Дынама Кіеў

украінскі футбольны клюб

«Дына́ма» (па-ўкраінску: Динамо) — украінскі футбольны клюб з Кіева. Клюб быў заснаваны ў 1927 годзе як частка савецкага спартовага таварыства «Дынама», у цяперашні час гуляе ва ўкраінскай Прэм’ер-лізе. Хатнім стадыёнам клюбу зьяўляецца НСК «Алімпійскі», які мае ёмістасьць у 70 050 гледачоў.

Дынама Кіеў
FC Dynamo Kyiv logo.svg
Поўная назва Футбольний клуб «Динамо» Київ
Заснаваны 13 траўня 1927
Горад Кіеў, Украіна
Стадыён НСК «Алімпійскі»
Умяшчальнасьць: 70 050
Кіраўнік Ігар Суркіс
Галоўны трэнэр Мірча Лучэску
Чэмпіянат Прэм’ер-ліга
 · 2019—2020 2 месца
Хатнія колеры
Выязныя колеры
http://www.fcdynamo.kiev.ua/

З 1936 году «Дынама» ўдзельнічала ў найвышэйшай лізе савецкага, а потым украінскага футболу. Найбольш пасьпяховы пэрыяд клюбу зьвязаны з Валерыем Лабаноўскім, дзякуючы якому каманда не аднойчы атрымлівала шматлікія айчынныя і эўрапейскія тытулы. Дэрбі паміж маскоўскім «Спартаком» і «Дынама» стала самым захапляльным футбольным суперніцтвам у Савецкім Саюзе, амаль цалкам зацямніўшы дэрбі паміж «Спартаком» і маскоўскім «Дынама». З канца 1960-х гадоў клюб браў удзел у кантынэнтальных турнірах УЭФА амаль кожны год. Адзін з двух клюбаў (разам з маскоўскім «Дынама»), які ўдзельнічаў ва ўсіх чэмпіянатах СССР у найвышэйшым дывізіёне.

Кіеўскае «Дынама» і «Дынама» з Тбілісі былі адзінымі савецкімі клюбамі, якія атрымлівалі посьпех у спаборніцтвах УЭФА. Першая каманда «Дынама» стала базай для нацыянальнай зборнай СССР па футболе ў 1970—1980-я гады і ў нацыянальнай зборнай Ўкраіны ў 1990—2000-я гады.

ГісторыяРэдагаваць

 
Каманда «Дынама» ў жніўні 1928 году

13 траўня 1927 году быў афіцыйна зарэгістраваны Статут кіеўскага пралетарскага спартовага таварыства «Дынама» міжведамаснай камісіяй па справах грамадзкіх арганізацыяў і зьвязаў Кіеўскай акругі. Пад сьцягам «Дынама» сабраліся прадстаўнікі АДПУ, футбалісты якога абаранялі колеры клюбу «Савгандальслужбоўцы». Таму спробы кіраўніцтва «Дынама» стварыць падчас сэзону сваю футбольную каманду посьпехам ня скончыліся, бо «Савгандальслужбоўцы» былі аднымі з галоўных прэтэндэнтаў на прызавыя месцы ў чэмпіянаце Кіева і стварэньне «Дынама» было вельмі рызыкоўнай справай. Таму першая згадка пра футбольны клюб «Дынама» зьявілася толькі 5 красавіка 1928 году ў газэце «Вячэрні Кіеў». Менавіта тады па ініцыятыве Сямёна Западнага, начальніка Кіеўскага АДПУ, была заснаваная футбольная каманда. Ягоны намесьнік стаў фармаваць склад каманды, у які ўвайшлі як кадравыя чэкісты, гэтак і футбалісты іншых кіеўскіх камандаў. Прычым усе футбалісты або ўваходзілі ў зборную Кіеву, або былі чэмпіёнамі гораду. І толькі 1 ліпеня 1928 году клюб правёў сваю першую афіцыйную гульню ў горадзе Белая Царква супраць зборнай гэтага места. Госьці забілі першы мяч ужо на 5 хвіліне, аднак у выніку саступілі зь лікам 1:2.

З-за арганізацыйных памылак 1928 год «Дынама» не ўдзельнічала ў першынстве гораду сярод прафзьвязаў і вымушана было праводзіць толькі таварыскія матчы. 1 верасьня 1928 году кіяне ў таварыскай гульні прынялі маскоўскае «Дынама», якое на той момант было чэмпіёнам Масквы. Госьці разграмілі ўкраінскі клюб зь лікам 6:2. Сэлекцыйныя мэтады навастворанай каманды былі раскрытыкаваныя, бо каманда перацягвала ў свае шэрагі найлепшых футбалістаў, падаючы ім больш высокааплатную і прэстыжную працу ў ДПУ. Гэта тлумачыцца тым, што на той момант у СССР вайскоўцы і чэкісцкія ведамствы былі фінансава забясьпечаны лепей за іншых.

14 верасьня 1929 году «Дынама» правяло свой першы міжнародны матч з працоўнай камандай Ніжняй Аўстрыі «Дойч Ваграм», аднак футбалісты прайгралі зь лікам 3:4. У 1935 годзе футбалісты «Дынама» ў складзе зборнай Украіны ажыцьцявілі паездку ў Францыю і Бэльгію, дзе ў таварыскай гульні разграмілі чатырохразовага ўладальніка Кубка Францыі «Рэд Стар» зь лікам 6:1.

У 1936 годзе ў СССР было вырашана стварыць адзіны камандны чэмпіянат замест мноства разнастайных рознаўзроўневых турніраў. Прадстаўніком ад Украіны стала наймацнейшая на той момант каманда УССР — «Дынама». Дэбют клюбу ў чэмпіянаце адбыўся ў Кіеве 24 траўня 1936 году, калі маскоўскае «Дынама» разграміла гаспадароў зь лікам 5:1. Адзіны гол нападніка Мікалая Махіні стаў для ўкраінскага клюбу першым голам у чэмпіянатах Савецкага Саюзу. Паводле вынікаў турніру, у якім узялі ўдзел 7 клюбаў, кіеўскае «Дынама» фінішавала на другім месцы, саступіўшы першы радок аднаклюбнікам з Масквы.

ДасягненьніРэдагаваць

СтадыёнРэдагаваць

Клюб мае стадыён «Дынама» імя Валера Лабаноўскага, дзе раней каманда праводзіла свае хатнія матчы. З 2012 году сваіх супернікаў клюб прымае на НСК «Алімпійскі», які мае большую зьмяшчальнасьць.

СкладРэдагаваць

Актуальны на 5 траўня 2020 году
Пазыцыя Імя Год нараджэньня
1   Бр Георгі Бушчан 1994
4   Аб Дзяніс Папоў 1999
5   ПА Сяргей Сідарчук (капітан) 1991
6   ПА Магамэд Кадыры 1996
7   Нап Бэньямін Вэрбіч 1993
8   ПА Уладзімер Шэпелеў 1997
9   Нап Фран Соль 1992
10   ПА Мікола Шапарэнка 1998
11   Нап Георгі Цітаішвілі 2000
14   Нап Карляс дэ Пэна 1992
15   Нап Віктар Цыганкоў 1997
16   Аб Віталь Мікаленка 1999
18   ПА Аляксандар Андрыеўскі 1994
Пазыцыя Імя Год нараджэньня
20   Аб Аляксандар Караваеў 1992
23   Аб Ёсіп Піварыч 1989
26   Аб Мікіта Бурда 1995
29   ПА Віталь Буяльскі 1993
30   Аб Арцём Шабанаў 1992
31   Бр Уладзіслаў Кучарук 1999
32   Нап Ібраім Каргбо 2000
41   Нап Арцём Бяседзін 1996
70   Нап Назар Русін 1998
71   Бр Дзяніс Бойка 1988
77   Нап Алабіран Муіва 1998
94   Аб Томаш Кендзёра 1994
99   Нап Мікель Дуэлюн 1997

КрыніцыРэдагаваць

Вонкавыя спасылкіРэдагаваць

  Дынама Кіеўсховішча мультымэдыйных матэрыялаў