Вікіпэдыя

Кіліян Мбапэ

францускі футбаліст

Кілія́н Мбапэ́ (па-француску: Kylian Mbappé; нарадзіўся 20 сьнежня 1998 году) — францускі футбаліст, нападнік гішпанскага клюбу «Рэал» і нацыянальнай зборнай Францыі. Чэмпіён сьвету 2018 году. Лічыцца адным з найлепшых гульцоў у сьвеце, ён вядомы сваімі бамбардзірскімі здольнасьцямі, дрыблінгам і хуткасьцю.

Кіліян Мбапэ
Пэрсанальная інфармацыя
Нарадзіўся 20 сьнежня 1998(1998-12-20)[1][2][3][…] (25 гадоў)
Рост 178 см[5]
Вага 73 кг і 75 кг[5]
Пазыцыя нападнік
Клюбная інфармацыя
Клюб Рэал Мадрыд
Нумар 9
Клюбы
Гады Клюб Гульні (галы)¹
2016—2018
2017—2018
2018—2024
2024— 		Манака
→ Пары Сэн-Жэрмэн (арэнда)
Пары Сэн-Жэрмэн
Рэал Мадрыд 		41 (16)
27 (13)
178 (162)
5 (3)
Зборныя
2017— Францыя 86 (48)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
14 верасьня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
9 верасьня 2024.

Кар’ера

рэдагаваць

Мбапэ нарадзіўся ў Парыжы ў сям’і футбольнага трэнэра Вільфрэда, камэрунскага паходжаньня, і былой гандбалісткі кабільскага паходжаньня Файзы Лямары. Выхоўваўся наведваючы каталіцкую школу ў Бандзі. Футболам пачаў займацца 6-гадовым веку ў мясцовым футбольным клюбам, дзе яго выхоўваў бацька. Празь нейкі час хлопец перабраўся ў акадэмію Францускай фэдэрацыі футболу ў «Клерфантэне». Дзякуючы ўражваючым выступам зацікавіў супэрклюбы, як то мадрыдзкі «Рэал», «Чэлсі», «Лівэрпул», «Манчэстэр Сіці» і «Баварыя», але ў выніку абраў «Манака»[6].

Далучыўшыся да табару манэгаскаў Мбапэ ў хуткім часе прыцягнуў увагу галоўнага трэнэра клюбу Леанарду Жардыма, які прасунуў футбаліста ў галоўную дружыну ўсяго толькі праз тры тыдня пасьля далучэньня да рэзэрвовага складу[7]. У колерах «Манака» дэбютаваў 2 сьнежня 2015 году, зьмяніўшы Фабію Куэнтрана на 88-й хвіліне матчу супраць «Кану» (1:1)[8]. Такім чынам, ён стаў самым маладым дэбютантам у гісторыі клюбу, пераадолеўшы рэкорд, усталяваны Т’еры Анры[8]. 20 лютага 2016 году адзначыўся першым голам за клюб, калі трапна пацэліў спартовы ладунак у браму футбольнага клюбу «Труа» ў пераможным зь лікам 3:1 матчы[9]. Гэтым ён яшчэ раз перасягнуў рэкорд Т’еры Анры, які быў да гэтага часу самым маладым бамбардзірам у гісторыі «Манака»[9]. У сэзоне 2016—2017 гадоў сапраўды стаў асноўным нападнікам клюбу, разам зь якім здабыў тытул чэмпіёна Францыі.

Сваёй гульнёй прыцягнуў увагу «Пары Сэн-Жэрмэн», які, аднак, празь перасьцярогу аб парушэньні правілаў фінансавага фэйр-плэй, ня адразу выкупіў правы на футбаліста, а спачатку арэндаваў яго 31 жніўня 2017 году. Толькі 1 ліпеня 2018 году гулец стаў паўнапраўным футбалістам парыжанаў. За маладога гелеадора сталічны клюбы выдаткаваў 180 млн эўра. Такім чынам, Мбапэ стаў другім самым дарагім футбалістам у гісторыі футбола, за выняткам свайго новага клюбнага партнэра Нэймара. Ён згуляў адразу пачаў гуляць ключавую ролю ў камандзе. Паводле вынікаў сэзону 2017—2018 гадоў у Лізе 1 ён зарабіў на свой рахунак 13 галоў і 8 асыстэнцкіх пунктаў у 28 матчах. У ліпені 2018 году пасьля сыходу Лукаса Моўры скарыстаў нумер 7 і ужо ў першым сваім матчы чэмпіёнату супраць «Генгаму» двойчы трапна пацэліў у браму супернікаў, здабыўшы для клюбу перамогу зь лікам 3:1[10]. Сэзон 2018—2019 гадоў скончыў на першым радку сьпісу найлейпшых бамбардзіраў францускага першынства, настраляўшы 33 галы.

3 чэрвеня 2024 году мадрыдзкі «Рэал» абвесьціў, што Мбапэ склаў з камандай пяцігадовы кантракт ужо праз два дні пасьля здабыцьця «сьметанковымі» чарговага тытулу пераможцаў Лігі чэмпіёнаў[11]. Пераход француза ў «Рэал» спарадзіў інтэнсіўныя спэкуляцыі і перамоваў, якія адлюстроўваюць ягоны статус аднаго з самых запатрабаваных футбалістаў[12]. 10 ліпеня «Рэал» абвясьціў, што прэзэнтацыя Мбапэ адбудзецца на Сант’яга Бэрнабэў 16 ліпеня[13]. Пазьней у той жа дзень ён атрымаў кашулю з нумарам 9, стаўшы першым гульцом «Рэалу», які апрануў кашулю з гэтым нумарам пасьля свайго суайчыньніка Карыма Бэнзэма[14][15]. Прэзэнтацыю футбаліста наведалі 80 тысячаў гледачоў, то бок столькі ж, колькі і прэзэнтацыю Крыштыяну Раналду ў 2009 годзе[16]. Свой першы матч у складзе новага клюбу Мбапэ згуляў 14 жніўня ў матчы Супэркубка УЭФА, спрычыніўшыся голам да перамогі гішпанскай каманды над італьянскай «Аталянтай».

Дасягненьні

рэдагаваць

«Манака»:

«Пары Сэн-Жэрмэн»:

«Рэал»:

Францыя:

  • Чэмпіён сьвету: 2018

Крыніцы

рэдагаваць
  1. ^ а б в K. Mbappe // Soccerway (мн.)
  2. ^ а б в KYLIAN MBAPPE // Argentine Soccer Database (гішп.)
  3. ^ а б в Kylian Mbappe-Lottin // As (гішп.) — Madrid: PRISA, 1967. — ISSN 1888-6671
  4. ^ а б https://www.lequipe.fr/Football/FootballFicheJoueur58221.html
  5. ^ а б в г https://en.psg.fr/teams/first-team/squad/kylian-mbappe
  6. ^ «Kylian Mbappe: the Monaco teen who might be Europe’s most wanted youngster». FourFourTwo.
  7. ^ «Mbappe: Made in Manchester». Sky Sports.
  8. ^ а б «Kylian Mbappe-Lottin becomes the club’s youngest player». AS Monaco.
  9. ^ а б «Kylian Mbappe offered Monaco contract amid Arsenal, Liverpool links». ESPN
  10. ^ «Mbappe scores twice in Lique 1 return to seal PSG fight-back». BBC Sport.
  11. ^ «Official Announcement: Mbappé». Real Madrid CF.
  12. ^ «Kylian Mbappé completes Real Madrid transfer after PSG exit». ESPN.
  13. ^ «Official Announcement: Kylian Mbappé’s presentation». Real Madrid CF.
  14. ^ «Squad number changes». Real Madrid CF.
  15. ^ Cortegana, Mario; Rai, Guillermo (10.07.2024). «Kylian Mbappe to wear No. 9 shirt at Real Madrid». The Athletic.
  16. ^ Cortegana, Mario; Corrigan, Dermot (16.07.2024). «Kylian Mbappe and the story of Real Madrid’s decade-long 'obsession' to sign him». The New York Times.

Вонкавыя спасылкі

рэдагаваць


Атрымана з «https://be-tarask.wikipedia.org/w/index.php?title=Кіліян_Мбапэ&oldid=2567075»