ЧФР Клуж

румынскі футбольны клюб

ЧФР (па-румынску: CFR) — румынскі футбольны клюб з гораду Клуж-Напокі. Заснаваны ў 1907 годзе. Чатырохразовы чэмпіён Румыніі, чатырохразовы ўладальнік Кубка Румыніі. Абрэвіятура ЧФР азначае зь перакладам з румынскае мовы — «румынская чыгунка». Большую частку свайго існаваньня клюб правёў у ніжніх лігах румынскага футболу, пасьля вылету з найвышэйшай лігі ў 1970-х гадох. Пры значнай фінансавай падтрымцы папярэдняга ўладальніка Арпада Пасканы, пачынаючы з 2002 году, клюб у 2004 годзе павярнуўся ў найвышэйшы дывізіён. А потым здабыў перамогу ў чэмпіянаце краіны, пераірваўшы ў сэзоне 2007—2008 гадоў 17-гадовую гегемонію сталічных клюбаў[1].

ЧФР Клуж
CFR Cluj.png
Поўная назва Fotbal Club CFR 1907 Cluj
Заснаваны 1907
Горад Клуж-Напока, Румынія
Стадыён Канстантын Рэдулеску
Умяшчальнасьць: 23 500
Чэмпіянат Ліга 1
 · 2021—2022 1 месца
cfr1907.ro(рум.)

Клюб мае супрацьстаяньне з камандай «Унівэрсытаця», якая таксама базуецца ў горадзе Клуж-Напоцы. Матчы паміж двума клюбамі вядомыя як Клужаўскае дэрбі.

ГісторыяРэдагаваць

 
Калажварскі чыгуначны спартовы клюб на фатаздымку 1911 году.

Клюб быў заснаваны ў 1907 годзе, калі горад Клуж-Напока (тады вядомы як Калажвар) быў часткай Аўстра-Вугоршчыны, пад назвай Калажварскі чыгуначны спартовы клюб (вуг. Kolozsvári Vasutas Sport Club). З 1907 па 1910 гады каманда гуляла ў чэмпіянаце гораду, аднак аніякіх прыкметных дасягненьняў клюбу бракавала. У 1911 годзе клюб стаўся першым чэмпіёнам навастворанага чэмпіянату Трансыльваніі. У пэрыяд з 1911 па 1914 гады клюб стала займаў другі радок у памянёным спаборніцтве, якое пасьля было перапыненае празь Першую сусьветную вайну. Па вайне Трансыльванія адыйшла да Румыніі, і клюб адпаведна зьмяніў назоў на ЧФР Клуж, што ёсьць акронімам з назвы па-румынску дзяржаўнай кампаніі Румынская чыгунка (рум. Căile Ferate Române), захаваўшы, такім чынам, свае сувязі з нацыянальнай чыгуначнай арганізацыяй. Клюб двойчы запар здабыў перамогу ў лякальным чэмпіянаце, пасьля чаго далучыўся да румынскай лігі.

Паміж 1920 і 1934 гадамі ЧФР ня меў прыкметных дасягненьняў. Паміж 1934 і 1936 гадамі клюб на працягу двух сэзонаў знаходзіўся ў Другой лізе, заняўшы шостае месца ў сэзоне 1934—1935 гадоў і восьмае месца ў сэзоне 1935—1936 гадоў. У 1936 годзе клюб быў паніжаны да Трэцяй лігі, але потым падвышаўся да Другой лігі. У такім рэжыме клюб жыў да пачатку сэзону 1947—1948 гадоў, калі аб’яднаўся зь іншым клужаўскім клюбам «Фэрар», удзельнікам Першай лігі. У выніку, ЧФР атрымаў права на ўдзел у найвышэйшым дывізіёне айчыннага першынства. На жаль, у Першай лізе каманда пратрымалася ўсяго два гады, пасьля чаго 20 наступных гадоў знаходзіліся па-за межамі эліты. У 1960 годзе адбылося яшчэ адное зьліцьцё, гэтым разам з «Рапідам», што прывяло да стварэньня клюбу КСМ. У 1964 годзе назва каманды была зьмененая на «Клужана». У тым жа годзе юніёрская дружына клюбу здабыла перамогу ў чэмпіянаце краіны. Праз тры гады назва каманды была павернутая на колішнюю — ЧФР.

ДасягненьніРэдагаваць

Чэмпіён Румыніі: (7)
2008, 2010, 2012, 2018, 2019, 2020, 2021
Уладальнік Кубка Румыніі: (4)
2008, 2009, 2010, 2016
Уладальнік Супэркубка Румыніі: (2)
2009, 2010, 2018, 2020

СкладРэдагаваць

Актуальны на 10 лютага 2023 году
Пазыцыя Імя Год нараджэньня
1   Бр Сымонэ Скуфэт 1996
2   Аб Карлё Бручыч 1992
3   Аб Андрэй Буркэ 1993
4   Аб Крыстыян Маня 1997
6   Аб Жан-Клёд Білёнг 1993
7   Нап Эрмал Красьнічы 1998
8   ПА Рожэр 1996
9   Нап Сэфас Малеле (ар. Аль-Таі) 1994
10   Нап Чыпрыян Дзяк 1986
11   Нап Клаўдыю Пэтрыла 2000
12   Бр Міхай Пынзарыю 2004
15   Нап Эмануэл Ебоа 2003
21   ПА Бісмарк Баатэнг 1994
22   Нап Габрыель Дэбэлюг 1996
23   Бр Рарэш Гал 2001
24   Аб Рарэш Бэлан 2000
25   Аб Багдан Цыру 1994
Пазыцыя Імя Год нараджэньня
28   ПА Авідыю Хобан 1982
30   Нап Даніел Бырлігя 2000
32   Нап Рангелё Янга 1992
33   Аб Дэніс Колінгер (ар. Вайле) 1994
34   Бр Крыстыян Бэлгрэдан 1988
37   ПА Міхай Бардэяну 1991
40   ПА Лоўра Цвэк 1995
44   Аб Юры Матыяс 1995
45   Аб Марыю Камора (капітан) 1986
47   Аб Крыстафэр Браўн 1991
71   Аб Андрэй Пэтэлеў 1992
73   ПА Карла Мухар 1996
76   ПА Тудар Лукачы 2003
90   Бр Рэзван Сава 2002
91   Нап Антон Магліца 1991
92   Аб Ібраіма Мбай 1994

КрыніцыРэдагаваць

Вонкавыя спасылкіРэдагаваць