Віктар Ганчарэнка
- Вікіпэдыя мае артыкулы пра іншых асобаў з прозьвішчам Ганчарэнка.
Ві́ктар Ганчарэ́нка (нарадзіўся 10 чэрвеня 1977 году, Хвойнікі, Гомельская вобласьць) — беларускі футбаліст і футбольны трэнэр. У 2007—2013 гадах узначальваў барысаўскі БАТЭ. Найлепшы трэнэр Беларусі 2008, 2009, 2010, 2012, 2014, 2016, 2017 і 2018 гадоў. У цяперашні час зьяўляецца галоўным трэнэрам клюбу ЦСКА.
| Віктар Ганчарэнка | ||
 | ||
| Пэрсанальная інфармацыя | ||
|---|---|---|
| Нарадзіўся | 10 чэрвеня 1977 (45 гадоў) Хвойнікі, Беларусь | |
| Рост | 171 см | |
| Вага | 71 кг | |
| Пазыцыя | абаронца | |
| Клюбная інфармацыя | ||
| Клюб | ЦСКА (галоўны трэнэр) | |
| Клюбы | ||
| Гады | Клюб | Гульні (галы)¹ |
| 1994—1995 1995—1996 1997 1998—2002 |
Стралічава МВКЦ-96 Менск РВАР Менск БАТЭ Барысаў |
5 (1) 26 (2) 23 (1) 82 (1) |
| Трэнэрскія клюбы | ||
| 2007—2013 2013—2014 2015 2016 2016— |
БАТЭ Барысаў Кубань Краснадар Урал Екацярынбург Уфа ЦСКА | |
|
¹ Колькасьць гульняў і галоў за прафэсійны клюб лічыцца толькі | ||
Адукацыя і працаРэдагаваць
Скончыў Хвойніцкую спартовую школу і сталічную Рэспубліканскую вучэльню алімпійскага рэзэрву. Атрымаў вышэйшую спартовую адукацыю — у 2004 годзе скончыў Беларускую акадэмію фізычнай культуры (трэнэр па футболе). Мае трэнэрскую ліцэнзію «Pro».
Кар’ераРэдагаваць
Выступаў за «Стралічава», МВКЦ-96, РВАР і БАТЭ. Абаронца. Двухразовы чэмпіён Беларусі ў складзе БАТЭ (1999, 2002), бронзавы прызэр чэмпіянату Беларусі (2001). Кар’еру гульца завяршыў у 25 гадоў праз сур’ёзную траўму — разрыў крыжападобнай зьвязкі[1], мэніск. У час выступленьня за БАТЭ здымаў кватэру разам з брамнікам нацыянальнай зборнай Юр’ем Жаўновым.
У 2004—2006 гадах працаваў трэнэрам дублюючага складу БАТЭ. З 2007 — старэйшы трэнэр ФК БАТЭ. З 13 лістапада 2007 году — галоўны трэнэр ФК БАТЭ.
Увосень 2008 году вывеў ФК БАТЭ ў групавы раўнд Лігі чэмпіёнаў. Ганчарэнка стаў самым маладым трэнэрам у гісторыі Лігі чэмпіёнаў.
Разам з БАТЭ пяць разоў выйграваў чэмпіянат Беларусі (2008, 2009, 2010, 2011, 2012), Кубак Беларусі (2010), двойчы Супэркубак Беларусі (2010, 2011). Найлепшыя дасягеньні ў эўракубках (разам з БАТЭ) — групавы этап Лігі чэмпіёнаў (2008, 2012), 1/16 фіналу Лігі Эўропы (2011, 2013).
У кастрычніку 2013 году сышоў з БАТЭ і падпісаў кантракт на 4,5 году з краснадарскай «Кубаньню»[2]. У лістападзе 2014 году кантракт з «Кубаньню» быў скасаваны з ініцыятывы кіраўніцтва клюбу[3]. На момант звальненьня «Кубань» знаходзілася на 5 месцы ў прэм’ер-лізе чэмпіянату Расеі і за 13 гульняў прайграла адзін раз, у Кубку Расеі каманда выйшла ў 1/4 фіналу[4]. У чэрвені 2015 году падпісаў кантракт на тры гады з клюбам «Урал» зь Екацярынбургу[5]. Пакінуў клюб 25 жніўня 2015 году перад матчам з грозьненскім «Церакам»[6], а 1 верасьня кантракт з клюбам быў скасаваны па ўзаемнай згодзе бакоў[7]. 13 верасьня 2015 году ўвайшоў у трэнэрскі штаб маскоўскага ЦСКА, дзе заняў пасаду старэйшага трэнэра[8]. У чэрвені 2016 году ўзначаліў расейскі клюб «Уфа»[9], які пакінуў у сьнежні 2016 году і ўзначаліў маскоўскі ЦСКА[10].
Сям’яРэдагаваць
Жанаты, выхоўвае сына Арцёма. Маці і сястра жывуць у гарадзкім пасёлку Рудабелка, што на Гомельшчыне. Бацька, які працаваў у Чарнобылі ў першыя дні пасьля катастрофы, памёр у 1993 годзе, пахаваны ў Хвойніках. Ганчарэнка кажа, што менавіта бацька прышчапіў яму любоў да футболу.
ЗацікаўленасьціРэдагаваць
Любімыя клюбы — «Манчэстэр Юнайтэд», «Вільярэал», «Мілян». Любімыя трэнэры — Фабіё Капэлё, Алекс Фэргюсан, Арсэн Вэнгер. Хобі — Формула-1. Любімы гоншчык — Льюіс Гэмілтан. Любімая каманда — «Макларэн».
КрыніцыРэдагаваць
- ^ Ганчарэнка — кандыдат на пасаду галоўнага трэнера маскоўскага «Лакаматыва» «Наша Ніва» 30.10.2010
- ^ Александр Ткачев: с Гончаренко сегодня подписан контракт на 4,5 года, уже завтра он приступает к тренировкам(рас.)
- ^ Официально: Виктор Гончаренко покидает «Кубань»(рас.)
- ^ Главный тренер «Кубани» Виктор Гончаренко отправлен в отставку(рас.)
- ^ Виктор Гончаренко возглавил «Урал»(рас.)
- ^ Виктор Гончаренко покинул пост главного тренера «Урала»(рас.)
- ^ Виктор Гончаренко расторг контракт с «Уралом»(рас.)
- ^ Виктор Гончаренко стал старшим тренером московского ЦСКА(рас.)
- ^ Виктор Гончаренко назначен на пост главного тренера «Уфы»(рас.)
- ^ Виктор Гончаренко официально стал главным тренером московского ЦСКА(рас.)
Вонкавыя спасылкіРэдагаваць
Віктар Ганчарэнка — сховішча мультымэдыйных матэрыялаў