Раман Васілюк
Раман Васілюк (нарадзіўся 23 лістапада 1978 году, Берасьце, БССР) — беларускі футбаліст, нападнік. У 2000—2008 гадах выступаў за нацыянальную зборную Беларусі. У 2000 і 2007 гадах — найлепшы бамбардзір чэмпіянату Беларусі па футболе. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[1]. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў[2]. Першы футбаліст, хто забіў 200 галоў у чэмпіянатах Беларусі[2].
| Раман Васілюк | ||
| Пэрсанальная інфармацыя | ||
|---|---|---|
| Нарадзіўся | 23 лістапада 1978 (44 гады) Берасьце, Беларусь | |
| Рост | 177 см | |
| Вага | 71 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 1996—1999 2000—2001 2001—2005 2002 2004 2005 2005—2008 2008—2010 2010—2012 2012 2013 2014—2015 2016 2016—2018 |
Дынама Берасьце Славія Спартак Масква → Дынама Менск → Дынама Берасьце → Гапаэль Тэль-Авіў Гомель Дынама Берасьце Менск БАТЭ Менск Дынама Берасьце Нёман Горадня Дынама Берасьце |
86 (47) 41 (38) 6 (2) 9 (2) 28 (17) 9 (1) 77 (54) 59 (16) 45 (13) 9 (2) 30 (9) 54 (16) 13 (3) 20 (0) |
| Зборныя | ||
| 2000—2008 | Беларусь | 24 (10) |
|
¹ Колькасьць гульняў і галоў за прафэсійны клюб лічыцца толькі | ||
Кар’ераРэдагаваць
Кар’ера аднаго з найлепшых у сувэрэннай гісторыі Беларусі нападнікаў пачалася ў Берасьці, дзе ён забіваў часта і шмат. У 1999 годзе дзякуючы добрым выступам у берасьцескім клюбе «Дынама» правы на гульца выкупіла мазырская «Славія», якая на той момант зьяўлялася адным зь лідэраў беларускага першынства. У першым жа сэзоне Раман забіў 31 мяч, а ўся каманда — 78, істотна апярэдзіўшы перасьледавальнікаў у асобе Віталя Кутузава і Сяргея Давыдава, на рахунку якіх было па 18 галоў. У гэтым жа сэзоне «Славія» стала чэмпіёнам краіны, а на рахунку нападніка значыліся тры хет-трыка і адзін покер. Толькі аднойчы найлепшы бамбардзір першынства Беларусі забіў больш — у сэзоне 1996 году гулец «Белшыны» Андрэй Хлебасолаў вызначыўся 34 разы. «У 2000 годзе Ўлада Петравіча трэнэрам можна было не прызначаць. Тая каманда і з пустой лаўкай сэзон да золата давяла бы», — успамінаў Васілюк празь сем гадоў.
Пасьля канфлікту з сэрбскім настаўнікам Раман быў адпраўлены спачатку ў дубль, а затым і зусім быў выстаўлены на трансфэр. Але 2001 год запомніўся ня толькі сваркай зь Петровічам. Таленавіты форвард стаў прыцягвацца Эдуардам Малафеевым у нацыянальную зборную Беларусі, у складзе якой правёў два незабыўных матчы, то бок у сакавіку супраць зборнай Нарвэгіі, дзе забіў пераможны гол на 93-й хвіліне, і ў верасьні супраць зборнай Польшчы, дзе аформіў покер. Улетку 2001 году Васілюк доўга без працы не заставаўся. Ужо праз пару дзён зьявіўся варыянт з самарскімі «Крыламі Саветаў», маскоўскімі «Дынама» і «Спартаком». У ранейшым клюбе настойліва рэкамэндавалі ехаць ў разьмяшчэньне «чырвона-белых».
Аднак у «Спартаке» Раману адразу далі зразумець, што яго тут не чакаюць. Касьцяк каманды складалі паўтара дзясяткі чалавек, а астатнія знаходзіліся ў масоўцы. Загуляць у «Спартаку» ў Васілюка гэтак і не атрымалася — перашкодзілі трэнэрскі недавер і траўмы. Кантрактам з маскавітамі Раман быў зьвязаны да 2006 году, і за гэты час ён не правёў за аснову «чырвона-белых» і дзясятка матчаў. Затое Раман удосталь накатаўся па арэндах, правёўшы нейкі час у менскім «Дынама» ў сэзоне 2002 году, берасьцейскім «Дынама» ў 2004 годзе, а таксама пагуляўшы ў чэмпіянаце Ізраілю за тэль-авіўскі клюб «Гапаэль». У 2005 годзе правы на футбаліста выкупіў «Гомель», у якім Васілюк пачаў зноўку раскрываць свой талент і патэнцыял. Штогод паляпшаючы бамбардзірскія паказчыкі (13 мячоў у 2005 годзе, 14 — у 2006, і 24 — у 2007), у сэзоне 2007 году Раман у другі раз стаў найлепшым бамбардзірам у краіне.
Затым было вяртаньне ў роднае Берасьце, сварка зь Юрыем Пунтусам і пераход у «Менск», дзе форвард адыграў паўтара сэзону[3]. 26 ліпеня 2012 году гулец перайшоў у барысаўскі БАТЭ[4], у складзе якога ў чэмпіянаце Беларусі адгуляў 9 матчаў і забіў 2 мячы, то бок атрымаўшы такі ж паказчык, як калісьці ў складзе менскага «Дынама» дзесяць год таму. Пасьля сэзону гулец вярнуўся ў «Менск»[5]. У сьнежні 2013 году вярнуўся ў берасьцейскае «Дынама», дзе стаў капітанам каманды[6].
10 траўня 2014 году прыняў удзел у матчы зь менскім «Дынама», які стаў для Рамана 500 на найвышэйшым узроўні[7]. Васілюк дапамог сваёй камандзе атрымаць перамогу (2:1), забіўшы гол на 79 хвіліне, які стаў першым пасьля чарговага вяртаньня ў Берасьце. Гэты гол стаў 200 голам нападніка ў найвышэйшай лізе[8]. У лютым 2015 году падоўжыў кантракт з клюбам яшчэ на адзін год[9]. У студзені 2016 году перайшоў у гарадзенскі «Нёман», зь якім падпісаў кантракт на адзін год[10], але ўжо ў ліпені 2016 году вярнуўся ў берасьцейскае «Дынама»[11]. Завяршыў кар’еру пасьля сэзону 2018 году[12].
ДасягненьніРэдагаваць
КлюбныяРэдагаваць
«Славія»:
- Чэмпіён Беларусі: 2000
- Уладальнік Кубка Беларусі: 2000
«Гомель»:
- Срэбраны прызэр чэмпіянату Беларусі: 2007
БАТЭ:
- Чэмпіён Беларусі: 2012
«Менск»:
- Уладальнік Кубка Беларусі: 2013
«Дынама Берасьце»:
- Уладальнік Кубка Беларусі: 2018
ІндывідуальныяРэдагаваць
СтатыстыкаРэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 24 | 8 |
| Нёман Горадня | 2016 | Найвышэйшая ліга | 13 | 3 |
| Дынама Берасьце | 9 | 0 | ||
| 2017 | Найвышэйшая ліга | 9 | 0 | |
| 2018 | Найвышэйшая ліга | 2 | 0 | |
КрыніцыРэдагаваць
- ^ Клуб бомбардиров. Незаконченный Роман. «Прессбол»(рас.)
- ^ а б ВасиLUCK! Первый навсегда. «Прессбол»(рас.)
- ^ Судьба бомбардира. Goals.by (рас.)
- ^ Василюк переходит в БАТЭ. ФК «Менск» (рас.)
- ^ Роман Василюк вернулся в «Минск». «Прессбол» (рас.)
- ^ Роман Василюк вернулся в брестское «Динамо». «Прессбол» (рас.)
- ^ Роман Василюк поводит 500-й матч на высшем уровне. Football.by (рас.)
- ^ Роман Василюк забил 200-й гол в своей карьере в высшей лиге чемпионата Беларуси. Football.by(рас.)
- ^ Роман Василюк продлил контракт с брестским «Динамо». Football.by(рас.)
- ^ Роман Василюк стал игроком «Немана»(рас.)
- ^ Василюк подписал контракт с брестским «Динамо»(рас.)
- ^ Роман Василюк завершил карьеру футболиста(рас.)
Вонкавыя спасылкіРэдагаваць
- Профіль на сайце БАТЭ(рас.)
- Статыстыка «ПБ-Инфо»(рас.)