Валеры Тарасенка
Вале́ры Тарасе́нка (нарадзіўся 1 верасьня 1981 году) — беларускі футбаліст, абаронца і трэнэр.
| Валеры Тарасенка | ||
| Пэрсанальная інфармацыя | ||
|---|---|---|
| Нарадзіўся | 1 верасьня 1981[1] (43 гады) | |
| Рост | 186 см | |
| Вага | 77 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1999 | Менск-2 | 5 (0) |
| 2000 | РШВСМ-Алімпія[d] | 26 (1) |
| 2001—2004 | БАТЭ | 51 (13) |
| 2005 | Гомель | 16 (0) |
| 2006 | Нёман Горадня | 23 (5) |
| 2007 | Партызан Менск | 19 (2) |
| 2008 | Табол | 13 (2) |
| 2009 | Мікашэвічы | 18 (0) |
| 2010 | Нёман Горадня | 9 (0) |
| 2010 | Тарпэда-БелАЗ | 9 (0) |
| 2011 | Дынама Берасьце | 10 (0) |
| 2011—2014 | Гарадзея | 71 (5) |
| 2015 | Славія Мазыр | 23 (1) |
| Зборныя | ||
| 2002—2004 | Беларусь (да 21) | 15 (1) |
Кар’ера
рэдагавацьКлюбная
рэдагавацьВыхаванец менскай школы «Зьмена». Пазьней трапіў у структуру барысаўскага БАТЭ. З 2001 году выступаў за дубль барысаўчанаў, а ў сэзоне 2002 году пачаў прыцягвацца да асноўнага складу. 8 лістапада 2002 году стаў героем «залатога» матчу паміж БАТЭ і гарадзенскім «Нёманам» за тытул чэмпіёна Беларусі, калі ў дадатковы час забіў вырашальны мяч, тым самым прынёс БАТЭ чэмпіёнства. Пасьля сэзону 2004 году пакінуў барысаўскую каманду. З 2005 па 2011 гады выступаў за розныя клюбы беларускай Найвышэйшай лігі, пры гэтым анідзе не затрымліваўся больш чым на год. У 2008 годзе гуляў за «Табол», зь якім стаў срэбраным прызэрам чэмпіянату Казахстану.
Улетку 2011 году трапіў у склад першалігавай «Гарадзеі», за якую гуляў цягам некалькіх сэзонаў. Па заканчэньні сэзону 2014 году пакінуў клюб[2]. У лютым 2015 году апынуўся ў мазырскай «Славіі», зь якой у сакавіку 2015 году падпісаў кантракт[3]. Заняў месца асноўнага цэнтральнага абаронцы і быш адным зь лідэраў мазырскага клюбу. Па заканчэньні сэзону, у лістападзе 2015 году, пастанавіў сабе завяршыць кар’еру[4]. Аднак, у 2017 годзе быў уключаны ў заяўку каманды другой лігі «Ўзда», але не правёў за яе ніводнага матчу[5].
Міжнародная
рэдагавацьГуляў за зборную Беларусі (да 21 году). На моладзевым чэмпіянаце Эўропы ў Нямеччыне 2004 году браў удзел у двух матчах.
Трэнэрская праца
рэдагавацьЗавяршыў кар’еру пасьля сэзону 2015 году і перайшоў на працу ў дзіцяча-юнацкую школу БАТЭ[6], дзе працаваў цягам трох гадоў. У 2016 годзе скончыў Беларускі дзяржаўны ўнівэрсытэт фізычнай культуры па спэцыяльнасьці «трэнэр па футболе».
У студзені 2019 году ўвайшоў у трэнэрскі штаб БАТЭ[7]. Пакінуў БАТЭ ў сьнежні таго ж году[8]. У студзені 2020 году стаў памочнікам Аляксея Багі ў віленскім «Жальгірысе»[9]. Разам з Багам пакінуў клюб у сьнежні 2020 году. З студзеня па травень 2021 году дапамагаў Багу ў казахстанскім «Актабе». У верасьні 2021 году ўвайшоў у трэнэрскі штаб Багі ў салігорскім «Шахцёры»[10]. Пакінуў клюб разам зь ім у сьнежні 2021 году[11]. З студзеня па верасень 2022 году быў асыстэнтам Багі ў азэрбайджанскім «Сумгаіце». У сьнежні 2022 году зноў стаў памочнікам Багі ў салігорскім «Шахцёры»[12]. У сьнежні 2023 году разам з галоўным трэнэрам пакінуў салігорскі клюб[13].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 23 | 1 |
Крыніцы
рэдагаваць- ^ а б в Valeri Tarasenko // Transfermarkt (мн.) — 2000.
- ^ Александр Марченко: «Сащеко и Тарасенко покинули «Городею», Чалей, скорее всего, закончит карьеру» (рас.)
- ^ Контракты со "Славией" подписали 12 футболистов (рас.)
- ^ Тарасенко принял решение о завершении карьеры (рас.)
- ^ «Прессбол» №61 (4031), 21 красавіка 2017
- ^ Беганский, Тарасенко и Шмигеро будут работать в детско-юношеской школе БАТЭ (рас.)
- ^ Валерий Тарасенко пополнит тренерский штаб главной команды БАТЭ (рас.)
- ^ Молош и Тарасенко покинули БАТЭ (рас.)
- ^ Официально: Алексей Бага - главный тренер вильнюсского "Жальгириса" (рас.)
- ^ "Шахтер" объявил о назначении Алексея Баги на пост главного тренера (рас.)
- ^ Алексей Бага покинул «Шахтер» (рас.) Афіцыйны сайт салігорскага «Шахцёра»
- ^ Алексей Бага: "Над предложением "Шахтера" размышлял недолго, но о других говорить смысла нет, если я в Солигорске" (рас.) Праверана 2023-12-12 г.
- ^ Алексей Бага покинул «Шахтер» (рас.) Афіцыйны сайт салігорскага «Шахцёра»
Вонкавыя спасылкі
рэдагаваць- Профіль на сайце БАТЭ (рас.)
- Статыстыка «ПБ-Инфо» (рас.)