Сяргей Верамко
Сяргей Верамко (нарадзіўся 16 кастрычніка 1982 году, Менск[4]) — колішні беларускі футбаліст, брамнік. У 2008—2014 гадах правёў 26 матчаў за нацыянальную зборную Беларусі. Майстар спорту. Уваходзіць у Клюб беларускіх брамнікаў, якія не прапускалі галы ў 100 і болей матчах на найвышэйшым узроўні[5].
| Сяргей Верамко | ||
| ||
| Пэрсанальная інфармацыя | ||
|---|---|---|
| Нарадзіўся | 16 кастрычніка 1982[1][2] (42 гады) | |
| Рост | 190 см | |
| Вага | 90 кг[3] | |
| Пазыцыя | брамнік | |
| Клюбная інфармацыя | ||
| Клюб | Тарпэда-БелАЗ | |
| Клюбы | ||
| Гады | Клюб | Гульні (галы)¹ |
| 2000—2002 | Дынама-Юні[d] | 48 (0) |
| 2003—2005 | Арсенал Харкаў[d] | 34 (0) |
| 2004 | Геліяс Харкаў[d] | 1 (0) |
| 2005 | Харкаў[d] | 0 (0) |
| 2006—2007 | Нёман Горадня | 43 (0) |
| 2008—2011 | БАТЭ | 70 (0) |
| 2011 | Севастопаль | 10 (0) |
| 2011—2015 | Крылы Саветаў | 75 (0) |
| 2014—2015 | → Уфа | 5 (0) |
| 2016—2017 | БАТЭ | 10 (0) |
| 2018—2021 | Менск | 48 (0) |
| 2022— | Тарпэда-БелАЗ | |
| Зборныя | ||
| 2008—2014 | Беларусь | 26 (0) |
Кар’ера
рэдагавацьКлюбная
рэдагавацьВыхаванец менскіх футбольных школаў «Зьмена» і «Алімпія». З 2000 году выступаў за рэзэрвовыя каманды менскага «Дынама». З 2003 па 2005 гады гуляў за ўкраінскі клюб «Арсэнал» з Харкава, якому дапамог выйсьці ў Найвышэйшую лігу. У 2006 годзе вярнуўся ў Беларусь, стаўшы гульцом гарадзенскага «Нёмана». Паводле вынікаў сэзону 2007 году быў прызнаны найлепшым брамнікам чэмпіянату Беларусі.
У 2008 годзе стаў гульцом барысаўскага БАТЭ. Дапамог барысаўчанам упершыню ў гісторыі прабіцца ў групавы этап Лігі чэмпіёнаў (у 3-м кваліфікацыйным раўндзе адбіў пэнальці ў першым матчы зь «Леўскім»). У сэзоне 2010 году здолеў зрабіць рэкордную для чэмпіянату Беларусі «сухую» сэрыю — 1016 хвілінаў (у 2015 годзе гэты рэкорд пераўзышоў Сяргеем Чэрнікам, чыя «сухая» сэрыя склала 1072 хвіліны[6]).
.jpg)
У 2011 годзе адгуляў адное кола чэмпіянату Ўкраіны за «Севастопаль», пасьля вылету якога ў другі ўкраінскі дывізіён перайшоў у расейскія «Крылы Саветаў» з Самары[7]. Быў асноўным брамнікам расейскага клюбу, улетку 2013 году падоўжыў кантракт да 2016 году.
Паводле вынікаў сэзону 2013—2014 гадоў «Крылы Саветаў» страцілі месца ў Прэм’ер-лізе. У ліпені 2014 году аддадзены ў арэнду клюбу «Ўфа» тэрмінам на адзін сэзон[8]. У чэрвені 2015 году кантракт з «Крыламі Саветаў» быў скасаваны па ўзаемнай згодзе бакоў[9]. Пасьля зыходу з «Уфы» цягам трох месяцаў заставаўся бяз клюбу, некаторы час падтрымліваў форму ў складзе «Менску». У жніўні 2015 году падпісаў кантракт з грэцкім клюбам «Левадыякос»[10]. Дэбютаваў за новы клюб 28 кастрычніка 2015 году ў матчы на Кубак Грэцыі, а 8 лістапада ўпершыню згуляў у Супэрлізе. У сакавіку 2016 году атрымаў траўму, пасьля аднавіўся, але клюб вырашыў не падаўжаць кантракт, які сканчваўся ўлетку.
У траўні 2016 году БАТЭ пачаў разглядаць магчымасьць вяртаньня Верамко, як замену Сяргею Чэрніку, цікавасьць да якога зьявілася ў францускага «Нансі». 1 ліпеня 2016 году, праз два дні пасьля пераходу Чэрніка, Верамко падпісаў кантракт з БАТЭ[11][12]. Спачатку быў асноўным брамнікам БАТЭ, але пазьней саступіў месца маладым Арцёму Сароку і Дзянісу Шчарбіцкаму, у тым ліку праз траўмы. У сэзоне 2017 канчаткова саступіў месца ў браме Шчарбіцкаму, зрэдку зьяўляючыся на полі як гулец ратацыі. 6 жніўня 2017 году пасьля матчу зь «Менскам» (0:1) атрымаў чырвоную картку і пазьней быў дыскваліфікаваны на 5 матчаў. 23 верасня 2017 году па заканчэньні пяціматчавай дыскваліфікацыі быў заяўлены на матч супраць «Слуцку» (6:0) і правёў яго на лаўцы запасных, аднак пры гэтым не аплаціў накладзены адначасова з дыскаліфікацыяй штраф, да поўнай аплаты якога дыскаліфікацыя аўтаматычна падаўжалася. Праз гэтага пачалася доўгая справа, у якой спачатку БАТЭ зьведаў тэхнічную паразу (0:3) у матчы з «Слуцкам», аднак пазьней быў вернуты першапачатковы вынік.
У студзені 2018 году ў якасьці свабоднага агента падпісаў кантракт з «Менскам»[13]. У складзе сталічнай каманды стаў асноўным брамнікам і капітанам. У студзені 2019 году падоўжыў пагадненьне з сталічнікамі[14]. Сэзон 2019 году пачынаў у стартавым складзе, а зь лета 2019 году і ў наступныя сэзоны рэдка выходзіў на поле, у 2021 годзе выконваў функцыі гуляючага трэнэра брамнікаў. У сьнежні 2021 году па заканчэньні кантракта пакінуў «Менск»[15].
Міжнародная
рэдагавацьУ 2008 годзе згуляў 2 гульні за нацыянальную зборную Беларусі. Прапусьціў адзін мяч (з пэнальці) у гульні Андора — Беларусь[16].
У якасьці трэнэра
рэдагавацьУ студзені 2022 года стаў трэнэрам брамнікаў у жодзінскім «Тарпэда-БелАЗ»[17], пазьней быў заяўлены таксама ў якасьці брамніка.
Узнагароды
рэдагаваць- Чэмпіён Беларусі ў складзе БАТЭ — 2008, 2009, 2010
- Кубак Беларусі — 2006
- Супэркубак Беларусі — 2017
- Найлепшы брамнік чэмпіянату Беларусі — 2007, 2008, 2009
- У сьпісе 22 найлепшых футбалістаў чэмпіянату — 2007, 2008, 2009
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| БАТЭ | 2016 | Найвышэйшая ліга | 6 | –3 |
| 2017 | Найвышэйшая ліга | 4 | –4 | |
| Менск | 2018 | Найвышэйшая ліга | 26 | –34 |
Крыніцы
рэдагаваць- ^ а б в Sergey Veremko // Transfermarkt (мн.) — 2000.
- ^ а б в Syarhey Vyeramko // FBref (мн.)
- ^ а б https://www.pressball.by/footballstat/siarhei_veremko/
- ^ ФК БАТЭ: Веремко Сергей (рас.)
- ^ Дела вратарские. Гаеву пора за шампанским (рас.)
- ^ "Сухая" серия Сергея Черника оборвалась после 1072 минуты, но, тем не менее, стала рекордной
- ^ Сергей Веремко перешел в «Крылья Советов» (рас.) «Прессбол», 22 ліпеня 2011
- ^ «Уфа» арендовала Веремко (рас.)
- ^ «Крылья Советов» расторгли контракт с Сергеем Веремко (рас.)
- ^ Сергей Веремко перешел в клуб греческой Суперлиги (рас.)
- ^ Сергей Веремко стал игроком БАТЭ (рас.)
- ^ Веремко перешел в БАТЭ
- ^ Сергей Веремко стал футболистом «Минска» (рас.)
- ^ Веремко остается в "Минске"
- ^ Сергей Веремко покинул "Минск"
- ^ Sportbox
- ^ В тренерском штабе вышедшего из отпуска «Торпедо-БелАза» есть женщина Архівавана 10 студзеня 2022.