Дэні Ўэлбэк
Дэніел Ніі Тэкі Мэнса Ўэлбэк (па-ангельску: Daniel Nii Tackie Mensah Welbeck; нарадзіўся 26 лістапада 1990 году, Манчэстэр, Ангельшчына) — ангельскі футбаліст, нападнік клюбу «Брайтан энд Гоўв Альбіён» і нацыянальнай зборнай Ангельшчыны. З-за росту й стылю гульні яго часьцяком параўноўваюць з такімі форвардамі як Эманюэль Адэбаёр і Нванква Кану[2].
| Дэні Ўэлбэк | ||
| ||
| Пэрсанальная інфармацыя | ||
|---|---|---|
| Нарадзіўся | 26 лістапада 1990[1] (34 гады) | |
| Рост | 185 см | |
| Вага | 72 кг | |
| Пазыцыя | нападнік | |
| Клюбная інфармацыя | ||
| Клюб | Брайтан энд Гоўв Альбіён | |
| Нумар | 18 | |
| Клюбы | ||
| Гады | Клюб | Гульні (галы)¹ |
| 2008—2014 2010 2010—2011 2014—2019 2019—2020 2020— |
Манчэстэр Юнайтэд → Прэстан Норт Энд (арэнда) → Сандэрлэнд (арэнда) Арсэнал Ўотфард Брайтан энд Гоўв Альбіён |
92 (20) 8 (2) 26 (6) 88 (16) 18 (2) 121 (29) |
| Зборныя | ||
| 2011— | Ангельшчына | 42 (16) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьЎэлбэк нарадзіўся ў Манчэстэры ў сям’і эмігрантаў з Ганы[3]. Яшчэ ў шасьцігадовым узросьце ён быў заўважаны скаўтамі «Манчэстэр Юнайтэд»[4]. У сэзоне 2005—2006 гадоў перайшоў у акадэмію «Манчэстэр Юнайтэд». Ягоны дэбютны матч за моладзевы склад «Юнайтэд» адбыўся 8 красавіка 2006 году ў матчы моладзевага чэмпіянату супраць «Сандэрлэнду». У наступным матчы ён выйшаў на замену, а ў астатніх двух гульнях сэзону заставаўся на лаўцы запасных. Ўэлбэк выступаў на высокім узроўні, незважаючы на тое, што быў адным з самых маладых гульцоў у складзе.
Сэзон 2007—2008 гадоў ён пачаў у моладзевай камандзе, але неўзабаве быў пераведзены ў рэзэрвовую каманду «Манчэстэр Юнайтэд», дзе, у асноўным, выходзіў на замену. Затым, у студзені 2008 году, ён быў выкліканы разам з камандай у Саудаўскую Арабію, каб згуляць у разьвітальным матчы Самі аль-Джабэра з клюбу «Аль-Гіляль». У матчы, які адбыўся 21 студзеня 2008 году Ўэлбэк выйшаў на замену Андэрсану на 65-й хвіліне.
25 студзеня 2008 году сэр Алекс Фэрг’юсан паведаміў, што Ўэлбэк атрымае сталы нумар у асноўнай камандзе на сэзон 2008—2009 гадоў[5]. 9 лютага 2008 году на перадматчавай канфэрэнцыі перад гульнёй супраць «Манчэстэр Сіці» Фэрг’юсан сказаў, што Ўэлбэк будзе ўключаны ў склад на матч, але дэбютаваць у Дэні не атрымалася. Дэбют за асноўны склад адбыўся 23 верасьня 2008 году, калі Дэні выйшаў на поле ў стартавым складзе на матч трэцяга раўнду Кубка лігі супраць «Мідлзбра».
11 сьнежня 2009 году Дэні падпісаў новы кантракт з «Манчэстэр Юнайтэд» да чэрвеня 2013 году[6]. 2 верасьня 2014 году Ўэлбэк далучыўся да лёнданскага «Арсэналу», падпісаўшы доўгатэрміновы кантракт з кананірамі за 16 млн фунтаў стэрлінгаў[7]. Пераход адбыўся пасьля таго, як у «Манчэстэр Юнайтэд» прыйшоў калюмбійскі нападнік Радамэль Фалькао, што значна ўзмацніла канкурэнцыю паміж гульцамі нападу ў клюбе.
Міжнародная
рэдагавацьЗа асноўную зборную Ангельшчыны Дэні дэбютаваў 29 сакавіка 2011 году ў таварыскім матчы супраць зборнай Ганы. Першы гол за зборную забіў у пятай гульні ў браму зборнай Бэльгіі.
Дасягненьні
рэдагаваць«Манчэстэр Юнайтэд»:
- Чэмпіён Ангельшчыны: 2013
- Уладальнік Кубка футбольнай лігі: 2009
- Уладальнік Супэркубка Ангельшчыны: 2011, 2013
- Пераможца клюбнага чэмпіянату сьвету: 2008
«Арсэнал»:
- Уладальнік Кубка Ангельшчыны: 2015
Крыніцы
рэдагаваць- ^ а б в Danny Welbeck // Transfermarkt (мн.) — 2000.
- ^ Welbeck hopes to follow Hughes path. Manchester Evening News.
- ^ Papers: Credit to Cole. ManUtd.com
- ^ Manchester United's Brian McClair insists new academy rules are essential to help England catch up with rivals. The Telegraph
- ^ Welbeck set for step up. ManUtd.com.
- ^ Danny Welbeck signs new Manchester United contract. BBC Sport
- ^ Danny Welbeck: Arsenal sign Man Utd forward in £16m deal. BBC Sport.
Вонкавыя спасылкі
рэдагаваць- Профіль на афіцыйным сайце «Манчэстэр Юнайтэд»
- Статыстыка на сайце soccerbase.com