Пяст Глівіцы

польскі футбольны клюб

«Пяст» (па-польску: Piast) — польскі футбольны клюб з гораду Глівіцы. Заснаваны ў 1945 годзе. Двухразовы фіналіст Кубка Польшчы (1978, 1983).

Пяст
GKS Piast Gliwice.svg
Заснаваны 1945
Горад Глівіцы, Польшча
Стадыён Пяст
Умяшчальнасьць: 10 037
Галоўны трэнэр
Чэмпіянат Экстракляса
 · 2020—2021 6 месца
Хатнія колеры
Выязныя колеры
Трэція колеры
piast.gliwice.pl(пол.)

ГісторыяРэдагаваць

Клюб быў зарэгістраваны ў гарадзкой радзе 18 чэрвеня 1945 году як спартовая арганізацыя пад назвай «Пяст», у гонар выбітнай польскай каралеўскай дынастыі. Галоўнымі ініцыятарамі стварэньня клюбу былі палякі, які былі выгнаныя з Львову.

У польскай футбольнай структуры «Пяст» дэбютаваў у 1957 годзе, калі каманда пачала выступы ў Другой лізе, у якой яны правялі 35 сэзонаў. У гэты пэрыяд галоўныя посьпехі прыпалі на 1975—1983 гады. Клюб некалькі разоў амаль атрымліваў права на прасозваньне ў лігу вышэй. Акрамя таго, гульцы «Пясту» двойчы ў 1978 і 1983 гадох выходзілі ў фінал Кубка Польшчы, але двойчы і саступалі супернікам, першы раз сасноўскаму «Заглембе» зь лікам 0:2, а другім разам гданьскай «Лехіі» зь лікам 1:2. Палітычныя зьмены за час падзеньня камуністычнага рэжыму ўскладнілі арганізацыйнае і фінансавае становішча клюбу, у выніку чаго ўвесну 1993 году «Пяст» зьняў галоўную каманду з спаборніцтваў. Адраджэньне клюбу адбылося толькі ў 1997 годзе, калі глівіцкі клюб зноўку пачаў выступы ў айчынным чэмпіянаце.

24 траўня 2008 году «Пяст», пасьля 63 гадоў існаваньня, атрымаў гістарычную павышэньне ў Экстраклясу пасьля перамогі ў гасьцёх у Варшаве ў матчы супраць мясцовай «Палёніі» зь лікам 1:0[1]. 9 жніўня 2008 году «Пяст» атрымаў перамогу ў першым матчы ў эліце, стаўшы мацней за «Краковію» зь лікам 2:0. Першы сэзон клюб скончыў на 11 радку ў турнірнай табліцы. Адразу, улетку 2009 году клюб быў рэарганізаваны, то бок было створанае акцыянэрнае таварыства, дзе горад набыў 51% акцыяў, а ў клюбу застаўся 49% акцыяў. У 2008 годзе ненадоўга спонсарскае дапамогі далучыўся канцэрн Opel.

Адной з прычынай акцыянаваньня сталася неабходнасьць мадэрнізацыі стадыёну клюбу дзеля задавальненьня ліцэнзійных патрабаваньняў. Увосень сэзону 2008—2009 гадоў «Пяст» прымаў супернікаў у горадзе Вадзіслаў Сьлёнскі, на стадыёне мясцовага клюбу. У красавіку 2009 году пасьля мадэрнізацыі «Пясту» дазволілі прымаць супернікаў у родным горадзе, і першым госьцем клюбу стаў «Гурнік» Забжэ. Дзякуючы голу Марыюша Мушаліка «Пяст» атрымаў перамогу зь лікам 1:0. Нажаль у сэзоне 2009—2010 гадоў клюб заняў апошняе месца ў табліцы і выбыў у Першую лігу. Апошняя сустрэча сэзону адбылася 15 траўня 2010 году ў Глівіцах, дзе «Пяст» саступіў «Краковіі» зь лікам 0:1.

ЗаўзятарыРэдагаваць

«Пяст» мае сяброўства з заўзятарамі барысаўскага клюбу БАТЭ з 2011 году. Сяброўства пачалося, калі беларускія заўзятары на шляху да матчу Лігі чэмпіёнаў у Капэнгагене спыніліся ў Глівіцах, дзе наведвалі матч «Пясту» супраць клюбу «ГКС Катавіцы». Затым заўзятары «Пясту» адправіліся ў Алькмаар, каб падтрымаць БАТЭ ў матчы супраць АЗ. Пасьля чарговага візыту на гульню Лігі чэмпіёнаў супраць грацкага «Штурма», сяброўства паміж заўзятараў сталася афіцыйным і абедзьве заўзятарскія суполцы рэгулярна наведваюць матчы адзін аднаго[2].

СкладРэдагаваць

Актуальны на 8 верасьня 2021 году
Пазыцыя Імя Год нараджэньня
1   Бр Якуб Шматула 1981
2   Аб Арэль Мосур 2003
3   ПА Томаш Ядловец 1985
4   Аб Якуб Чарвінскі (капітан) 1991
5   Аб Томаш Гук 1994
6   ПА Міхал Храпэк 1992
7   Нап Т’ягу Алвіш 1996
9   Нап Альбэрта Тарыль 1997
10   Нап Крыштафэр Віда 1995
13   Аб Максім Гендэра 2000
14   Аб Якуб Голубэк 1991
15   Нап Матэвуш Вінчарш 2000
16   Нап Дамінік Стэчык 1999
Пазыцыя Імя Год нараджэньня
17   ПА Патрык Ліпскі 1994
18   ПА Патрык Сакалоўскі 1994
19   Нап Міхаэль Амэяў 2000
20   Аб Марцін Канчкоўскі 1993
22   Аб Томаш Моква 1993
23   Аб Мігель Муньяс 1996
26   Бр Францішак Плах 1992
27   Нап Габрыель Кірэйчык 2003
29   Нап Нікала Стаількавіч 1992
33   Бр Караль Шыманскі 1993
77   Нап Аркадыюш Пырка 2002
92   Нап Даміян Кондзяр 1992
  Аб Аляксандрас Катраніс 1998

КрыніцыРэдагаваць

Вонкавыя спасылкіРэдагаваць