Базэль (футбольны клюб)

«Ба́зэль» (па-нямецку: Footballclub Basel 1893) ― швайцарскі футбольны клюб з аднайменнага гораду, гуляе ў швайцарскай Супэрлізе. Адзін з самых тытуляваных футбольных клюбаў краіны.

Базэль
FC Basel.svg
Поўная назва Footballclub Basel 1893
Заснаваны 15 лістапада 1893
Горад Базэль, Швайцарыя
Стадыён Санкт-Якаб Парк
Умяшчальнасьць: 38 512
Галоўны трэнэр Марсэль Колер
Чэмпіянат Супэрліга
 · 2018—2019 2 месца
Хатнія колеры
Выязныя колеры
https://www.fcb.ch/

ГісторыяРэдагаваць

«Базэль» зьяўляўся лідэрам швайцарскага футболу з канца 1960-х па канец 1970-х гадоў, за гэты час клюб атрымаў 7 чэмпіёнскіх тытулаў, і ў гэтыя гады лідэрам каманды быў атакавалы паўабаронца зборнай Швайцарыі Карл Одэрмат, зь якім каманда выйграла 5 чэмпіянатаў. У сэзоне 1973—1974 гадоў «Базэлю» атрымалася дайсьці да чвэрцьфіналу Кубка эўрапейскіх чэмпіёнаў, дзе швайцарцы саступілі шатляндзкаму «Сэлтыку» зь лікам 5:6 па выніках двух матчаў.

З пачатку 1980-х клюб на 20 гадоў «сышоў у цень» — на працягу больш чым 20 гадоў «чырвона-сінія» не былі здольнымі выйграць ані чэмпіянат (з 1981 па 2000 гады клюб нават ніводнага разу не атрымліваў мэдалі), ані кубак краіны, некалькі сэзонаў запар «Базэль» гуляў у другім швайцарскім дывізіёне. Новы ўздым пачаўся ў 2000-х гадох, калі ў 2002 годзе клюб зрабіў «залаты дубль», пасьля чаго ў 2000-х атрымаў перамогу яшчэ у 4 чэмпіянатах і заваяваўшы 4 кубкі. У 2008 і 2010 гадох «чырвона-сінія» зноўку дамагліся «залатога дублю».

У сэзоне 2005—2006 гадоў «Базэль» дабраўся да чвэрцьфіналу Кубка УЭФА, перайграўшы ў 1/16 і 1/8 фіналу два францускія клюбы — «Манака» й «Страсбург». У чвэрцьфінале швайцарцы сустрэліся з ангельскім «Мідлзбра». У першым матчы, які праходзіў у Швайцарыі, «Базэль» атрымаў перамогу зь лікам 2:0, і ў матчы ў адказ адкрыў лік на 23-й хвіліне. Аднак «Мідлзбра» да перапынку зраўняў лік, а затым у другім тайме забіў яшчэ двойчы. Да 90-й хвіліне лік паводле сумы двух матчаў быў 3:3, і па правілах гасьцявога голу далей праходзіў «Базэль», але ўжо ў кампэнсаваны расейскім арбітрам Юрыем Баскакавым час Масыма Макаронэ забіў 4-ы мяч у браму «Базэлю» і вывеў ангельцаў у паўфінал. У далейшым «Мідлзбра» дабраўся да фіналу, дзе быў разгромлены «Сэвільляй».

ДасягненьніРэдагаваць

СкладРэдагаваць

Актуальны на 13 траўня 2020 году
Пазыцыя Імя Год нараджэньня
1   Бр Ёнас Омлін 1994
4   Аб Эрай Джэмэрт 1998
5   Аб Сыльван Відмэр 1993
6   Аб Амар Альдэрэтэ 1996
7   ПА Люка Дзуфі 1990
8   ПА Здраўка Кузманавіч 1987
9   Нап Рыкі ван Вольфсьвінкель 1989
10   ПА Самуэле Кампа 1995
13   Бр Джорджэ Нікаліч 1997
14   ПА Валентын Штокер (капітан) 1989
15   Аб Бляс Рывэрас 1998
17   ПА Эрык Рамірэс (ар. Баія) 2000
19   Нап Афіміку Пулулу 1999
20   ПА Фабіян Фрай 1989
Пазыцыя Імя Год нараджэньня
21   Аб Яспэр ван дэр Вэрф (ар. Рэд Бул) 1998
22   ПА Аргес Буньяку 2001
28   Аб Рауль Пэтрэта 1997
30   Нап Эдон Жэгрова (ар. Генк) 1999
32   ПА Янік Маршан 2000
33   ПА Кевін Бюа 1993
34   ПА Таўлянт Джака 1991
36   Аб Эміль Бэргстрэм (ар. Утрэхт) 1993
41   Нап Тычыян Тушы 2001
44   Бр Ёзэф Пукай 2000
98   Нап Артур Кабрал (ар. Палмэйрас) 1998
99   Нап Кемаль Адэмі 1996
  ПА Міхайла Стэванавіч 2002

Вонкавыя спасылкіРэдагаваць

  Базэль (футбольны клюб)сховішча мультымэдыйных матэрыялаў