АЕК Атэны

АЕК (па-грэцку: AEK) — грэцкі футбольны клюб з гораду Атэнаў, але які фактычна базуецца ў прадмесьці Нэа-Філядэльфія. Заснаваны ў 1924 годзе грэцкімі ўцекачамі з Канстантынопалю пасьля Грэцка-турэцкай вайны 1919—1922 гадоў. AEK — адзін з трох самых пасьпяховых клюбаў у грэцкім футболе поруч з «Алімпіякосам» і «Панатынаікосам». 13-разовы чэмпіён Грэцыі, 16-разовы ўладальнік Кубка Грэцыі.

АЕК Атэны
Поўная назва	па-грэцку: Αθλητική Ένωσις Κωνσταντινουπόλεως Ποδοσφαιρική Ανώνυμη Εταιρεία
Заснаваны	13 красавіка 1924
Горад	Атэны, Грэцыя
Стадыён	Алімпійскі Умяшчальнасьць: 69 618
Прэзыдэнт	Эвангеляс Асьлянідыс[d]
Кіраўнік	Дымітрыс Мэлісанідыс[d]
Галоўны трэнэр	Матыяс Альмэйда[d]
Чэмпіянат	Супэрліга
· 2022—2023	1 месца
Галерэя здымкаў у Вікісховішчы aekfc.gr (грэцк.)​ (анг.)

Гісторыя

Гульцы канстантынопальскага клюбу «Пэра», прадстаўнікі якога пазьней заклалі АЕК.

Да Першай сусьветнай вайны грэкі мелі цэлы шэраг спартовых клюбаў у Канстантынопалі, якія нават дамінавалі ў спартовых спаборніцтвах. Па Першай сусьветнай вайне, калі ў горадзе былі расквартаваныя францускія і ангельскія войскі, грэцкія клюбы рэгулярна бралі ўдзел у спаборніцтвах супраць сфармаваных з замежных войскаў камандамі. Адным з самых пасьпяховых тых клюбаў была каманда «Эрміс». Клюб яшчэ ў 1875 годзе быў закладзены грэцкай супольнасьцю Галяты, і з 1880-х гадоў быў вядомы пад назвай «Пэра». Менавіта прадстаўнікі гэтага клюбу ды шэрагу іншых пазьней, пасьля Грэцка-турэцкай вайны 1919—1922 гадоў, ужо ў Атэнах заклалі новы клюб, які атрымаў назву АЕК. Новы футбольны клюб хутка здабыў папулярнасьць у 1920-я гады, у тым ліку дзякуючы канстантынопальскім уцекачам, палітычным сувязям і заможным сябрам клюбнай рады. Ня маючы ўласнай футбольнай пляцоўкі, AEK большасьць сваіх першых матчаў ладзіў у розных месцах вакол Атэнаў. Першым прэзыдэнтам AEKа быў абраны Канстантынас Спанудыс, які працаваў журналістам і быў зьвязаны з грэцкім прэм’ер-міністрам Элефтэрыясам Бэнізэлясам. Ён жа запытаў урад вылучыць зямельны надзел клюбу, каб пабудаваць на ім спартовую пляцоўку.

Склад

Актуальны на 11 лютага 2024 году

№ Пазыцыя Імя Год нараджэньня 1 Бр Цыцан Станкавіч 1992 2 Аб Арольд Мукудзі 1997 4 ПА Даміян Шыманскі 1995 5 Нап Нардын Амрабат 1987 6 ПА Енс Ёнсан 1993 7 Нап Леві Гарсія 1997 8 ПА Міят Гачынавіч 1995 9 Нап Том ван Вээрт 1990 10 Нап Стывэн Цубэр 1991 11 Нап Сэрхіё Араўха (капітан) 1992 12 Аб Лязарас Рота 1997 13 ПА Арбэлін Пінэда 1996 14 Нап Эсэк’ель Понсэ 1997 17 Аб Стаўрас Піліяс 2000 18 Аб Аляксандар Каленс (ар. Жырона) 1992 19 ПА Нікляс Эліясан 1995

№ Пазыцыя Імя Год нараджэньня 20 ПА Пэтрас Манталяс 1991 21 Аб Домагай Віда 1989 22 Нап Паолё Фэрнандэс 1998 23 ПА Робэрт Любічыч 1999 24 Аб Герасімас Мітаглю 1999 25 ПА Канстантынас Галянопуляс 1997 28 Аб Эгсан Гаджсафі 1990 29 Аб Джыбрыль Сыдыбэ 1992 30 Бр Ёргас Атанасіядыс 1993 37 Аб Вэдад Радонья 2001 39 Бр Панаётыс Гініс 1999 55 Аб Канстантынас Хрысопуляс 2003 70 ПА Радольфа Пісара 1994 90 Нап Зыні 2002 99 Бр Ёргас Тэохарыс 2002 — Нап Тэадосіс Макерас 2000

Вонкавыя спасылкі

• Афіцыйны сайт