Дымітрыс Сальпінгідыс

Дымітрыс Сальпінгідыс (па-грэцку: Δημήτρης Σαλπιγγίδης; нарадзіўся 18 жніўня 1981 году, Тэсалёнікі, Грэцыя) — грэцкі футбаліст, нападнік нацыянальнай зборнай Грэцыі.

Дымітрыс Сальпінгідыс
Пэрсанальная інфармацыя
Нарадзіўся	18 жніўня 1981 (43 гады) Тэсалёнікі, Грэцыя
Рост	172 см
Вага	77 кг
Пазыцыя	нападнік
Клюбы
Гады	Клюб	Гульні (галы)¹
1999—2006 1999—2000 2000—2002 2006—2010 2010—2015	ПАОК → Лярыса (арэнда) → Каваля (арэнда) Панатынаікос ПАОК	103 (50) 7 (0) 43 (25) 112 (46) 159 (40)
Зборныя
2005—	Грэцыя	82 (13)

Кар’ера

ПАОК

Прафэсійную кар’еру пачаў у 1999 годзе ў клюбе ПАОК, за які хваляваўся зь дзяцінства. У тым жа годзе, для раскрыцьця патэнцыялу й набору вопыту, малады Дымітрыс быў аддадзены клюбам у арэнду ў каманду «Лярыса», а пазьней, у 2000 годзе, гэтак жа на правах арэнды, перайшоў у клюб «Каваля» з аднайменнага грэцкага гораду. У 2002 годзе вярнуўся ў родны ПАОК, у якім гуляў да 2006 году, забіўшы 55 мячоў і стаўшы ў апошнім для сябе сэзоне ў складзе гэтага клюбу лепшым бамбардзірам чэмпіянату Грэцыі.

«Панатынаікос»

16 жніўня 2006 году перайшоў у «Панатынаікос», а ПАОК за ягоны трансфэр ня толькі атрымаў 1,8 млн эўра, але яшчэ й дадаткова трох гульцоў, у выніку, агульная сума ўгоды ацэньваецца ў 5 млн эўра. Ужо праз 4 дні пасьля пераходу, 20 жніўня, у першым жа матчы ў складзе сталічнага клюбу, зрабіў хет-трык, забіўшы тры мячы ў браму клюбу «Эгалео».

Вяртаньне ў ПАОК

Праз чатыры вельмі пасьпяховых сэзоны з «Панатынаікосам» улетку 2010 году Дымітрыс вярнуўся ў ПАОК. 16 чэрвеня 2010 году было афіцыйна абвешчана, што ён падпісаў чатырохгадовы кантракт з клюбам, пасьля таго, як яго скончыўся тэрмін дзеяньня кантракта са сталічным клюбам.

Міжнародныя выступы

У складзе нацыянальнай зборнай Грэцыі гуляе з 2005 году. Удзельнік чэмпіянату Эўропы 2008 году. У лістападзе 2009 году Салпінгідыс забіў адзіны гол у двух стыкавых матчах са зборнай Украіны за права выхаду на чэмпіянат сьвету 2010 году, дзякуючы чаму зборная Грэцыі ў другі раз у сваёй гісторыі прабілася на чэмпіянат сьвету.

Дасягненьні

ПАОК

• Уладальнік Кубка Грэцыі: 2004

Панатынаікос

• Чэмпіён Грэцыі: 2010
• Уладальнік Кубка Грэцыі: 2010

Вонкавыя спасылкі

Дымітрыс Сальпінгідыс — сховішча мультымэдыйных матэрыялаў

• Профіль на сайце transfermarkt.de
• Профіль на сайце sports.ru