Пэдры
Пэдра Гансалес Лёпэс (па-гішпанску: Pedro González López), таксама вядомы як Пэдры (гішп. Pedri; нар. 25 лістапада 2002 году) — гішпанскі футбаліст, цэнтральны паўабаронца клюбу «Барсэлёна» і нацыянальнай зборнай Гішпаніі.
| Пэдры | ||
| ||
| Пэрсанальная інфармацыя | ||
|---|---|---|
| Нарадзіўся | 25 лістапада 2002[1] (21 год)
| |
| Рост | 174 см | |
| Вага | 60 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Барсэлёна | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2019—2020 2020— |
Ляс-Пальмас Барсэлёна |
36 (4) 99 (16) |
| Зборныя | ||
| 2021— | Гішпанія | 24 (2) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьПэдры далучыўся да акадэміі «Ляс-Пальмасу» ў 2018 годзе. 15 ліпеня 2019 году гулец, маючы ўсяго 16 гадоў, склаў першую прафэсійную чатырохгадовую дамову з клюбам, пасьля чаго трэнэр Пэпэ Мэль перавёў яго яго ў першую каманду[4]. Запачаткаваў кар’еру на прафэсійным узроўні 18 жніўня 2019 году ў веку ўсяго 16 гадоў, зьявіўшыся ў стартавым складзе ў матчы супраць «Уэскі» розыгрышу другога дывізіёну[5]. Свой першы гол забіў 19 верасьня, дзякуючы чаму астраўны клюб здабыў хатнюю перамогу над хіхонскім «Спортынгам», стаўшы наймаладзейшым галеадорам у гісторыі «Ляс-Пальмасу»[6][7].
Яшчэ ў верасьні 2019 году «Барсэлёна» парупілася над тым, каб гулец паводле дамовы прыяднаўся да ейнага складу налета. Футбаліст узгадніў умовы з каталёнскай камандай, якая выдаткавала на падпісаньне маладога талента 5 мільёнаў эўра з рознымі бонусамі[8]. У кашулі сіне-гранатавых Пэдры дэбютаваў 27 верасьня, замяніўшы Філіпэ Каўтыньню ў хатнім матчы Ля Лігі супраць «Вільярэалу»[9]. 7 лістапада гулец адзначыўся першым голам у новай дружыне, а таксама вызначыўся галявой перадачай на Сэржы Рабэрта[10]. 14 красавіка 2022 году Пэдры атрымаў траўму падкаленнай сухажылы падчас другога чвэрцьфінальнага матчу «Барсэлёны» супраць нямецкана «Айнтрахту» ў Лізе Эўропы. Як пасьля стала вядома, Пэдры мусіць прапусьць рэшту сэзону. 28 студзеня 2023 году ў матчы супраць «Жыроны» Пэдры згуляў соты матч у кашулі каталёнскага клюбу.
Міжнародная
рэдагавацьУ сакавіку 2021 году Пэдры быў запрошаны у нацыянальную зборную Гішпаніі перад матчамі групавога этапу кваліфікацыі чэмпіянату сьвету 2022 году[11]. Да гэтага футбаліст абараняў гонар краіны толькі ў моладзевых і юнацкіх камандах. Запачаткаваў выступы ў складзе нацыянальнай каманды 25 сакавіка ў матчы супраць зборнай Грэцыі.
Дасягненьні
рэдагаваць«Барсэлёна»:
- Чэмпіён Гішпаніі: 2023
- Уладальнік Кубка Гішпаніі: 2021
- Уладальнік Супэркубка Гішпаніі: 2023
Гішпанія:
- Чэмпіён Эўропы: 2024
Крыніцы
рэдагаваць- ^ а б в https://www.udlaspalmas.es/noticias/noticia/pedro-gonzalez-pedri-se-incorpora-manana-a-la-pretemporada-del-primer-equipo
- ^ а б https://lalagunatf.com/pedri-no-olvida-sus-origenes-fui-muy-feliz-en-bajamar/
- ^ а б https://int.soccerway.com/players/pedro-gonzalez-lopez/625414/
- ^ «El juvenil Pedri firma contrato profesional con la UD Las Palmas». UD Las Palmas.
- ^ «El Huesca se lleva el triunfo gracias a un gol de Álex Gallar en la segunda parte». Marca.
- ^ «Pedri es una estrella: golazo y primera victoria de Las Palmas». Diario AS.
- ^ «10 things about Pedri». FC Barcelona.
- ^ «Barça i Las Palmas arriben a un acord per al traspàs de Pedri». FC Barcelona.
- ^ «Ansu Fati takes charge at Barcelona». Marca.
- ^ «Todo es más fácil con Messi». Marca
- ^ «Barcelona star Pedri set for debut Spain senior call up». Football España.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball