Чыра Імобіле
Чы́ра Імо́біле (па-італьянску: Ciro Immobile; нарадзіўся 20 лютага 1990 году, Торэ-Анунцыята, Нэапаль, Італія) — італьянскі футбаліст, нападнік турэцкага клюбу «Бэшыкташ» і нацыянальнай зборнай Італіі. Пачаў сваю кар’еру ў італьянскім клюбе «Ювэнтус», за які правёў толькі тры афіцыйныя матчы, у сэзоне 2013/2014 стаў найлепшым бамбардырам Сэрыі А, у выніку чаго быў уключаны ў склад зборнай Італіі на чэмпіянат сьвету.
| Чыра Імобіле | ||
| ||
| Пэрсанальная інфармацыя | ||
|---|---|---|
| Нарадзіўся | 20 лютага 1990[1][2][3] (34 гады)
| |
| Рост | 182 см[4] | |
| Вага | 85 кг[5] | |
| Пазыцыя | нападнік | |
| Клюбная інфармацыя | ||
| Клюб | Бэшыкташ | |
| Нумар | 17 | |
| Клюбы | ||
| Гады | Клюб | Гульні (галы)¹ |
| 2009—2012 2010—2011 2011 2011—2012 2012—2013 2013 2013—2014 2014—2016 2015—2016 2016 2016 2016—2024 2024— |
Ювэнтус → Сіена (арэнда) → Грасэта (арэнда) → Пэскара (арэнда) Джэноа Ювэнтус Тарына Барусія Дортмунд → Сэвільля (арэнда) Сэвільля → Тарына (арэнда) Ляцыё Бэшыкташ |
3 (0) 4 (1) 16 (1) 37 (28) 33 (5) 0 (0) 33 (22) 24 (3) 8 (2) 0 (0) 14 (5) 270 (169) 4 (3) |
| Зборныя | ||
| 2014— | Італія | 57 (17) |
|
¹ Колькасьць гульняў і галоў за прафэсійны клюб лічыцца толькі | ||
Кар'ера
рэдагаваць«Ювэнтус»
рэдагавацьЧыра Імобіле ў чэрвені 2008 году перайшоў у турынскі «Ювэнтус» з клюбу італьянскай Сэрыі B «Сарэнта». Спачатку ён патрапіў у юнацкую каманду, але неўзабаве быў пераведзены ў прымавэру турынскага клюбу, дзе склаў атакавалую зьвязку зь іншым маладым гульцом Аюбам Даўдам. Дзякуючы гэтаму ў 2009 годзе прымавэра «Ювэнтуса» выйграла Кубак Віярэджа — прэстыжны турнір сярод моладзевых каманд[6]. Імобіле стаў адкрыцьцём турніру, забіўшы 5 мячоў, два зь якіх у фінале ў браму маладзёжкі «Сампдорыі».
14 сакавіка 2009 году Імобіле дэбютаваў у Сэрыі А, замяніўшы на 89 хвіліне легендарнага Алесандра Дэль П’ера, у матчы супраць «Балёньні», у тым жа матчы дэбютаваў яго сябар Аюб Даўд, выйдучы на хвіліну раней. 25 лістапада 2009 году адбыўся дэбют Чыра ў эўракубкавых сустрэчах. У другім тайме, у гульні супраць францускага «Бардо», ён ізноў замяніў Алесандра Дэль П’ера.
У лютым 2010 году ён другі раз запар выйграў з прымавэрай Кубак Віярэджа[7]. Імобіле стаў лепшым бамбардзірам турніру, забіўшы 10 разоў. У фінале супраць «Эмпалі» Чыра аформіў хет-трык, а матч завяршыўся з рахункам 4:2 на карысьць турынцаў.
Выступленьне ў Сэрыі B
рэдагавацьЗ прычыны моцнай канкурэнцыі ў лініі нападу «Ювэнтусу», Імобіле некалькі сэзонаў правёў у розных клюбах Сэрыі B для таго, каб набрацца вопыту.
«Сіена»
рэдагавацьУлетку 2010 году Чыра быў аддадзены ў арэнду «Сіене» разам з Люком Маранэ[8]. Першы гол у Сэрыі В ён забіў 20 лістапада 2011 году ў матчы «Партагруара» — «Сіена» (1:4). Гэты гол стаў адзіным, забітым за «Сіену» падчас арэнды.
«Грасэта»
рэдагаваць24 студзеня 2011 году перайшоў на правах арэнды ў «Грасэта», у футболцы якога 16 раз выходзіў на поле і адзначыўся толькі адным забітым мячом.
«Пэскара»
рэдагаваць15 ліпеня 2011 году Імобіле перайшоў у «Пэскару» на правах гадавой арэнды[9]. На гэты раз Чыра праявіў свае бамбардзірскія здольнасьці: ён згуляў 37 матчаў і забіў у іх 28 галоў, і дапамог камандзе падняцца ў Сэрыю А, стаўшы пры гэтым найлепшым бамбарзірам Сэрыі В.
«Джэноа»
рэдагаваць18 чэрвеня 2012 году «Ювэнтус» прадаў палову праў на Імобіле «Джэноа»[10]. За гэты клюб Чыра правёў першы паўнавартасны сэзон у Сэрыі А, згуляўшы 33 матчы, у якіх ён забіў 5 галоў.
«Тарына»
рэдагавацьУлетку 2013 году нападнік перайшоў у клюб «Тарына», які выкупіў правы на футбаліста ў «Джэноа». У новым клюбе нападнік па выніках сэзону 2013/14 стаў найлепшым бамбардзірам Сэрыі А, забіўшы 22 галы.
«Барусія» Дортмунд
рэдагаваць2 чэрвеня 2014 году Імобіле перайшоў у «Барусію» (Дортмунд), падпісаўшы кантракт на 5 гадоў[11]. Трансфэр Імобіле абыйшоўся «Барусіі ў 19 млн эўра (гэту суму пароўну падзялілі паміж сабой клюбы «Ювэнтус» і «Тарына», якія валодалі правамі на футбаліста), а зарплата — 2 млн эўра ў год[12]. Чыра Імобіле стаў адной з самых дарагіх пакупак у гісторыі клюбу, што было выклікана сыходам Робэрта Левандоўскага ў «Баварыю».
Міжнародная кар’ера
рэдагавацьІмобіле дэбютаваў за юнацкую зборную Італіі да 19 гадоў у 2008 годзе ў матчы адборачнага цыклу да чэмпіянату Эўропы 2009, але яго каманда ў выніку ня трапіла на турнір. 25 сакавіка 2009 году Чыра згуляў свой першы матч за моладзевую зборную Італіі да 21 году ў таварыскай гульні супраць зборнай Аўстрыі. За моладзевую зборную Чыра паказаў бліскучую гульню, забіваючы ледзь не ў кожным матчы: 10 галоў за 14 матчаў. За нацыянальную зборную Імобіле дэбютаваў 6 сакавіка 2014 году ў таварыскім матчы супраць каманды Гішпаніі (0:1). Першыя галы (хет-трык) за зборную забіў 9 чэрвеня 2014 году супраць каманды «Флумінэнсэ»[13]. 14 чэрвеня дэбютаваў за зборную Італіі на Чэмпіянаце сьвету ў гульні са зборнай Ангельшчыны, дзе прадэманстраваў яскравую і актыўную гульню.
Дасягненьні
рэдагаваць«Барусія»:
- Уладальнік Супэркубка Нямеччыны: 2014
«Ляцыё»:
- Уладальнік Кубка Італіі: 2019
- Уладальнік Супэркубка Італіі: 2017, 2019
«Бэшыкташ»:
- Уладальнік Супэркубка Турэччыны: 2024
Крыніцы
рэдагаваць- ^ а б в Ciro Immobile // Transfermarkt (мн.) — 2000.
- ^ а б в Ciro Immobile // As (гішп.) — Madrid: PRISA, 1967. — ISSN 1888-6671
- ^ а б в CIRO IMMOBILE // Argentine Soccer Database (гішп.)
- ^ а б https://www.celebheights.com/s/Ciro-Immobile-52689.html
- ^ а б http://www.sslazio.it/it/tesserati/prima-squadra/player/50/Immobile
- ^ Молодёжный состав «Ювентуса» выиграл турнир в Виареджо
- ^ Примавера «Ювентуса» обладатель Кубка Виареджо!
- ^ Иммобиле и Марроне отправляются в аренду в «Сиену»
- ^ Pescara, anche Immobile
- ^ «Дженоа» выкупила у «Ювентуса» половину прав на нападающего Иммобиле
- ^ «Боруссия» объявила о подписании 5-летнего контракта с Иммобиле
- ^ «Боруссия» заплатила 19 млн евро за итальянского голеадора
- ^ Италия – «Флуминенсе». Иммобиле оформил хет-трик
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball