Уладзімер Журавель
Уладзі́мер Іва́навіч Жураве́ль (9 чэрвеня 1971, Сяміпалацінск, Казаская ССР, СССР — 18 лістапада 2018) — беларускі футбольны паўабаронца, трэнэр.
| Уладзімер Журавель | ||
| ||
| Пэрсанальная інфармацыя | ||
|---|---|---|
| Нарадзіўся | 9 чэрвеня 1971[1][2] | |
| Памёр | 18 лістапада 2018 (47 гадоў) | |
| Рост | 175 см | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1989—1995 | Дынама Менск | 116 (15) |
| 1996 | Хапаэль Рышон-ле-Цыён[d] | |
| 1996—1997 | Дынама Менск | 51 (5) |
| 1998—1999 | Жамчужына-Сочы[d] | 50 (0) |
| 2000—2002 | Крышталь[d] | 77 (3) |
| 2003 | Дарыда | 28 (3) |
| 2004—2005 | Тарпэда-БелАЗ | 24 (0) |
| Зборныя | ||
| 1992—1997 | Беларусь | 11 (0) |
| Трэнэрскія клюбы | ||
| 2006 | Тарпэда-БелАЗ | |
| 2010—2013 | Шахцёр Салігорск | |
| 2013—2014 | Дынама Менск | |
| 2015—2016 | Гомель | |
| 2017 | Дынама Берасьце | |
| 2018 | Шахтар Караганда | |
- Вікіпэдыя мае артыкулы пра іншых асобаў з прозьвішчам Журавель.
Кар’ера
рэдагавацьГульнёвая
рэдагавацьДоўгі час выступаў за менскае «Дынама», зь якім 6 разоў выйграваў чэмпіянат Беларусі. Гуляў таксама ў Ізраілі, расейскіх клюбах. У 2003 вярнуўся ў Беларусь, выступаў за «Дарыду» і жодзінскае «Тарпэда», у складзе якога і завяршыў кар’еру ў 2005.
У 1993—1997 выступаў за нацыянальную зборную Беларусі.
Трэнэрская
рэдагавацьУ 2005 пачаў трэнэрскую кар’еру ў жодзінскім «Тарпэда». У другой палове сэзону-2006 выконваў абавязкі галоўнага трэнэра жодзінцаў.
У пачатку 2010 новы галоўны трэнэр салігорскага «Шахцёру» Эдуард Малафееў запрасіў Жураўля ў клюб на месца свайго памочніка. Крыху пазьней, у траўні 2010, у сувязі з хваробай Малафеева Журавель быў прызначаны выканаўцам абавязкаў, а потым і галоўным трэнэрам «Шахцёру». Чатыры разы запар (2010—2013) прывёў каманду да срэбраных мэдалёў, але толькі ў сэзоне 2013 здолеў стварыць канкурэнцыю барысаўскаму БАТЭ ў барацьбе за залатыя мэдалі. Горш атрымалася выступленьне ў Лізе Эўропы — тройчы «Шахцёр» ня здолеў прайсьці другое кваліфікацыйнае кола.
У сьнежні 2013, па сканчэньні чэмпіянату, пакінуў пасаду галоўнага трэнэра «Шахцёру». У канцы таго ж месяцу быў прызначаны новым галоўным трэнэрам менскага «Дынама»[3].
З дынамаўцамі здолеў дабіцца значных посьпехаў: клюб доўгі час трымаў барацьбу з барысаўскім БАТЭ за чэмпіёнства, але ў выніку атрымаў срэбраныя ўзнагароды (якія для Жураўля сталі пятымі запар). Таксама пад кіраўніцтвам Жураўля «Дынама» ўпершыню ў гісторыі прабілася ў групавы этап Лігі Эўропы. Тым ня менш, у сьнежні 2014 Журавель пакінуў пасаду галоўнага трэнера[4].
У студзені 2015 стаў памочнікам новага галоўнага трэнера малдоўскай «Дачыі» Алега Кубарава, зь якім некалі працаваў у жодзінскім «Тарпэда»[5]. Ужо ў сакавіку 2015 разам з Кубаравым пакінуў «Дачыю»[6].
У сьнежні 2015 року быў прызначаны галоўным трэнэрам «Гомелю»[7]. У сэзоне-2016 прывёў гомельскі клюб да перамогі ў першай лізе. У сьнежні 2016 року падпісаў кантракт зь берасьцейскім «Дынама»[8], якое пакінуў у канцы 2017[9]. У студзені 2018 падпісаў кантракт з карагандзінскім «Шахтаром»[10], які пакінуў у ліпені 2018[11]. Пакінуў каманду ў ліпені таго ж году паводле пагадненьня бакоў[12].
Памёр 18 лістапада 2018 году пасьля працяглай хваробы[13]. Меў трэнэрскую ліцэнзію катэгорыі «Pro».
Дасягненьні
рэдагавацьГульнёвыя
рэдагаваць
Чэмпіён Беларусі (6): 1992, 1992/93, 1993/94, 1994/95, 1995, 1997
Срэбны прызэр чэмпіянату Беларусі: 1996
Уладальнік Кубка Беларусі: 1992, 1994
Трэнэрскія
рэдагаваць- Уладальнік Кубка Беларусі: 2017
- Срэбны прызэр чэмпіянату Беларусі (5): 2010, 2011, 2012, 2013, 2014
- Пераможца першай лігі чэмпіянату Беларусі: 2016
Крыніцы
рэдагаваць- ^ а б в Vladimir Zhuravel // Transfermarkt (мн.) — 2000.
- ^ а б в Uladzimir Zhuravel // FBref (мн.)
- ^ Владимир Журавель возглавил минское «Динамо»
- ^ Минское «Динамо» не продлило соглашение с Владимиром Журавлем
- ^ Олег Кубарев официально возглавил «Дачию». Владимир Журавель и Эдуард Тучинский вошли в тренерский штаб
- ^ Олег Кубарев, спустя месяц после назначения, расторг контракт с молдавской «Дачией»
- ^ Владимир Журавель возглавил «Гомель»
- ^ Владимир Журавель возглавил брестское «Динамо»
- ^ Брестское «Динамо» официально сообщило о расставании с Владимиром Журавелем (рас.)
- ^ Владимир Журавель возглавил карагандинский «Шахтер» (рас.)
- ^ Владимир Журавель покинул пост наставника карагандинского «Шахтера» (рас.)
- ^ Владимир Журавель покинул пост наставника карагандинского "Шахтера"
- ^ Умер Владимир Журавель