Даніла Жульпа
Дані́ла Жу́льпа (нар. 16 ліпеня 2004 году) — беларускі футбаліст, паўабаронца барысаўскага БАТЭ.
| Даніла Жульпа | ||
| Пэрсанальная інфармацыя | ||
|---|---|---|
| Нарадзіўся | 16 ліпеня 2004[1] (20 гадоў) | |
| Рост | 185 см[2] | |
| Вага | 73 кг[2] | |
| Пазыцыя | паўабаронца | |
| Клюбная інфармацыя | ||
| Клюб | БАТЭ | |
| Нумар | 68 | |
| Клюбы | ||
| Гады | Клюб | Гульні (галы)¹ |
| 2022— | БАТЭ | 26 (3) |
| 2023 | → Арсэнал Койданаў | 25 (5) |
| 2024— | → БАТЭ-2[d] | 4 (0) |
| Зборныя | ||
| 2022 | Беларусь (да 19)[d] | 3 (0) |
| 2024— | Беларусь (да 21) | 3 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьЖульпа пачаў займацца футболам у івейскім ДЮСШ, дзе першым ягоным трэнэрам быў Аляксандар Лісай. Пазьней прыяднаўся да акадэміі БАТЭ. З 2021 году пачаў спаборнічаць у складзе дублюючага складу каманды, часам прыцягваючыся да асноўнага складу. Запачаткаваў выступы ў клюбе 21 чэрвеня 2022 году ў матчы Кубка Беларусі супраць другалігавага «Стэнлесу», зьявіўшыся ў першай адзінаццатцы і адзначыўшыся голам. 29 чэрвеня таго ж году дэбютаваў у матчы Найвышэйшай лігі супраць «Слуцку». Астатнюю частку сэзону быў у дублі.
У сакавіку 2023 году быў арандаваны койданаўскім «Арсэналам»[3], які рыхтаваўся да сэзону Першай лігі. 2 красавіка паўабаронца дэбютаваў у складзе «гарматнікаў», зьявіўшыся ў матчы супраць петрыкаўскага «Шахцёра». У той сустрэчы адзначыўся галявой перадачай. 14 траўня ўчыніў свой першы галявы дубль, улучыўшы галы ў браму «Жодзін-Паўднёвага». Замацаваўшыся ў складзе, гулец дапамог клюбу здабыць перамогу ў другім дывізіёне. Па заканчэньні арэнднага пагадненьня вярнуўся ў Барысаў, дзе пачаў рыхтавацца да новага сэзону[4]. З улікам рэформы ў беларускім футболе ды прыяднаньні дублюючых складаў да лігавых розыгрышаў, гулец у 2024 годзе абараняў колеры як БАТЭ ў Найвышэйшай лізе, гэтак і БАТЭ-2 у Першай лігі.
Міжнародная
рэдагавацьУ сакавіку 2022 году быў выкліканы да складу зборную Беларусі (да 19 гадоў)[5]. У чэрвені 2022 году дэбютаваў за зборную ў таварыскім матчы супраць аднагодкаў з Узбэкістану[6]. У верасьні 2022 году браў удзел у кваліфікацыйных матчах чэмпіянату Эўропы[7].
Крыніцы
рэдагаваць- ^ а б в г д https://fcbate.by/team/duplicate/62
- ^ а б в г https://www.fcbate.by/team/duplicate/62
- ^ «Арсенал» арендовал трех игроков БАТЭ (рас.) Football.by.
- ^ Предсезонку с БАТЭ начнут десять игроков, вернувшихся из аренд (рас.) Афіцыйны сайт ФК БАТЭ.
- ^ Вызов игроков БАТЭ в юношескую и юниорскую сборные Беларуси (рас.) Афіцыйны сайт ФК БАТЭ.
- ^ Артем Шуманский забил три гола за юниорскую (U-19) сборную Беларуси (рас.) Афіцыйны сайт ФК БАТЭ.
- ^ Артем Шуманский в роли капитана забивает за юниорскую сборную Беларуси (рас.) Афіцыйны сайт ФК БАТЭ.
Вонкавыя спасылкі
рэдагаваць- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway