Дынама Заграб

	Дынама Заграб
Поўная назва	Građanski nogometni klub Dinamo Zagreb
Заснаваны	9 чэрвеня 1945
Горад	Заграб, Харватыя
Стадыён	Максымір; Умяшчальнасьць: 35 123
Галоўны трэнэр	Sandro Perković[d];
Чэмпіянат	Футбольная ліга
· 2023—2024	1 месца
	Галерэя здымкаў у Вікісховішчы; Афіцыйны сайт

«Дынама» (па-харвацку: Dinamo) — харвацкі футбольны клюб з гораду Заграбу. Заснаваны ў 1945 годзе. 25-разовы чэмпіён Харватыі, 17-разовы ўладальнік Кубка Харватыі. Чатырохразовы чэмпіён Югаславіі, сяміразовы ўладальнік Кубка Югаславіі.

Гісторыя

Футбольны клюб у Заграбе быў створаны ў 1911 годзе, калі яшчэ горад быў часткай Аўстра-Вугоршчыны. Клюб атрымаў назву «Граджанскі». У дадатак, клюб меў шматспартовую скіраванасьць з выразна харвацкай ідэнтычнасьцю. Акрамя футболу клюб меў каманды па гандболе і роварным спорце. Спачатку футбалісты выступалі на розных пляцоўках у заграбскіх раёнах Тушканац, Марцінаўцы, Канале і Максыміры, пакуль каманда не прыдбала свой уласны стадыён на вуліцы Котурашка, які быў афіцыйна адкрыты ў 1924 годзе Сьцепанам Радычам, вядомым харвацкім палітыкам таго часу. Па Другой сусьветнай вайне «Граджанскі» быў забаронены, як і вялікая колькасьць іншых харвацкіх клюбаў. Наўзамен у чэрвені 1945 году ўжо пасьля трох дзён пасьля ліквідацыі «Граджанскага» быў утвораны клюб «Дынама». У кіраўніцтва клюбу ўвайшлі некаторыя дзеячы «Граджанскага».

У 1991—1993 гадах меў назву «ХАШК Граджанскі», а ў 1993—2000 гадах — «Краацыя». У канцы 1990-х клюб двойчы запар дасягаў групавога этапу Лігі чэмпіёнаў УЭФА. У сэзоне 1998—1999 гадоў яны спаборнічалі ў адной групе з «Аяксам», «Алімпіякосам» і «Порту». Пасьля несуцяшальных першых трох матчаў, дзе пасьля хатняй нічыі з «Аяксам» клюб двойчы атрымаў паразы з «Алімпіякосам» і «Порту», паказьнікі харватаў палепшыліся. У наступным хатнім матчы яны перамаглі «Порту», а потым у Амстэрдаме былі мацней за «Аякс». У апошнім матчы групы заграбцы згулялі ўнічыю з «Алімпіякосам». У сэзоне 1999–2000 гадоў «Краацыя» скончыла групавы этап на апошнім чацьвертым месцы, здабыўшы толькі адну перамогу і дзьве нічыю. Супернікамі клюбу ў тым розыгрышы былі «Манчэстэр Юнайтэд», «Марсэль» і «Штурм».

Склад

Актуальны на 15 лютага 2025 году

№	Пазыцыя	Імя	Год нараджэньня
1	Бр	Даніел Загарац	1987
2	Аб	Садэг Магарамі	1996
4	Аб	Рауль Тарэнтэ	2001
5	ПА	Арыян Адэмі	1991
7	Нап	Лука Стойкавіч	2003
8	ПА	Лукас Качавэнда	2003
9	Нап	Бруна Пэткавіч	1994
10	ПА	Марцін Батурына	2003
11	Нап	Арбэр Ходжа	1998
12	Аб	Пэтар Бочкай	1996
13	Аб	Самі Маэ	1996
14	Аб	Ян Алівэрас (ар. Рома)	2004
15	Аб	Ніка Галешыч	2001
16	Нап	Вільфрэд Канга	1998
17	Нап	Сандра Куленавіч	1999
18	Аб	Ранаэль П’ер-Габрыель	1998
19	Нап	Хуан Кордаба	2003

№	Пазыцыя	Імя	Год нараджэньня
20	Нап	Марка П’яца	1995
21	Нап	Натанаэль Мбюкю	2002
22	Аб	Стэфан Рыстоўскі	1992
25	ПА	Пэтар Сучыч	2003
26	Бр	Нікала Чаўліна	2002
27	ПА	Ёсіп Мішыч	1994
28	Аб	Кевін Тэафіль-Катрын	1989
30	ПА	Марка Рог (ар. Кальяры)	1995
32	Бр	Фарыс Кркаліч	2002
33	Бр	Іван Нэвістыч	1998
38	ПА	Бартал Франьіч (ар. Вольфсбург)	2000
39	Аб	Маўра Пэркавіч	2003
55	Аб	Дына Пэрыч	1994
66	ПА	Бранка Павіч	2006
—	Бр	Дорыян Кларын	2005
—	Аб	Матыя Рушкавачкі	2005
—	Аб	Домінік Браўн	2003

Крыніцы

Вонкавыя спасылкі

Афіцыйны сайт