Цырымонія лёсаваньня фінальнай часткі чэмпіянату Эўропы 2012 году была праведзена ў Кіеве, у Нацыянальным палацы культуры й мастацтваў Украіны 2 сьнежня2011 году. Гэты чэмпіянат стаў апошнім, у фінальным раундзе якога прынялі ўдзел 16 камандаў. Пачынаючы з Эўра-2016, колькасьць камандаў будзе павялічана да 24.
Лёсаваньне разьмеркаваньня камандаў на групавы этап фінальнага турніру адбылася 2 сьнежня2011 году ў 19:00 па мясцовым часе ў Кіеве, у Нацыянальным палацы мастацтваў «Украіна». Перад лёсаваньнем каманды, якія прайшлі ў фінальны турнір, былі разьмеркаваны па кошыках наступным чынам:
Першыя пазыцыі ў групе A й у групе D займаюць каманды краінаў, якія арганізуюць правядзеньне чэмпіянату, то бок Польшчы й Украіны адпаведна. Лёсаваньне пачалася з Кошыка 1, каб запоўніць першую пазыцыю ў групе B і ў групе C. Затым прайшло лёсаваньне для Кошыка 4, зь якога па адной камандзе было пасьлядоўна разьмеркавана ў кожную групу, ад групы A да групы D. Затым гэтая ж працэдура паўтарылася для Кошыка 3 і нарэшце для Кошыка 2. Пазыцыя кожнай каманды ў ейнай групе (2, 3 ці 4) таксама вызначылася падчас лёсаваньня.
У рамках гэтай цырымоніі быў прадстаўлены афіцыйны мяч Чэмпіянату Эўропы па футболе 2012 году.
Згодна з рэглямэнтам, склады камандаў-удзельніц чэмпіянату былі абвешчаныя за дзесяць дзён да першага матчу турніру. Усяго ў заяўку галоўныя трэнэры маглі ўнесьці 23 футбалісты, уключаючы трох брамнікаў. Замена сур’ёзна траўмаваных гульцоў дазваляецца за 24 гадзіны перад першай гульнёй на чэмпіянаце.
На першым этапе 16 камандаў былі падзеленыя на 4 групы па 4 каманды. Па дзьве найлепшыя каманды зь якіх выйшлі ў чвэрцьфінал. Чвэрцьфіналы, паўфіналы і фінал складаюцца з аднаго матчу па алімпійскій сыстэме.
Продаж квіткоў на футбольны матч у пэрыяд правядзеньня чэмпіянату ажыцьцяўляецца па прад’яўленьні дакумэнту, які засьведчвае асобу, з абавязковым указаньнем у квітку прозьвішча, імя асобы й прад’яўленага дакумэнту й ягонага нумару. Права продажу, перадачы й выкарыстаньня квіткоў на любое мерапрыемства УЭФА належыць прызначанай асобе, упаўнаважанаму ад Зьвязу эўрапейскіх футбольных асацыяцыяў кампаніі й ейнымі супрацоўнікамі.
На матчы надрукавана 1,4 мільёну квіткоў коштам ад 30 да 600 эўра. Як паведаміла УЭФА 1 лютага2011 году, усе квіткі, пушчаныя ў вольны продаж, то бок 75 адсоткаў, будуць прадавацца толькі на сайце УЭФА й толькі па безнаяўным разьліку праз Інтэрнэт[1] і толькі да канца сакавіка 2012 году. Пазьней квіткі прадавацца ня будуць. Жыхарам гарадоў, дзе праводзяцца матчы, вылучаецца ў продаж па 2 тысячы квіткоў на горад на адзін матч. Першым чалавекам, які заказаў сабе квіток на чэмпіянат, стаў 1 лютага2011 году грамадзянін Паўднёвай Карэі.
Польшча
Украіна
Гішпанія
Італія
Алан Дзагоеў,
Марыё Гомэс,
Марыё Манджукіч,
Крыштыяну Раналду,
Чэхія
Грэцыя
Гоўард Ўэб
Стэфан Лянуа
Крэйг Томсан
Юнас Эрыксан
Данія
Нідэрлянды
Дамір Скаміна
Ірляндыя
Віктар Кашаі
Джунэйт Чакыр
Чэмпіянат Эўропы па футболе 2012 году — сховішча мультымэдыйных матэрыялаў