Сэлтык Глазга

шатляндзкі футбольны клюб з Глазга

«Сэлтык» (па-ангельску: The Celtic Football Club) ― шатляндзкі футбольны клюб, які месьціца ў Глазга, у раёне Паркгэд. Прадстаўляе шатляндзкую Прэм’ер-лігу. Быў заснаваны ў 1887 годзе, але свой першы матч клюб правёў толькі ў 1888 годзе. «Сэлтык» станавіўся чэмпіёнам Шатляндыі 51 разоў, і 40 разоў перамагаў у Кубку Шатляндыі. Хатнія гульні праводзіць на стадыёне «Сэлтык Парк», які зьяўляецца самым вялікім па ўмяшчальнасьці футбольным стадыёнам Шатляндыі. Арэна месьціць 60 832 гледачы. Разам са сваімі галоўнымі супернікамі «Рэйнджарз» складаюць так званую Старую Фірму, якая зьяўляецца адным з самых вядомых спартовых супрацьстаяньняў у сьвеце. Традыцыйна гуляюць у паласатых зялёна-белых кашулях разам зь белымі шортамі й гетрамі.

Сэлтык
Celtic FC.svg
Заснаваны 1887
Горад Глазга, Шатляндыя
Стадыён Сэлтык Парк
Умяшчальнасьць: 60 355
Кіраўнік Дэрмат Дэзманд[1] і Ліндсэл Трэйн[1]
Чэмпіянат Прэм’ер-ліга
 · 2020—2021 2 месца
Хатнія колеры
Выязныя колеры
Трэція колеры
https://www.celticfc.com

У 1967 годзе клюб стаў першым брытанскім і адзіным шатляндзкім клюбам, якія перамагалі ў Лізе чэмпіёнаў[2]. У тым сэзоне клюб перамагаў ва ўсіх спаборніцтвах, у якіх прымаў удзел: чэмпіянат Шатляндыі, Кубак Шатляндыі, Кубак лігі Шатляндыі, Ліга чэмпіёнаў і Кубак Глазга. Праз тры сэзоны ў 1970 годзе клюб зноўку трапіў у фінал Лігі чэмпіёнаў, але на гэты раз атрымаў паразу зь лікам 1:2 на карысьць галяндзкага «Фэеноорду».

У 2003 годзе клюб дайшоў да фіналу Кубка УЭФА, але быў перайграны «Порту» зь лікам 2:3. На гэтую гульню з Глазга ў Сэвільлю, дзе праходзіў фінал, зьехаліся каля 80 000 аматараў шатляндзкага клюбу, але ня ўсе змаглі патрапіць на гульню[3]. У красавіку 2008 году клюб налічваў 9 мільёнаў аматараў па ўсім сьвеце, адзін мільён зь якіх знаходзяцца ў Паўночнай Амэрыцы[4].

Заснаваньне й гісторыяРэдагаваць

Клюб быў заснаваны пры царкве Сьвятой Марыі ў Глазга ў раёне Кэлтану ірляндзкім сьвятаром братам Ўолфрыдам 6 лістапада ў 1887 годзе. Першапачаткова клюб стварыўся як сродак для збору грошаў для арганізацыі дабрачыннай дзейнасьці, каб дапамагчы дзецям зь бедных сямей. У вялікай ступені брат Ўолфрыд быў шмат у чым натхнёны прыкладам клюбу «Гібэрніян» з Эдынбургу, які быў сфармаваны зь імігрантаў ірляндзкага паходжаньня 13 гадоў таму. Сярод першых гульцоў клюбу сямёра былі з «Гібэрніяну». Назва клюбу была прапанавана братам Ўолфрыдам, каб адлюстраваць ірляндзкае й шатляндзкае паходжаньне клюбу.

28 траўня 1888 году клюб правёў сваю першую гульню супраць каманды «Рэйнджарз» і перамог зь лікам 5:2. Падчас станаўленьня футбалісты «Сэлтыка» гулялі ў белых кашулях зь зялёным каўняром, з выявай чырвонага кельцкага крыжу на грудзёх. У 1903 годзе клюб перайшоў на ўжываньне традыцыйнай формы: паласатыя бела-зялёныя кашулі.

Прэса СэлтыкуРэдагаваць

У 1965 годзе «Сэлтык» пачаў друкаваць газэту The Celtic View, якая зьяўляецца найстарэйшым клюбнай футбольным пэрыядычным выданьнем[5].

У 2004 годзе клюб запусьціў уласны лічбавы тэлеканал Celtic TV, які быў даступны ў Вялікабрытаніі праз тэлеканал Setanta Sports па спадарожнікавай і кабэльнай плятформе. Але ў сувязі з расфармаваньнем Setanta Sports у Вялікабрытаніі ў чэрвені 2009 году тэлеканал Celtic TV больш не вяшчае.

З 2002 году працуе інтэрнэт-тэлеканал клюбу Channel67 (вядомы раней як Celtic Replay).

Старая фірма й сэктанстваРэдагаваць

«Сэлтык» мае гістарычную сувязь з ірляндзкім і шатляндзкім народамі, якія зьяўляюцца па большай частцы каталікамі. Традыцыйна пыхільнікамі іншага клюбу з Глазга «Рэйнджарз» зьяўляюцца прадстаўнікі пратэстанцкага веравызнаньня й прыхільнікі Брытанскай уніі — шатлянцы й прадстаўнікі Паўночнай Ірляндыі. Як вынік такога разьмеркаваньня й напружанай палітычнай сытуацыі ў Паўночнай Ірляныі, напруга ў адносінах паміж абодвума клюбамі ўзмацнілася.

Але ў апошні час як «Сэлтык», так і «Рэйнджарз» прымаюць меры па барацьбе з сэктанствам, працуючы разам з парлямэнтам Шатляндыі, царкоўнымі групамі й грамадзянскімі арганізацыямі.

ДасягненьніРэдагаваць

  • Чэмпіён Шатляндыі: 51
    • 1893, 1894, 1896, 1898, 1905, 1906, 1907, 1908, 1909, 1910,
    • 1914, 1915, 1916, 1917, 1919, 1922, 1926, 1936, 1938, 1954,
    • 1966, 1967, 1968, 1969, 1970, 1971, 1972, 1973, 1974, 1977,
    • 1979, 1981, 1982, 1986, 1988, 1998, 2001, 2002, 2004, 2006,
    • 2007, 2008, 2012, 2013, 2014, 2015, 2016, 2017, 2018, 2019
    • 2020
  • Уладальнікі Кубка Шатляндыі: 39
    • 1892, 1899, 1900, 1904, 1907, 1908, 1911, 1912, 1914, 1923,
    • 1925, 1927, 1931, 1933, 1937, 1951, 1954, 1965, 1967, 1969,
    • 1971, 1972, 1974, 1975, 1977, 1980, 1985, 1988, 1989, 1995,
    • 2001, 2004, 2005, 2007, 2011, 2013, 2017, 2018, 2019
  • Уладальнікі Кубка лігі Шатляндыі: 19
    • 1957, 1958, 1966, 1967, 1968, 1969, 1970, 1975, 1983, 1998,
    • 2000, 2001, 2006, 2009, 2015, 2017, 2018, 2019, 2020
  • Пераможца Лігі чэмпіёнаў: 1
    • 1967

СкладРэдагаваць

Актуальны на 7 верасьня 2021 году
Пазыцыя Імя Год нараджэньня
1   Бр Басыліс Баркас 1994
2   Аб Крыстафэр Жульен 1993
3   Аб Грэг Тэйлар 1997
4   Аб Карл Старфэльт 1995
5   Аб Ліям Скейлз 1998
6   ПА Нір Бітан 1991
7   Нап Ёргас Якумакіс 1994
8   Нап К’ёга Фурухасі 1995
10   Нап Альбіян Аеці 1997
11   Нап Ліел Абада 2001
12   ПА Ісмаіля Саро 1998
14   ПА Дэйвід Тэрнбул 1999
15   Бр Джо Гарт 1987
16   ПА Джэймз Макарці 1990
17   Нап Жота (ар. Бэнфіка) 1999
18   ПА Том Рогіч 1992
19   Нап Майкл Джонстан 1999
Пазыцыя Імя Год нараджэньня
20   Аб Кэмэран Картэр (ар. Тотэнгэм) 1997
23   Аб Балі Балінголі 1995
26   Аб Осазэ Ўргоггідэ 2000
28   ПА Лука Конэл 2001
29   Бр Скот Бэйн 1991
30   ПА Ліям Шоў 2001
42   ПА Калам Макгрэгар (капітан) 1993
47   ПА Дэйн Мюрэй 2003
49   ПА Джэймз Форэст 1991
52   ПА Юэн Гэндэрсан 2000
54   Аб Адам Мантгомэры 2002
55   ПА Кер Макінрой 2000
56   Аб Энтані Ралстан 1998
57   Аб Стывэн Ўэлш 2000
65   Бр Конар Газард 1998
77   Нап Карамока Дэмбэле 2003
88   Аб Ёсіп Юранавіч 1995

Індывідуальныя клюбныя рэкордыРэдагаваць

Месца Імя й прозьвішча Пэрыяд кар’еры Колькасьць
галоў
1   Джымі Макгроры 1922—1937 550
2   Бобі Ленакс 1961—1978
1979—1980
273
3   Гэнрык Лярсан 1997—2004 242
4   Стыві Чалмэрз 1958—1971 231
5   Джымі Кўін 1990—1917 217
 
Месца Імя й прозьвішча Пэрыяд кар’еры Колькасьць
матчаў
1   Білі Макнэйл 1957—1975 790
2   Пол Макстэй 1981—1997 678
3   Рой Эйткен 1976—1990 669
4   Дэні Макгрэйн 1970—1987 661
5   Пэкі Бонэр 1978—1995 642

КрыніцыРэдагаваць

Вонкавыя спасылкіРэдагаваць