, гасьцёвыя — 24 й 25 верасьня 2020 году.

Пераможцы матчаў выйшлі ў групавы этап. Пераможаныя былі пераведзены ў групавы этап Лігі Эўропы.

Каманда 1 Агульны лік Каманда 2 Першы матч Другі матч
Чэмпіёнскі шлях
  Славія (Прага) 1-4   Міт’юлян (Гэрнінг) 0-0 1-4
  Макабі (Тэль-Авіў) 2-5   Рэд Бул (Зальцбург) 1-2 1-3
  Алімпіякос (Пірэй) 2-0   Амонія (Нікасія) 2-0 0-0
  Мольдэ (з аднайменнага горада) 3-3[4]   Фэрэнцвараш (Будапэшт) 3-3 0-0
Каманда 1 Агульны лік Каманда 2 Першы матч Другі матч
Шлях прадстаўнікоў лігі
  Краснадар 4-2   ПАОК (Тэсалёнікі) 2-1 2-1
  Гент 1-5   Дынама (Кіеў) 1-2 0-3

Групавы этапРэдагаваць

Лёсаваньне групавога этапу прайшло ў Жэнэве, Швайцарыя 1 кастрычніка 2020 году. 32 каманды былі падзеленыя на восем групаў па чатыры ў кожнай. Для лёсаваньня каманды былі разьмеркаваныя на чатыры кошыкі, кожны з васьмі камандаў, паводля наступных прынцыпаў:

Каманды з адной асацыяцыі, гэтаксама па палітычных матывах каманды Ўкраіны ды Расеі, не маглі трапіць у адну групу.

Матчы прайшлі 20–21 кастрычніка, 27–28 кастрычніка, 3–4 лістапада 24–25 лістапада, 1–2 сьнежня і 8–9 сьнежня 2020 году. Дзьве найлепшыя каманды кожнай групы выйшлі ў 1/8 фіналу. Каманды, якія занялі трэцяе месца, былі пераведзены ў раўнд плэй-оф Лігі Эўропы, а каманды, якія занялі чацьвёртае месца, выбылі з эўрапейскіх спаборніцтваў у гэтым сэзоне.

Істанбул Башакшэхір, Краснадар, Міт’юлян і Рэн дэбютавалі на групавым этапе. З выхадам Істанбула Башакшэхіра на групавы этап Стамбул стаў першым горадам, які быў прадстаўлены на групавым этапе чатырма рознымі камандамі (раней яго прадстаўлялі Бэшыкташ, Фэнэрбахчэ і Галатасарай). Гэты сэзон стаў першым у гісторыі Лігі чэмпіёнаў, у якім на групавым этапе выступалі тры расейскія клюбы.

     Каманды, якія выйшлі ў 1/8 фіналу

     Каманды, якія перайшлі ў 1/16 фіналу Лігі Эўропы

Група АРэдагаваць

Г В Н П Мячы Пкт
Баварыя 6 5 1 0 18-5 16
Атлетыка Мадрыд 6 2 3 1 7-8 9
Рэд Бул Зальцбург 6 1 1 4 10-17 4
Лякаматыў Масква 6 0 3 3 5-10 3

Група Б[5]Рэдагаваць

Г В Н П Мячы Пкт
Рэал Мадрыд 6 3 1 2 11-9 10
Барусія Мёнхэнглядбах 6 2 2 2 6-9 8
Шахтар Данецк 6 2 2 2 5-12 8
Інтэрнацыянале 6 1 3 2 7-9 6

Група В[6]Рэдагаваць

Г В Н П Мячы Пкт
Манчэстэр Сіці 6 5 1 0 13-1 16
Порту 6 4 1 1 10-3 13
Алімпіякос 6 1 0 5 2-10 3
Алімпік Марсэль 6 1 0 5 2-13 3

Група ГРэдагаваць

Г В Н П Мячы Пкт
Лівэрпул 6 4 1 1 10-3 13
Аталянта 6 3 2 1 10-8 11
Аякс 6 2 1 3 7-7 7
Міт’юлян 6 0 2 4 4-13 2

Група ДРэдагаваць

Г В Н П Мячы Пкт
Чэлсі 6 4 2 0 14-2 14
Сэвільля 6 4 1 1 9-8 13
Краснадар 6 1 2 3 6-11 5
Рэн 6 0 1 5 3-11 1

Група ЕРэдагаваць

Г В Н П Мячы Пкт
Барусія 6 4 1 1 12-5 13
Ляцыё 6 2 4 0 11-7 10
Бруге 6 2 2 2 8-10 8
Зэніт 6 0 1 5 4-13 1

Група Ё [7]Рэдагаваць

Г В Н П Мячы Пкт
Ювэнтус 6 5 0 1 14-4 15
Барсэлёна 6 5 0 1 16-5 15
Дынама Кіеў 6 1 1 4 4-13 4
Фэрэнцвараш 5 0 0 5 5-17 0

Група Ж[8]Рэдагаваць

Г В Н П Мячы Пкт
Пары Сэн-Жэрмэн 6 4 0 2 13-6 12
РБ Ляйпцыг 6 4 0 2 11-12 12
Манчэстэр Юнайтэд 6 3 0 3 15-10 9
Істанбул Башакшэхір 6 1 0 5 7-18 3

Плэй-офРэдагаваць

У раўндзе асноўнага плэй-оф каманды гулялі паміж сабою ў двух матчах дома і ў гасьцях, за выключэненем аднаматчавага фіналу. Мэханізм лёсаваньняў ды гульняў кожнага раўнду быў наступным:

  • У лёсаваньні 1/8 фіналу восем пераможцаў групаў былі пасеянымі, а восем тых, што занялі другое месца, выцягваліся з другога кошыка. Да пасеяных камандаў выцягваліся ў супэрнікі тыя, хто ня быў пасеянымі. Каманды з адной групы або з адной асацыяцыі не маглі трапіць адна супраць адной.
  • У лёсаваньні чвэрцьфіналаў і паўфіналаў не было пасеяў, і каманды з адной групы або з аднаго аб’яднаньня маглі згуляць паміж сабой. Паколькі лёсаваньні чвэрцьфіналаў і паўфіналаў праводзіліся разам да вынікаў чвэрцьфіналаў, асобы пераможцаў чвэрцьфіналу не былі вядомыя на момант лёсаваньня. Таксама было праведзена лёсаваньне, каб вызначыць, які пераможца паўфіналу быў вызначаны ў якасьці «хатняй» каманды для фіналу (у адміністрацыйных мэтах, паколькі ён праходзіў на нэўтральнай пляцоўцы).

1/8 фіналуРэдагаваць

Каманда 1 Агульны лік Каманда 2 Першы матч Другі матч Галы й галеадоры
  Ляцыё (Рым) 2:6   Баварыя (Мюнхэн) 1:4 1:2
  1. Левандоўскі 9' (0:1), Мусіяля 24' (0:2), Санэ 42' (0:3), Ачэрбі 47' (аўта) (0:4), Карэа 49' (1:4)
  2. Левандоўскі 33' (пэн.) (1:5), Шупо-Матынг 73' (1:6), Паролё 82' (2:6)
  Барсэлёна 2:5   Пары Сэн-Жэрмэн (Парыж) 1:4 1:1
  1. Мэсі 27' (пэн.) (1:0), Мбапэ 32' (1:1), 65' (1:2), Кін 70' (1:3), Мбапэ 85' (1:4)
  2. Мбапэ 31' (пэн.) (1:5), Мэсі 37' (2:5)
  Барусія (Мёнхэнглядбах) 0:4   Сіці (Манчэстэр) 0:2 0:2
  1. Сылва 29' (0:1), Жэзус 65' (0:2)
  2. дэ Бройнэ 12' (0:3), Гюндаган 18' (0:4)
  Сэвільля 4:5   Барусія (Дортмунд) 2:3 2:2
  1. Суса 7' (1:0), Даўд 19' (1:1), Голян 27' (1:2), 43' (1:3), дэ Ёнг 84' (2:3)
  2. Голян 35' (2:4), 54' (пэн.) (2:5), Эн-Нэсыры 69' (пэн.) (3:5), 90+6' (4:5)
  Аталянта (Бэргама) 1:4   Рэал (Мадрыд) 0:1 1:3
  1. Мэндзі 86' (0:1)
  2. Бэнзэма 34' (0:2), Рамас (60') (пэн.) (0:3), Мурыель 83' (1:3), Асэнсіё 85' (1:4)
  РБ (Ляйпцыг) 0:4   Лівэрпул 0:2 0:2
  1. Саляг 53' (0:1), Манэ 58' (0:2)
  2. Саляг 70' (0:3), Манэ 74' (0:4)
  Порту 4:4[4]   Ювэнтус (Турын) 2:1 2:3[2]
  1. Тарэмі 2' (1:0), Муса Марэга 46' (2:0), К’еза 82' (2:1)
  2. Алівэйра 19' (пэн.) (3:1), К’еза 82' (3:2), 63' (3:3), Алівэйра 115' (4:3), Раб’ё 117' (4:4)
  Атлетыка (Мадрыд) 0:3   Чэлсі (Лёндан) 0:1 0:2
  1. Жыру 68' (0:1)
  2. Зыеш 34' (0:2), Палміеры 90+4' (0:3)

ЧвэрцьфіналыРэдагаваць

Каманда 1 Агульны лік Каманда 2 Першы матч Другі матч Галы й галеадоры
  Баварыя (Мюнхэн) 3:3[4]   Пары Сэн-Жэрмэн (Парыж) 2:3 1:0
  1. Мбапэ 3' (0:1), Маркіньюс 28' (0:2), Шупо-Матынг 37' (1:2), Мюлер 60' (2:2), Мбапэ 68' (2:3)
  2. Шупо-Матынг 40' (3:3)
  Сіці (Манчэстэр) 4:2   Барусія (Дортмунд) 2:1 2:1
  1. дэ Бройнэ 19' (1:0), Ройс 84' (1:1), Фодэн 90' (2:1)
  2. Бэлінггэм 15' (2:2), Магрэз 55' (пэн.) (3:2), Фодэн 75' (4:2)
  Рэал (Мадрыд) 3:1   Лівэрпул 3:1 0:0
  1. Жуніёр 27' (1:0), Асэнсіё 36' (2:0), Саляг 51' (2:1), Жуніёр 65' (3:1)
  2. -
  Порту 1:2   Чэлсі (Лёндан) 0:2 1:0
  1. Маўнт 32' (0:1), Чылўэл 85' (0:2)
  2. Тарэмі 90+4' (1:2)

ПаўфіналыРэдагаваць

Каманда 1 Агульны лік Каманда 2 Першы матч Другі матч Галы й галеадоры
  Пары Сэн-Жэрмэн (Парыж) 1:4   Сіці (Манчэстэр) 1:2 0:2
  1. Маркіньюс 15' (1:0), дэ Бройнэ 64' (1:1), Магрэз 71' (1:2)
  2. Магрэз 11' (1:3), 63' (1:4)
  Рэал (Мадрыд) 1:3   Чэлсі (Лёндан) 1:1 0:2
  1. Пулішыч 14' (1:0), Бэнзэма 29' (1:1)
  2. Вэрнэр 28' (1:2), Маўнт 85' (1:3)

ФіналРэдагаваць

Асноўны артыкул: Фінал Лігі чэмпіёнаў УЭФА 2021 году
29 траўня 2021
21:00 (Па менскаму часе)
Манчэстэр Сіці 0:1 Чэлсі Эштадыю ду Драган, Порту
Гледачоў: 14,110
Судзьдзя: Антоніё Матэў Ляёс (Гішпанія)
Справаздача Гавэрц, 42’

СтатыстыкаРэдагаваць

Сьпіс найлепшых галеадораўРэдагаваць

Месца Гулец Каманда Галы За якую колькасьць хвілін
1 Эрлінг Голян Барусія Дортмунд 10 705
2 Кіліян Мбапэ Пары Сэн-Жэрмэн Парыж 8 900
3-9 Аліўе Жыру Чэлсі Лёндан 6 257
Юсэф Эн-Нэсыры Сэвільля 386
Маркус Рашфард Манчэстэр Юнайтэд 416
Альвара Марата Ювэнтус Турын 597
Нэймар Пары Сэн-Жэрмэн Парыж 746
Магамэд Саляг Лівэрпул 781
Карым Бэнзэма Рэал Мадрыд 842
10-14 Чыра Імобіле Ляцыё Рым 5 417
Робэрт Левандоўскі Баварыя Мюнхэн 514
Ліянэль Мэсі Барсэлёна 540
Алясан Плеа Барусія Мёнхэнглядбах
Сэржыю Алівэйра Порту 740

Сьпіс найлепшых асістэнтаўРэдагаваць

Месца Гулец Каманда Асісты За якую колькасьць хвілін
1 Хуан Куадрада Ювэнтус Турын 6 551
2-4 Ёзуа Кіміх Баварыя Мюнхэн 4 617
Кевін дэ Бройнэ Манчэстэр Сіці 669
Анхэль Дзі Марыя Пары Сэн-Жэрмэн Парыж 697
5-15 Джэйдан Санча Барусія Дортмунд 3 386
Алясан Плеа Барусія Мёнхэнглядбах 540
Душан Тадыч Аякс Амстэрдам
Кінгсьлі Каман Баварыя Мюнхэн 579
Анхэліньнё РБ Ляйпцыг 627
Томас Мюлер Баварыя Мюнхэн 632
Нэймар Пары Сэн-Жэрмэн Парыж 746
Кай Гавэрц Чэлсі Лёндан 788
Кіліян Мбапэ Пары Сэн-Жэрмэн Парыж 900
Лука Модрыч Рэал Мадрыд 911
Філ Фодэн Манчэстэр Сіці 1066

Каманда сэзонуРэдагаваць

Група тэхнічнага вывучэньня УЭФА выбрала ў якасьці каманды турніру 23 наступных гульцоў.

Пазыцыя Гулец Каманда
Брамнік Тыбо Куртуа Рэал Мадрыд
Эдэрсан Манчэстэр Сіці
Эдуар Мэндзі Чэлсі Лёндан
Абаронцы Сэсар Асьпілікуэта Чэлсі Лёндан
Рубэн Дыяш Манчэстэр Сіці
Маркіньюс Пары Сэн-Жэрмэн Парыж
Антоніё Рудыгер Чэлсі Лёндан
Бэн Чылўэл Чэлсі Лёндан
Давід Аляба Баварыя Мюнхэн
Паўабаронцы Жаржыньню Чэлсі Лёндан
Мэйсан Маўнт Чэлсі Лёндан
Н’Галё Кантэ Чэлсі Лёндан
Кевін дэ Бройнэ Манчэстэр Сіці
Ількай Гюндаган Манчэстэр Сіці
Лука Модрыч Рэал Мадрыд
Сэржыю Алівэйра Порту
Філ Фодэн Манчэстэр Сіці
Нападнікі Эрлінг Голян Барусія Дортмунд
Кіліян Мбапэ Пары Сэн-Жэрмэн Парыж
Робэрт Левандоўскі Баварыя Мюнхэн
Карым Бэнзэма Рэал Мадрыд
Нэймар Пары Сэн-Жэрмэн Парыж
Ліянэль Мэсі Барсэлёна

Гульцы сэзонуРэдагаваць

За гульцоў сэзону галасавалі трэнеры 32 камандаў групавога этапу, а таксама 55 журналістаў, адабраных групай Эўрапейскіх спартовых СМІ, якія прадстаўляюць кожную з асацыяцый-чальцоў УЭФА. Трэнерам не дазвалялася галасаваць за гульцоў сваёй каманды. Чальцы журы вызначалі тройку лепшых гульцоў: першы атрымаў пяць балаў, другі — тры, трэці — адзін. Вершыня сьпісу з трох найлепшых гульцоў была абвешчаная 13 жніўня 2021 году. Пераможцы былі аб’яўленыя й ушанаваныя прызамі падчас лёсаваньня групавога этапу Лігі чэмпіёнаў УЭФА 2021-2022 ў Турэччыне 26 жніўня 2021 году.

  • Найлепшы брамнік
Месца Гулец Каманда Пункты
Вяршыня сьпісу трох найлепшых
1 Эдуар Мэндзі Чэлсі Лёндан 286
2 Эдэрсан Манчэстэр Сіці 154
3 Тыбо Куртуа Рэал Мадрыд 96
Гульцы, што замыкаюцья дзясятку
4 Кейляр Навас Пары Сэн-Жэрмэн Парыж 50
5 Мануэль Ноер Баварыя Мюнхэн 36
6 Ян Облак Атлетыка Мадрыд 35
7 Джанлюіджы Данарума Мілян 20
8 Марк-Андрэ тэр Штэген Барсэлёна 13
9 Алісан Лівэрпул 4
Агустын Марчэсын Порту
  • Найлепшы абаронца
Месца Гулец Каманда Пункты
Вершыня сьпісу трох найлепшых
1 Рубэн Дыяш Манчэстэр Сіці 217
2 Сэсар Асьпілікуэта Чэлсі Лёндан 115
3 Антоніё Рудыгер Чэлсі Лёндан 78[9]
Гульцы, што замыкаюцья дзясятку
4 Маркіньюс Пары Сэн-Жэрмэн Парыж 78[9]
5 Т’ягу Сылва Чэлсі Лёндан 59
6 Кайл Ўокер Манчэстэр Сіці 35
7 Джорджа К’еліні Ювэнтус 18
8 Джон Стоўнз Манчэстэр Сіці 15
9 Давід Аляба Баварыя Мюнхэн 14
Леанарда Бануччы Ювэнтус
  • Найлепшы паўабаронца
Месца Гулец Каманда Пункты
Вершыня сьпісу трох найлепшых
1 Н’Галё Кантэ Чэлсі Лёндан 263
2 Кевін дэ Бройнэ Манчэстэр Сіці 197
3 Жаржыньню Чэлсі Лёндан 149
Гульцы, што замыкаюцья дзясятку
4 Ількай Гюндаган Манчэстэр Сіці 15
Мэйсан Маўнт Чэлсі Лёндан
6 Фрэнкі дэ Ёнг Барсэлёна 9
Лука Модрыч Рэал Мадрыд
8 Пэдры Барсэлёна 6
9 Кай Гавэрц Чэлсі Лёндан 5
Джарджыніё Вэйнальдум Лівэрпул
  • Найлепшы нападнік
Месца Гулец Каманда Пункты
Вершыня сьпісу трох найлепшых
1 Эрлінг Голян Барусія Дортмунд 202
2 Кіліян Мбапэ Пары Сэн-Жэрмэн Парыж 154
3 Робэрт Левандоўскі Баварыя Мюнхэн 104
Гульцы, што замыкаюцья дзясятку
4 Ліянэль Мэсі Барсэлёна 76
5 Карым Бэнзэма Рэал Мадрыд 70
6 Нэймар Пары Сэн-Жэрмэн Парыж 23
7 Кай Гавэрц Чэлсі Лёндан 16
Рагім Стэрлінг Манчэстэр Сіці
9 Рамэлю Люкаку Інтэрнацыянале Мілян 6
Мэйсан Маўнт Чэлсі Лёндан

КрыніцыРэдагаваць

  1. ^ а б Тэхнічная перамога ў тры мячы праз станоўчыя вынікі на наяўнасьць каранавірусу ў супэрнікаў
  2. ^ а б в г д е ё ж Для выяўленьня пераможцы быў задзейнічаны дадатковы час
  3. ^ а б в г Пераможца быў вызначаны ў пасьляматчавай сэрыі пэнальці
  4. ^ а б в Пераможца быў вызначаны па правіле выязнога голу (па пераважнай колькасьці забітых галоў у гасьцёх)
  5. ^ Пры роўнай колькасьці пунктаў далей у Лізе чэмпіёнаў рушыла Барусія Мёнхэглядбах празь лепшую набраную колькасьць пунктаў у асабістых сустрэчах 6 > 0
  6. ^ Пры роўнай колькасьці пунктаў далей у Лігу Эўропы рушыў Алімпіякос празь лепшую колькасьць гасьцявых галоў у асабістых сустрэчах 1 > 0
  7. ^ Пры роўнай колькасьці пунктаў першым апынуўся Ювэнтус празь лепшую розьніцу забітых/прапушчаных галоў у асабістых сустрэчах +1 > -1
  8. ^ Пры роўнай колькасьці пунктаў першым апынуўся Пары Сэн-Жэрмэн празь лепшую колькасьць гасьцявых галоў у асабістых сустрэчах 1 > 0
  9. ^ а б Пры роўнай колькасьці пунктаў, вышэй меўся Антоніё Рудыгер праз большую колькасьць 5-пунктавых адзнак (максімальна-магчымая адзнака, што маглі прысудзіць журы)