Вікіпэдыя

БАТЭ Барысаў

беларускі футбольны клюб

БАТЭ — беларускі футбольны клюб з гораду Барысава. Каманда была заснаваная ў 1973 годзе, узноўленая ў 1996 годзе. 15-разовы чэмпіён Беларусі, трохразовы ўладальнік Кубка Беларусі, сяміразовы ўладальнік Супэркубка Беларусі. Першы беларускі клюб, які прайшоў у групавы этап Лігі чэмпіёнаў і Лігі Эўропы.

БАТЭ Барысаў
BATE Borisov.svg
Поўная назва Футбольны клюб «БАТЭ Барысаў»
Заснаваны 1996
Горад Барысаў, Беларусь
Стадыён Барысаў-Арэна
Умяшчальнасьць: 13 126
Старшыня Андрэй Капскі
Галоўны трэнэр Аляксандар Лісоўскі
Чэмпіянат Найвышэйшая ліга
 · 2019 2 месца
Хатнія колеры
Выязныя колеры
Трэція колеры
Афіцыйны сайт

ГісторыяРэдагаваць

Першыя крокі (1973—1981)Рэдагаваць

У год заснаваньня БАТЭ выступаў ва ўсходняй зоне другой групы (Д2) чэмпіянату БССР. Ужо першы сэзон склаўся для БАТЭ ўдала. Па яго выніках каманда дамаглася права на наступны год выступаць у чэмпіянаце рэспублікі.

У 1974 годзе БАТЭ дамогся першага посьпеху — стаў чэмпіёнам БССР, выйграўшы за сэзон 15 матчаў з 18 праведзеных. Аднак у наступным, 1975 годзе, БАТЭ прыйшлося здаволіцца толькі пятым месцам. Затое 1976 год стаў для БАТЭ сапраўды трыюмфальным: каманда аформіла своеасаблівы дубль, выйграўшы чэмпіянат і Кубак Беларускай ССР. У далейшым БАТЭ яшчэ раз станавіўся чэмпіёнам (1979), срэбным прызэрам (1978) чэмпіянату БССР і двойчы займаў чацьвертае месца (1977, 1981). У 1981 годзе каманда была расфармаваная.

Адраджэньне (1996—2007)Рэдагаваць

 
Чэмпіёнскі склад 1999 году

Новы этап у жыцьці БАТЭ пачаўся ў 1996 годзе. Ініцыятыўная група вырашыла адрадзіць каманду. Датай аднаўленьня лічыцца 12 красавіка 1996 году[1]. Галоўным трэнэрам каманды быў прызначаны Юры Пунтус. У год свайго адраджэньня БАТЭ выступаў у другой лізе (Д3) чэмпіянату Беларусі і заняў у ёй першае месца, выйграўшы ў 24 матчах з 27. Нападнік Мікалай Рындзюк забіў 28 мячоў і стаў найлепшым бамбардзірам турніру. На наступны год, выступаючы ў першай лізе, БАТЭ заняў другое месца і атрымаў права выступаць у элітным дывізіёне — найвышэйшай лізе чэмпіянату Беларусі.

У 1998-м, годзе свайго дэбюту на найвышэйшым узроўні, БАТЭ заваёўвае срэбныя мэдалі. Наступны год стаў яшчэ больш удалым: БАТЭ ўпершыню становіцца чэмпіёнам Беларусі. 2000 год зноў стаў для БАТЭ «срэбным». Чэмпіянат 2001 году прынёс клюбу бронзавыя ўзнагароды.

Сэзон 2002 году стаў для БАТЭ неадназначным. Барысаўчане ўпершыню прабіліся ў фінал Кубка Беларусі, але зь лікам 0:2 саступілі ФК «Гомель». Удала склаўся сэзон на эўрапейскай арэне. Выступаючы ў Кубку Інтэртота, БАТЭ атрымаў пераканаўчую перамогу над прадстаўніком нямецкай Бундэслігі — «Мюнхэнам-1860», а затым практычна на роўных згуляў з італьянскай «Балёньняй». На фінішы чэмпіянату БАТЭ ў адчайным дужаньні дасягнуў лідыруючага ФК «Нёман» і ў «залатым» матчы чэмпіянату, дзякуючы голу Валера Тарасенкі ў дадатковы час, атрымаў перамогу зь лікам 1:0.

У чэмпіянаце 2003 году БАТЭ, нягледзячы на ўпэўненую гульню, да канца сэзону заставаўся на пятым месцы. У апошнім туры чэмпіянату яму мела сустракацца на выезьдзе зь менскім «Дынама». Гэтая сустрэча павінна была даць адказ на пытаньне, на якім месцы апынецца БАТЭ: другім або пятым. Але матч завяршыўся ўпэўненай перамогай БАТЭ 4:0, і каманда зноў заваявала срэбныя мэдалі.

У 2004 годзе БАТЭ, які няўдала выступіў у Кубку УЭФА, у фінале чэмпіянату ізноў прэтэндаваў на самыя высокія месцы, за тур да фінішу адстаючы ад менскага «Дынама» на два ачкі. І зноў апошняя сустрэча чэмпіянату мелася быць зь лідэрам на выезьдзе. Аднак гэтым разам леташняму трыюмфу не наканавана было паўтарыцца. Саступіўшы 0:2, БАТЭ заняў другое месца.

Сэзон 2005 году стаў самым цяжкім у гісторыі БАТЭ. Па-першае, у канцы папярэдняга сэзону каманду пакінуў яе нязьменны трэнэр Юры Пунтус, якога на трэнэрскім мастку БАТЭ зьмяніў Ігар Крывушэнка. Па-другое, у новы клюб Пунтуса перайшлі шэраг маладых гульцоў, на якіх у гэтым сэзоне ўскладаліся вялікія надзеі. БАТЭ саступіў у фінале Кубку МТЗ-РІПА, а па выніках чэмпіянату апынуўся на пятым месцы, упершыню ў найноўшай гісторыі застаўшыся без мэдалёў.

2006 год — асаблівы ў лёсе каманды. У гэты год адзначаўся дзесяцігадовы юбілей узнаўленьня клюбу. І БАТЭ годна адзначыў гэтую дату. Барысаўчане ўпершыню сталі ўладальнікамі Кубка Беларусі, у фінале ў дадатковы час зь лікам 3:1 перамогшы салігорскі «Шахцёр». А ў чэмпіянаце БАТЭ таксама фінішаваў першым, такім чынам зрабіўшы своеасаблівы дубль.

 
На матчы Лігі чэмпіёнаў супраць мадрыдзкага «Рэалу»

2007 год стаў асаблівым як у гісторыі БАТЭ, так і ўсяго беларускага футболу. У гэтым сэзоне БАТЭ дамогся нябачанага раней беларускімі клюбамі посьпеху — выйшаў у трэці кваліфікацыйны раўнд Лігі чэмпіёнаў УЭФА, выявіўшы пры гэтым велізарную волю да перамогі. Так, у першым кваліфікацыйным раўндзе БАТЭ прайграў у гасьцях кіпрскаму клюбу АПОЭЛ 0:2, аднак у хатнім матчы здолеў схіліць чару вагаў двухраўндавага супрацьстаяньня ў сваю карысьць, абгуляўшы супраціўніка зь лікам 3:0. У другім крузе быў упэўнена перайграны ісьляндзкі «Габнарф’ёрдур» — 3:1 на выезьдзе, 1:1 у хатнім матчы. У трэцім раўндзе супраціўнікам БАТЭ быў румынскі «Сьцяўа». Першы матч у Барысаве завяршыўся зь лікам 2:2, у другім матчы мацней былі румыны — 2:0. Выбыўшы з розыгрышу Лігі чэмпіёнаў, БАТЭ ў першым раўндзе Кубка УЭФА сустракаўся з гішпанскім «Вільярэалам» — самым рэйтынгавым клюбам розыгрышу — і атрымаў дзьве паразы: 4:1 на выезьдзе і 2:0 на менскім стадыёне «Дынама». У чэмпіянаце Беларусі БАТЭ датэрмінова, за чатыры туры да фінішу, заваяваў чэмпіёнскі тытул. У розыгрышы Кубка БАТЭ зноў дайшоў да фіналу, дзе ў сэрыі пасьляматчавых пэнальці саступіў берасьцейскаму «Дынама».

Эпоха Віктара Ганчарэнкі (2008—2013)Рэдагаваць

6 жніўня 2008 году БАТЭ пад кіраўніцтвам новага трэнэра Віктара Ганчарэнкі выбіў з 2-га кваліфікацыйнага раўнду Лігі чэмпіёнаў бэльгійскі «Андэрлехт», адолеўшы яго па суме двух матчаў зь лікам 4:3, і прабіўся ў 3-і кваліфікацыйны раўнд.

 
На матчы ў ЛЧ супраць «Барсэлёны»

27 жніўня 2008 году, згуляўшы ўнічыю 1:1 зваротны матч у Барысаве з баўгарскім клюбам «Леўскі», БАТЭ ўпершыню трапіў у групавы этап Лігі чэмпіёнаў, перамогшы ў першым матчы ў гасьцях 1:0. Ніколі яшчэ ў самы прэстыжны эўракубкавы турнір не трапляў так званы «футбольны карлік» зь пятага дзясятку клюбнага рэйтынг-ліста УЭФА. Зноў жа, ніколі дагэтуль да групавой стадыі на даходзіла каманда, якая пачынала шлях у найслабейшым з магчымых кошыкаў лёсаваньня[2]. У групавой стадыі БАТЭ трапіў у групу H разам з «Рэалам» (Мадрыд), «Ювэнтусам», «Зэнітам». У першай гульні на выезьдзе БАТЭ саступіў «Рэалу» зь лікам 0:2. У другой сваёй гульні зь «Ювэнтусам» (2:2) БАТЭ стаў першым беларускім футбольным клюбам, які набраў пункты ў групавым этапе гэтага турніру. 21 кастрычніка, у трэцяй гульні на выезьдзе БАТЭ згуляў у нічыю (1:1) з «Зэнітам» з Санкт-Пецярбургу, а ў чацьвертай прайграў яму ў Менску зь лікам 0:2. У апошняй гульні групавога турніру БАТЭ згуляў унічыю зь «Ювэнтусам» 0:0, і ў выніку набраўшы 3 пункты ў 6 гульнях, клюб заняў апошняе месца ў групе і скончыў свой выступ у эўракубках.

31 кастрычніка 2008 году БАТЭ стаў пяціразовым чэмпіёнам Беларусі. У гэты дзень быў згуляны перанесены матч 17-га туру, на ім падначаленыя Віктара Ганчарэнкі перамаглі жодзінскае «Тарпэда» зь лікам 2:1 і за два туры да фінішу сталі недасягальныя для перасьледнікаў.

26 жніўня 2010 году заваяваў права гуляць у групавым этапе Лігі Эўропы. Быў абыграны ісьляндзкі «Габнарф’ёрдур» (5:1 дома, 1:0 у гасьцях), затым параза па суме 2 матчаў ад дацкага «Капэнгагену» (0:0 дома і 2:3 у гасьцях) у Лізе чэмпіёнаў. Затым у кваліфікацыі Лігі Эўропы быў двойчы абыграны партугальскі «Марытыму» (3:0 дома і 2:1 у гасьцях). Па выніках жараб’ёўкі супраціўнікамі БАТЭ сталі нідэрляндзкі АЗ (перамога 4:1 дома, паражэньне 0:3 у гасьцях), «Дынама Кіеў» (2:2 у гасьцях, паражэньне 1:4 дома), «Шэрыф» (перамога 1:0 у гасьцях; перамога 3:1 дома). Па выніках групавога турніру барысаўчане ўпершыню выйшлі ў 1/16 фіналу эўрапейскага кубка, дзе па суме дзьвюх сустрэч саступілі францускаму ПСЖ (2:2 дома і 0:0 на выезьдзе).

2 жніўня 2011 году клюб атрымаў права гуляць у раўндзе плэй-оф чэмпіёнскай кваліфікацыі Лігі чэмпіёнаў, абыграўшы ў другім кваліфікацыйным раўндзе «Лінфілд» (1:1 у гасьцях, 2:0 дома), а ў трэцім — «Экранас» (0:0 у гасьцях, 3:1 дома). 24 жніўня БАТЭ абыграў аўстрыйскі «Штурм» у гасьцях 0:2 (1:1 дома) і другі раз у сваёй гісторыі выйшаў у групавы этап Лігі чэмпіёнаў, атрымаўшы, пры гэтым, месца ў трэцім кошыку. Па выніках жараб’ёўкі БАТЭ адправіўся ў групу H разам з «Барсэлёнай», «Мілянам» і «Вікторыяй».

Ліга чэмпіёнаў 2011/12 далася БАТЭ цяжка. У першым матчы БАТЭ саступіў «Барсэлёне» (0:5). У другім матчы саступіў «Міляну» (0:2). Трэці матч зь «Вікторыяй» быў згуляны зь лікам 1:1. Чацьверты матч у Барсэлёне быў прайграны зь лікам 4:0. Пяты матч быў, мабыць, найлепшым у гэтай Лізе чэмпіёнаў. БАТЭ згуляў унічыю зь «Мілянам» (1:1). Апошні, шосты матч, быў важны: у ім вырашаўся далейшы ўдзел у Лізе Эўропы. БАТЭ прайграў матч зь «Вікторыяй» і завяршыў ўдзел у турнірах.

Старт афіцыйных выступленьняў БАТЭ ў сэзоне 2012 году пачаўся з паражэньня ад «Гомелю» ў Супэркубку Беларусі зь лікам 0:2. Пазьней, клюб атрымаў 11 перамог запар, але ў 13 туры саступіў «Белшыне» (0:1).

Перад пачаткам эўракубкаў 2012—2013 гадоў, БАТЭ сыграў некалькі матчаў няўдала. Да таго ж, у алімпійскую зборную былі выкліканыя Аляксандар Гутар, Дзяніс Палякоў, Дзьмітры Бага, Рэнан Брэсан[3], што аслабіла склад БАТЭ. Аднак, клюб ўзмацніўся Аляксандрам Глебам і Раманам Васілюком. У другім кваліфікацыйным раўндзе БАТЭ не бяз працы перамагае «Вардар» (3:2), аднак у наступным раўндзе ўпэўнена пермагае «Дэбрэцэн» (3:2). Па выніках двух матчаў, барысаўскі клюб перамог «Гапаэль Кір’ят-Шмана» (3:1) і выйшаў у групавы этап Лігі чэмпіёнаў 2012—2013 гадоў.


Паводле вынікаў жараб’ёўкі Лігі чэмпіёнаў 2012—2013 гадоў БАТЭ трапіў у групу F разам з «Валенсіяй», «Лілем» і «Баварыяй». У першых двух матчах барысаўчане сэнсацыйна перамаглі ў гасьцёх францускі «Ліль» (3:1) і дома нямецкую «Баварыю» (3:1). Але ў дзьвюх наступных сустрэчах трывалі паразу ад гішпанскай «Валенсіі» (0:3 і 2:4). У астатніх сваіх матчах у групе БАТЭ таксама саступіў, аднак здолеў заняць 3 радок і атрымаць права на ўдзел у Лізе Эўропы. Дарэчы, «Баварыя» ў тым сэзоне атрымала ўпэўненую перамогу ў Лізе чэмпіёнаў, а БАТЭ стаў адзіным клюбам, які здолеў забіць мюнхэнцам больш за два мячы ў аднім матчы.

11 лістапада пасьля перамогі зь лікам 5:1 над клюбам «Менск», барысаўскі клюб датэрмінова ў 7 раз запар стаў чэмпіёнам Беларусі.

У пачатку 2013 году БАТЭ гуляў у матчах 1/16 Лігі Эўропы супраць турэцкага «Фэнэрбахчэ». У сувязі з рэканструкцыяй менскага стадыёну «Дынама», дзе БАТЭ звычайна праводзіў міжнародныя сустрэчы, клюб быў вымушаны шукаць іншую пляцоўку. У выніку матч прайшоў у Горадні. Нягледзячы на тое, што «Фэнэрбахчэ» амаль увесь матч праводзіў у меншасьці, гульня скончылася ўнічыю 0:0. У адказным матчы БАТЭ прапусьціў з пэнальці (0:1) і скончыў выступленьне ў турніры.

У сэзоне 2013 году айчыннага чэмпіянату БАТЭ стартаваў ня вельмі ўпэўнена, у выніку чаго лідэрства ў табліцы перахапіў салігорскі «Шахцёр», якім кіраваў Уладзімер Журавель. Улетку барысаўчане наладзілі гульню, і, атрымоўваючы перамогу за перамогай, пачалі даганяць салігорскі клюб. Расчараваньнем для аматараў каманды стала выступленьне БАТЭ ў Лізе чэмпіёнаў. На першай жа стадыі ў 2-м кваліфікацыйным раўндзе барысаўскі клюб саступіў казахстанскаму «Шахтару», з аднолькавым лікам у абодвух сустрэчах — 0:1, і выбыў з розыгрышу эўракубкаў. 21 верасьня 2013 году БАТЭ ў гасьцёх перайграў салігорскі «Шахцёр» (3:0) і ўпершыню ў сэзоне выйшаў на першае месца ў турнірнай табліцы. Дзякуючы чарзе няўдачаў салігорцаў БАТЭ хутка замацаваўся на першым радку.

Апошнія часыРэдагаваць

12 кастрычніка 2013 году было абвешчана аб тым, што Віктар Ганчарэнка пакідае пасаду галоўнага трэнэра[4]. Новым галоўным трэнэрам быў прызначаны Аляксандар Ермаковіч. 9 лістапада 2013 году, атрымаўшы перамогу ў 30 туры над «Тарпэда-БелАЗ», БАТЭ стаў дзесяціразовым чэмпіёнам Беларусі.

ДасягненьніРэдагаваць

СкладРэдагаваць

Актуальны на 13 ліпеня 2020 году
№ Пазыцыя Імя Год нараджэньня
3   Аб Боян Настыч 1994
4   Аб Аляксандар Філіпавіч 1994
5   ПА Яўген Яблонскі 1995
7   ПА Яўген Бярозкін 1996
8   ПА Станіслаў Драгун 1988
9   Нап Боян Дубаіч 1990
11   Нап Антон Сарока 1992
14   Аб Борыс Копітавіч 1994
15   Нап Максім Скавыш 1989
16   Бр Андрэй Кудравец 2003
18   ПА Вілюм Тор Вілюмсан 1998
19   ПА Дзьмітры Бясьсьмертны 1997
№ Пазыцыя Імя Год нараджэньня
21   Аб Ягор Філіпенка 1988
22   ПА Ігар Стасевіч (капітан) 1985
23   Аб Захар Воўкаў 1997
25   ПА Дзьмітры Бага 1990
26   Нап Неманья Міліч 1990
32   Аб Якаў Філіпавіч 1992
33   Нап Павал Няхайчык 1988
35   Бр Антон Чычкан 1995
48   Бр Дзяніс Шчарбіцкі 1996
88   ПА Аляксандар Валадзько 1986
94   Нап Эрвэйн Мукам 1994

Галоўныя трэнэрыРэдагаваць

Вынікі выступаўРэдагаваць

Чэмпіянат БеларусіРэдагаваць

Сэзон Ліга Месца Г В Н П РМ Пкт Кубак
1996 Другая 1   28 25 2 1 79-10 77 1/16
1997 Першая 2   30 25 3 2 92-15 78 1/4
1998 Найвышэйшая   28 18 4 6 50-25 58 1/2
1999 Найвышэйшая   30 24 5 1 80-22 77 1/8
2000 Найвышэйшая   30 20 4 6 68-26 64 1/4
2001 Найвышэйшая   26 16 3 7 54-31 51 Ф 2 
2002 Найвышэйшая   26 18 2 6 51-20 56 1/4
2003 Найвышэйшая   30 20 6 4 70-21 66 1/2
2004 Найвышэйшая   30 22 4 4 59-25 70 Ф 2 
2005 Найвышэйшая 5 26 12 11 3 42-27 47 Ул 1 
2006 Найвышэйшая   26 16 6 4 47-27 54 Ф 2 
2007 Найвышэйшая   26 18 2 6 50-25 56 1/2
2008 Найвышэйшая   30 19 10 1 54-20 67 1/2
2009 Найвышэйшая   26 19 5 2 55-16 62 Ул 1 
2010 Найвышэйшая   33 21 9 3 64-18 72 1/8
2011 Найвышэйшая   33 18 12 3 53-20 66 1/8
2012 Найвышэйшая   30 21 5 4 51-16 68 1/8
2013 Найвышэйшая   32 21 4 7 61-25 67 1/4
2014 Найвышэйшая   32 20 11 1 68-21 71 Ул 1 
2015 Найвышэйшая   26 20 5 1 44-11 65 Ф 2 
2016 Найвышэйшая   30 22 4 4 73-25 70 1/2
2017 Найвышэйшая   30 21 5 4 61-19 68 Ф 2 
2018 Найвышэйшая   30 23 4 3 55-24 73 1/4

ЭўракубкіРэдагаваць

Кубак Г В Н П М
Ліга чэмпіёнаў 100 36 30 34 111—138
Кубак УЭФА/Ліга Эўропы 60 21 10 29 72—102
Кубак Інтэртота 6 4 1 1 8—2
Усяго 166 61 41 64 191—242
 
Матч Лігі чэмпіёнаў супраць мадрыдзкага «Рэалу». 25 лістапада 2008 году
Сэзон Спаборніцтва Раўнд Супраціўнік Дома У гасьцёх Вынік
1999/00 Кубак УЭФА к/р   Лякаматыў Масква 1:7 0:5 1:12
2000/01 Ліга чэмпіёнаў 1 к/р   Шырак Гюмры 2:1 1:1 3:2
2 к/р   Гэльсынгборг 0:3 0:0 0:3
2001/02 Кубак УЭФА к/р   Дынама Тбілісі 4:0 1:2 5:2
1 раўнд   Мілян 0:2 0:4 0:6
2002 Кубак Інтэртота 1 раўнд   Акадэміск БК Капэнгаген 1:0 2:0 3:0
2 раўнд   Мюнхэн-1860 4:0 1:0 5:0
3 раўнд   Балёньня 0:0 0:2 0:2
2003/04 Ліга чэмпіёнаў 1 к/р   Багэміян Дублін 1:0 0:3 1:3
2004/05 Кубак УЭФА 1 к/р   Дынама Тбілісі 2:3 0:1 2:4
2005/06 Кубак УЭФА 1 к/р   Тарпэда Кутаісі 5:0 1:0 6:0
2 к/р   Крылы Саветаў Самара 0:2 0:2 0:4
2006/07 Кубак УЭФА 1 к/р   Ністру Атач 2:0 1:0 3:0
2 к/р   Рубін Казань 0:2 0:3 0:5
2007/08 Ліга чэмпіёнаў 1 к/р   АПОЭЛ Нікасія 3:0 (д. ч.) 0:2 3:2
2 к/р   Габнарф’ёрдур 1:1 3:1 4:2
3 к/р   Сьцяўа Бухарэст 2:2 0:2 2:4
2007/08 Кубак УЭФА 1 раўнд   Вільярэал 0:2 1:4 1:6
2008/09 Ліга чэмпіёнаў 1 к/р   Валюр Рэйк’явік 2:0 1:0 3:0
2 к/р   Андэрлехт Брусэль 2:2 2:1 4:3
3 к/р   Леўскі Сафія 1:1 1:0 2:1
Група H   Рэал Мадрыд 0:1 0:2
Група H   Ювэнтус Турын 2:2 0:0
Група H   Зэніт Санкт-Пецярбург 0:2 1:1
2009/10 Ліга чэмпіёнаў 2 к/р   Македонія Скоп’е 2:0 2:0 4:0
3 к/р   Вэнтсьпілс 0:1 2:1 2:2
2009/10 Ліга Эўропы Плэй-оф   Літэкс Ловеч 0:1 4:0 (д. ч.) 4:1
Група I   Бэнфіка Лісабон 1:2 0:2
Група I   Эвэртан Лівэрпул 1:2 1:0
Група I   АЕК Атэны 2:1 2:2
2010/11 Ліга чэмпіёнаў 2 к/р   Габнарф’ёрдур 5:1 1:0 6:1
3 к/р   Капэнгаген 0:0 2:3 2:3
2010/11 Ліга Эўропы Плэй-оф   Марытыму Фуншал 3:0 2:1 5:1
Група E   АЗ Алькмаар 4:1 0:3
Група E   Дынама Кіеў 1:4 2:2
Група E   Шэрыф Тыраспаль 3:1 1:0
1/16   Пары Сэн-Жэрмэн 2:2 0:0 2:2
2011/12 Ліга чэмпіёнаў 2 к/р   Лінфілд 2:0 1:1 3:1
3 к/р   Экранас 3:1 0:0 3:1
Плэй-оф   Штурм 1:1 2:0 3:1
Група H   Вікторыя Пльзень 0:1 1:1
Група H   Барсэлёна 0:5 0:4
Група H   Мілян 1:1 0:2
2012/13 Ліга чэмпіёнаў 2 к/р   Вардар 3:2 0:0 3:2
3 к/р   Дэбрэцэн 1:1 2:0 3:1
Плэй-оф   Гапаэль Кір’ят-Шмана 2:0 1:1 3:1
Група F   Ліль 0:2 3:1
Група F   Баварыя Мюнхэн 3:1 1:4
Група F   Валенсія 0:3 2:4
2012/13 Ліга Эўропы 1/16   Фэнэрбахчэ 0:0 0:1 0:1
2013/14 Ліга чэмпіёнаў 2 к/р   Шахтар Караганда 0:1 0:1 0:2
2014/15 Ліга чэмпіёнаў 2 к/р   Скендэрбэў Корча 0:0 1:1 1:1
3 к/р   Дэбрэцэн 3:1 0:1 3:2
Плэй-оф   Слован Браціслава 3:0 1:1 4:1
Група H   Порту 0:3 0:6
Група H   Атлетык Більбао 2:1 0:2
Група H   Шахтар Данецк 0:7 0:5
2015/16 Ліга чэмпіёнаў 2 к/р   Дандолк 2:1 0:0 2:1
3 к/р   Відэатон Сэкешфэхэрвар 1:0 1:1 2:1
Плэй-оф   Партызан Бялград 1:0 1:2 2:2
Група E   Баер Левэркузэн 1:1 1:4
Група E   Рома Рым 3:2 0:0
Група E   Барсэлёна 0:2 0:3
2016/17 Ліга чэмпіёнаў 2 к/р   СІК Сэйняёкі 2:0 2:2 4:2
3 к/р   Дандолк 1:0 0:3 1:3
2016/17 Ліга Эўропы Плэй-оф   Астана 2:2 0:2 2:4
2017/18 Ліга чэмпіёнаў 2 к/р   Алашкерт Ерэван 1:1 3:1 4:2
3 к/р   Славія Прага 2:1 0:1 2:2
2017/18 Ліга Эўропы Плэй-оф   Александрыя 1:1 2:1 3:2
Група H   Црвена Зьвезда 0:0 1:1
Група H   Арсэнал Лёндан 2:4 0:6
Група H   Кёльн 1:0 2:5
2018/19 Ліга чэмпіёнаў 2 к/р   ХІК Хэльсынкі 0:0 2:1 2:1
3 к/р   Карабах Агдам 1:1 1:0 2:1
Плэй-оф   ПСВ Эйндговэн 2:3 0:3 2:6
2018/19 Ліга Эўропы Група L   МОЛ Відзі 2:0 2:0
Група L   ПАОК 1:4 3:1
Група L   Чэлсі 0:1 1:3
1/16 фіналу   Арсэнал Лёндан 1:0 0:3 1:3
2019/20 Ліга чэмпіёнаў 1 к/р   Пяст Глівіцы 1:1 2:1 3:2
2 к/р   Русэнборг Тронгэйм 2:1 0:2 2:3
2019/20 Ліга Эўропы 3 к/р   Сараева 0:0 2:1 2:1
Плэй-оф   Астана 2:0 0:3 2:3

СтадыёнРэдагаваць

 
Гарадзкі стадыён у 2006 годзе
 
Будаўніцтва новага стадыёну БАТЭ па стане на канец сакавіка 2013 году

Да 2014 году гульні клюб праводзіў на Барысаўскім гарадзкім стадыёне, пабудаваным у 1963 годзе. Тады была ўзьведзена адна трыбуна — заходняя. Цяпер стадыён налічвае дзьве трыбуны, агульнай умяшчальнасьцю 5402 чалавекі. Усталяваныя мачты штучнага асьвятленьня, ёсьць электратаблё. У 2008 годзе над усходняй трыбунай быў пабудаваны казырок. Стадыён дапушчаны да правядзеньня міжнародных матчаў.

Матчы групавых этапаў эўракубкаў БАТЭ праводзіў на менскім стадыёне «Дынама».

У 2010 годзе было распачата будаўніцтва новага стадыёну ўмяшчальнасьцю каля 15 000 чалавек. Стадыён быў адкрыты 3 траўня 2014 году фінальным матчам Кубка Беларусі паміж салігорскім «Шахцёрам» і гарадзенскім «Нёманам»[10]. БАТЭ свой першы матч на «Барысаў-Арэне» згуляў 10 траўня 2014 году супраць «Слуцку» ў межах чэмпіянату Беларусі, БАТЭ атрымаў перамогу зь лікам 3:0[11].

БазаРэдагаваць

Асноўная трэніравальная база ФК БАТЭ разьмешчаная ў вёсцы Дудзінка.

ДзейнасьцьРэдагаваць

Бюджэт ФК БАТЭ ў 2008 годзе складаў больш за 5 млн даляраў ЗША[12][13]. Тэхнічны фундатар у сэзоне 2008 году — страхавая кампанія «Белдзяржстрах».

КрыніцыРэдагаваць

  1. ^ 19 лет назад был образован БАТЭ(рас.)
  2. ^ Радыё «Свабода»: У барысаўскага «карліка» ёсьць шанец стаць гігантам
  3. ^ Олимпийская сборная Георгия Кондратьева(рас.)
  4. ^ БАТЭ объявил об уходе Гончаренко в «Кубань». Goals.by
  5. ^ Александр Ермакович утвержден на посту главного тренера БАТЭ(рас.)
  6. ^ Олег Дулуб официально возглавил БАТЭ(рас.)
  7. ^ БАТЭ уволил Дулуба(рас.)
  8. ^ Алексей Бага назначен исполняющим обязанности главного тренера БАТЭ(рас.)
  9. ^ Алексей Бага стал полноправным главным тренером БАТЭ(рас.)
  10. ^ «Барысаў-Арэна» адкрыецца 3 мая фінальным матчам Кубка Беларусі
  11. ^ Тур 7. Гвоздь тура. Едут новоселы(рас.)
  12. ^ Крампец Г., Тутушкин А. Гульня ў страту(рас.) // Ведомости, № 184 (1958), 1 кастрычніка 2007
  13. ^ «Газета. Ru», «Федун раскрыл карты»(рас.), 1 кастрычніка 2007

Вонкавыя спасылкіРэдагаваць

  БАТЭ Барысаў — сховішча мультымэдыйных матэрыялаў

Атрымана з «https://be-tarask.wikipedia.org/w/index.php?title=БАТЭ_Барысаў&oldid=2149376»