Аляксандар Ермаковіч
Аляксандар Уладзімеравіч Ермаковіч (нар. 21 студзеня 1975 году) — беларускі футбаліст і футбольны трэнэр. Найлепшы трэнэр Беларусі 2015 году.
| Аляксандар Ермаковіч | ||
| ||
| Пэрсанальная інфармацыя | ||
|---|---|---|
| Нарадзіўся | 21 студзеня 1975[1][2] (49 гадоў) | |
| Рост | 174 см | |
| Вага | 71 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 1992 | Дынама-93 | 4 (0) |
| 1993—1997 | Атака Менск | 111 (16) |
| 1998—2008 | БАТЭ | 223 (13) |
| Зборныя | ||
| 1996 | Беларусь (да 21) | 1 (0) |
Кар’ера
рэдагавацьГульнявая
рэдагавацьВыхаванец лунінецкай ДЮСШ і менскага РВАРу. Пачынаў кар’еру ў менскім «Дынама-93», пасьля пасьпяхова гуляў за «Атаку». У канцы 1997 году, пасьля развалу «Атакі», разам зь іншымі гульцамі перайшоў у барысаўскі БАТЭ. Зь цягам часу стаў лідэрам і капітанам каманды. Доўгі час гуляў у апорнай зоне ў зьвязцы зь Дзьмітром Ліхтаровічам. З БАТЭ 5 разоў выйграў тытул чэмпіёна Беларусі. У самым канцы гульнявой кар’еры дапамог барысаўскаму клюбу прабіцца ў групавы этап Лігі чэмпіёнаў.
У 1996 годзе згуляў адзін матч за моладзевую зборную Беларусі.
Трэнэрская
рэдагавацьУ 2008 годзе завяршыў кар’еру футбаліста пасьля адказнага матчу Лігі чэмпіёнаў супраць «Ювэнтусу» і перайшоў на трэнэрскую працу ў барысаўскі БАТЭ. Быў памочнікам галоўнага трэнэра Віктара Ганчарэнкі. Спачатку быў трэнэрам, а з 2012 году стаў старэйшым трэнэрам барысаўскай каманды[3].
Ачоліў БАТЭ 14 кастрычніка 2013 году пасьля сыходу Віктара Ганчарэнкі ў «Кубань». На чале БАТЭ пяць разоў стаў чэмпіёнам Беларусі. У 2014 і 2015 гадах вывеў каманду ў групавы этап Лігі чэмпіёнаў, паводле вынікаў 2015 году быў прызнаны найлепшым футбольным трэнэрам Беларусі. У студзені 2015 году атрымаў трэнэрскую ліцэнзію катэгорыі PRO[4]. Выйграўшы ў 2017 годзе чэмпіянат краіны, стаў самым тытуляваным беларускім трэнэрам, перагнаўшы Ганчарэнку. Пасьля сэзону 2017 году пакінуў барысаўскі клюб[5]. У студзені 2018 году ўвайшоў у трэнэрскі штаб Ганчарэнкі ў расейскім клюбе ЦСКА[6].
У красавіку 2021 году ўсьлед за Ганчарэнкам стаў ягоным памочнікам у «Краснадары»[7], пакінуў разам зь ім клюб у студзені 2022 году[8]. У жніўні 2022 году стаў асыстэнтам Ганчарэнкі ў екацярынбурскім «Урале»[9].
Дасягненьні
рэдагаваць- Чэмпіён Беларусі: 1999, 2002, 2006, 2007, 2008
- Срэбраны прызэр чэмпіянату Беларусі: 1998, 2000, 2003, 2004
- Бронзавы прызэр чэмпіянату Беларусі: 2001
- Уладальнік Кубка Беларусі: 2006
- У сьпісе 22 найлепшых гульцоў чэмпіянату Беларусі: 1999, 2002, 2006, 2007
- Найлепшы трэнэр Беларусі: 2015
Крыніцы
рэдагаваць- ^ а б в Aleksandr Yermakovich // Transfermarkt (мн.) — 2000.
- ^ а б в Alyaksandr Yermakovich // FBref (мн.)
- ^ Ермакович назначен старшим тренером БАТЭ
- ^ Ермакович, Гольмак, Солодовников, Пышник и еще 15 белорусских специалистов сдали экзамен на категорию PRO
- ^ Александр Ермакович покинул пост главного тренера БАТЭ (рас.)
- ^ Московский ЦСКА представил Ермаковича (рас.)
- ^ Ермакович и Зубик вошли в тренерский штаб "Краснодара"
- ^ "Краснодар" уволил Виктора Гончаренко
- ^ Александр Ермакович пополнил тренерский штаб "Урала"
Вонкавыя спасылкі
рэдагаваць- Профіль на сайце БАТЭ (трэнэр) (рас.)
- Профіль на сайце БАТЭ (гулец) (рас.)