Сэвільля (футбольны клюб)

	Сэвільля
Поўная назва	Sevilla Fútbol Club S.A.D.
Заснаваны	25 кастрычніка 1890
Горад	Сэвільля, Гішпанія
Стадыён	Рамон Санчэс Пісхуан; Умяшчальнасьць: 42 714
Галоўны трэнэр	Хорхэ Сампаолі[d];
Чэмпіянат	Ля Ліга
· 2021—2022	4 месца
	sevillafc.es(гішп.)(анг.)(фр.)(яп.)(кіт.)(ар.)

«Сэвільля» (па-гішпанску: Sevilla Fútbol Club S.A.D.) ― гішпанскі футбольны клюб, што гуляе ў найвышэйшай гішпанскай лізе — Ля Лізе. Клюб быў заснаваны 14 кастрычніка 1905 году, гэта найстарэйшы клюб з Сэвільлі й другі па ўсёй Андалюзіі. Першую афіцыйную гульню каманда правяла толькі праз тры гады ― у 1908, супраць «Рэкрэатыва» з Уэльвы. У 1924 годзе клюб заваяваў свой першы трафэй ― Кубак Сэвільлі. 1935 год стаў пераможным у Кубку Гішпаніі, як і 1939 адразу пасьля грамадзянскай вайны. Да таго часу як стаў праводзіцца чэмпіянат Гішпаніі Сэвільля 17 разоў станавілася чэмпіёнам Андалюзіі й двойчы Сэвільлі.

Клюб знаходзіцца ва ўласнасьці аматараў (разьмеркавана па акцыях). Пры клюбе працуе футбольная акадэмія, сярод ейных выпускнікоў ёсьць спартовыя псыхолягі. Таксама шмат увагі робіцца на спартовае харчаваньне й мэдыцыну. Пры клюбе працуе мясцовая радыёстанцыя «Sevilla FC Radio», гэта першае футбольнае радыё ў Гішпаніі, таксама ёсьць тэлевізійны канал SFC TV.

ГісторыяРэдагаваць

Футбольны клюб «Сэвільля» зьяўляецца гістарычна самай лепшай камандай у Сэвільлі. Ён быў утвораны ў 1905 годзе. Аднойчы станавіўся чэмпіёнам Гішапніі й пяць разоў уладальнікам Кубка Гішпаніі.

Каманда апранае белую вопратку для хатніх гульняў і чырвоную для выязных. Заўзятары называюць каманду «Sevillistas». У сваіх шэрагах каманда мела такіх гульцоў, як: Дыега Марадона, Рынат Дасаеў, Дыега Сымэонэ, Робэрт Прасінэчкі, Бэбэта, Тоні Польстэр, Давар Шукер, Іван Самарана. Сярод знакамітых выхаванцаў клюбу варта вылучыць Хасэ Антоніё Рэеса й Сэрхіё Рамаса, апошні зь якіх цяпер выступае за мадрыдзкі «Рэал».

Гістарычным супернікам клюбу зьяўлялася каманда, якая таксама разьмяшчаецца ў горадзе — «Рэал Бэтыс». Клюб мае з 1958 году рэзэрвовую каманду — «Сэвільля Атлетыка».

ДасягненьніРэдагаваць

Чэмпіёны Гішпаніі: 1946
Уладальнікі Кубка Гішпаніі (5): 1935, 1939, 1948, 2007, 2010
Уладальнікі Супэркубка Гішпаніі: 2007
Уладальнікі Кубка УЭФА/Лігі Эўропы (5): 2006, 2007, 2014, 2015, 2016
Уладальнікі Супэркубка УЭФА: 2006

СкладРэдагаваць

Актуальны на 11 лютага 2023 году

№	Пазыцыя	Імя	Год нараджэньня
1	Бр	Марка Дмітравіч	1992
2	Аб	Гансалё Мантыель	1997
3	Аб	Алекс Тэлес (ар. Ман. Юн.)	1992
4	Аб	Карым Рэкік	1994
5	Нап	Люкас Акампас	1994
6	ПА	Неманья Гудэль	1991
7	Нап	Суса	1993
8	ПА	Жаан Жардан	1994
9	Нап	Хэсус Карона	1993
10	ПА	Іван Ракіціч	1988
12	Нап	Рафаэль Мір	1997
13	Бр	Ясын Буну	1991

№	Пазыцыя	Імя	Год нараджэньня
14	Аб	Тангі Куасі	2002
15	Нап	Юсэф Эн-Нэсыры	1997
16	Аб	Хэсус Навас (капітан)	1985
17	Нап	Эрык Лямэля	1992
18	ПА	Пап Гей (ар. Марсэль)	1999
19	Аб	Маркас Акуньня	1991
20	ПА	Фэрнанду	1987
21	ПА	Олівэр Торэс	1994
22	Аб	Ляік Бадэ (ар. Рэн)	2000
23	Аб	Маркан	1996
24	Нап	Аляхандра Гомэс	1988
25	Нап	Браян Хіль (ар. Тотэнгэм)	2001

Вонкавыя спасылкіРэдагаваць

Афіцыйны сайт^(гішп.)^(анг.)^(яп.)