Кёльн (футбольны клюб)

нямецкі футбольны клюб

«Кёльн» (па-нямецку: Köln) — нямецкі футбольны клюб з гораду Кёльну. Заснаваны ў 1948 годзе. Трохразовы чэмпіён Нямеччыны і 4-разовы ўладальнік Кубка Нямеччыны. «Кёльн» быў створаны 13 лютага 1948 году пасьля зьліцьця клюбаў «Kölner Ballspiel-Club 1901» і «SpVgg Sülz 07». Як і многія іншыя прафэсійныя футбольныя нямецкія клюбы, «Кёльн» ёсьць часткай вялікага спартовага клюбу, які аб’ядноўвае ў сабе каманды па розных відах спорту, у прыватнасьці клюбы па гандболе, настольным тэнісе й мастацкай гімнастыцы. Асноўнымі супернікамі клюбу зьяўляюцца «Барусія» Мёнхэнглядбах, «Баер» і «Фартуна» Дусэльдорф, то бок гэта ўсё клюбы з аднаго рэгіёну, з гарадоў, што стаяць на беразе ракі Райну.

Кёльн
Fc cologne.png
Поўная назва 1. Fußball-Club Köln 01/07 e. V.
Заснаваны 13 лютага 1948
Горад Кёльн, Нямеччына
Стадыён РайнЭнэргіШтадыён
Умяшчальнасьць: 50 374[1]
Галоўны трэнэр Маркус Гісдаль
Чэмпіянат Бундэсьліга
 · 2018—2019 Бундэсьліга 2, 1 месца (павышэньне)
Хатнія колеры
Выязныя колеры
https://fc.de/

ГісторыяРэдагаваць

Раньнія часыРэдагаваць

У 1930-я — 1940-я гады ў горадзе Кёльне грунтаваліся некалькі футбольных камандаў прыкладна роўнай сілы: «VfL Köln 1899», «VfR Köln 04», «SV Mülheim», «SpVgg Sülz 07» і «Kölner BC 01». Аднак усе гэтыя зьвязы былі калектывамі раённага ўзроўню, якія пасьпяхова выступалі ў сваім горадзе й прылеглых вёсачках. Ні адна каманда не магла сябе сур’ёзна паказаць у рамках чэмпіянату Райнлянду, тым больш — у першынстве Нямеччыны. З 1934 па 1944 гады «VfR Köln» здолеў-такі патрапіць у вышэйшую лігу, аднак канкурэнцыя з боку камандаў з Трыру, Аахэну й Дурэну аказалася непераадольнай.

Рашэньнем жыхароў гораду, якія ўсьвядомілі неабходнасьць мець моцную футбольную каманду, якія здолелі паўплываць на ўладальнікаў зьвязаў, быў створаны адзін клюб, які ўвабраў усіх найлепшых футбалістаў Кёльну. Менавіта так 13 лютага 1948 году была створана футбольная каманда «1.FC Köln», базай для якой паслужылі футбольныя зьвязы «Kölner BC» і «Sülz 07». Галоўнай рухаючай сілай зьліцьця камандаў сталі Франц Крэмэр і Франц Больг, якія ўзяліся за пабудову канкурэнтаздольнай каманды на нацыянальнай арэне. Пад свае сьцягі яны адразу спрабавалі заклікаць моцных гульцоў, кажучы сакрамэнтальную фразу: «Не жадаеце ці вы стаць чэмпіёнамі Нямеччыны разам з намі?».

Франц Крэмэр стаў першым прэзыдэнтам новай каманды й заставаўся ім да сваёй сьмерці ў 1967 годзе. Ён апынуўся вельмі ўмелым кіраўніком і арганізатарам. За некалькі сэзонаў Крэмэр сур’ёзна палепшыў інфраструктуру каманды, перавёў яе на прафэсійны ўзровень. Ужо ў 1949 годзе клюб здолеў падняцца ў Заходні дывізіён Найвышэйшай лігі Нямеччыны.

У 1957 годзе, на вечарынцы футбольнай каманды па заканчэньні сэзону, якая супала з карнавальнымі сьвятамі, адзін з гасьцей паднёс босу клюбу жывога казла. Назвалі яго ў жарт у гонар галоўнага трэнэра Гэнэса Вайсвалера. Казёл так спадабаўся самому настаўніку й усім футбалістам, што з часам ператварыўся ў талісман клюбу й стаў адлюстроўвацца на лягатыпе каманды, а затым і на ўсёй фанацкай прадукцыі. У выніку за камандай замацавалася мянушка «казлы». На 2008 год на полі футбольнай арэны ў Кёльне выходзіць ўжо «Гэнэс Сёмы».

У 1950-х і на пачатку 1960-х гадоў футбалісты зь берагоў Райну ў цэлым 5 разоў станавіліся найлепшымі ў Заходняй Нямеччыне. Гэта было посьпехам для клюбу, якога зусім нядаўна ня існавала. Посьпехі на Захадзе дазвалялі камандзе рэгулярна выступаць у фінальных матчах за чэмпіёнства, але галоўны трафэй краіны скарыўся «Кёльну» толькі ў 1962 годзе, калі ў фінале зь лікам 4:0 быў разьбіты «Нюрнбэрг».

СкладРэдагаваць

Актуальны на 4 траўня 2020 году
Пазыцыя Імя Год нараджэньня
1   Бр Тыма Горн 1993
2   Аб Бэна Шміц 1994
5   Аб Рафаэль Чыхас 1990
6   ПА Марка Гёгер 1989
7   ПА Марсэль Рысэ 1989
8   ПА Біргер Вэрстрат 1994
9   Нап Сымон Тэродэ 1988
11   Нап Кінгсьлі Шындлер 1993
14   ПА Ёнас Гэктар (капітан) 1990
15   Нап Джон Кордаба 1993
17   ПА Крыстыян Клемэнс 1991
18   Бр Томас Кесьлер 1986
19   Аб Кінгсьлі Эгізыбу 1995
20   ПА Элвіс Рэджбэчай (ар. Вольфсбург) 1997
22   Аб Хорхэ Мэрэ 1997
Пазыцыя Імя Год нараджэньня
23   Нап Марк Ут (ар. Шальке-04) 1991
24   ПА Домінік Дрэксьлер 1990
27   Нап Антані Мадэст 1988
28   ПА Эльес Скіры 1995
29   Нап Ян Тыльман 2002
30   Нап Флёрыян Кайнц 1992
31   Бр Брэйдзі Скот 1999
32   Бр Юліян Краль 2000
33   Аб Сэбыстыяан Борнаў 1999
34   Аб Ноа Катэрбах 2001
36   ПА Нікляс Гаўптман 1996
37   Аб Тоні Ляйстнэр (ар. КПР) 1990
38   Нап Ісмаіль Якабс 1999
40   Аб Робэрт Фалёдэр 2001

КрыніцыРэдагаваць

Вонкавыя спасылкіРэдагаваць

  Кёльн (футбольны клюб)сховішча мультымэдыйных матэрыялаў