16 чэрвеня

16 чэ́рвеня — 167-ы дзень году (168-ы ў высакосным годзе) паводле Грыгарыянскага календару. Да канца году застаецца 198 дзён.

Падзеі

• 1633 — суд інквізыцыі вынес рашэньне аб пакараньні Галілео Галілея за ерась
• 1664 — Трынаццацігадовая вайна: войска Вялікага Княства Літоўскага пад камандаю гетмана Міхала Казімера Паца перамагло маскавітаў пад Віцебскам
• 1792 — кароль і вялікі князь Станіслаў Аўгуст Панятоўскі пацьвердзіў Астрыне мескі герб
• 1893 — у Вільні арыштаваны і адпраўлены ў Пецярбурскае губэрнскае жандарскае ўпраўленьне Адам Гурыновіч
• 1903 — у ЗША зарэгістравалі гандлёвую марку «Пэпсі-кола»
• 1903 — пачалася першая арктычная экспэдыцыя Руаля Амундсэна
• 1904 — у Дубліне адбылося першае спатканьне будучага ірляндзкага пісьменьніка Джэймса Джойса і Норы Барнакл, якая пазьней стала ягонай жонкай. Менавіта гэты дзень Джойс абраў часам дзеяньня свайго раману «Уліс», які выйшаў у Парыжы ў 1922 годзе
• 1925 — заснаваньне «Артэка» ў Крыме, найбольш славутага піянэрскага лягеру СССР
• 1931 — у Вільні празь перасьлед польскіх уладаў застрэліўся Францішак Рамейка, беларускі каталіцкі сьвятар
• 1944 — Ісьляндыя прыняла Канстытуцыю
• 1963 — першы палёт жанчыны ў космас, зьдзейсьнены Валянцінай Церашковай
• 1977 — пачатак будаваньня Менскага метрапалітэну (закладзеная першая паля ў грунт будучай станцыі «Парк Чалюскінцаў»)
• 1983 — папа рымскі Ян Павал II прыбыў з афіцыйным візытам у Польшчу, дзе сустрэўся з кіраўніком краіны Войцехам Ярузэльскім і лідэрам «Салідарнасьці» Лехам Валэнсам
• 1993 — Вярхоўны Савет Рэспублікі Беларусь прыняў Закон «Аб праве ўласнасьці на зямлю»
• 2006 — Адкрыўся для карыстальнікаў новы будынак Нацыянальнай бібліятэкі Беларусі

Нараджэньні

• 1313 — Джавані Бакачча, італьянскі паэт
• 1827 — Пятро Бяссонаў, беларускі гісторык, фальклярыст
• 1832 — Мікалай Турбін, беларускі і расейскі археоляг
• 1834 — Аляксандар Ельскі, беларускі літаратар, гісторык
• 1836 — Міхал Цюндзявіцкі, жаўнер, які служыў ў расейскай арміі і падчас паўстаньня 1863—1864 гадоў быў пакараны сьмерцю за агітацыю
• 1875 — Кастусь Галкоўскі, беларускі кампазытар
• 1889 — Уладзімер Каліноўскі, беларускі грамадзка-палітычны дзеяч, пасол польскага Сойму
• 1897 — Аляксандар Шлюбскі, беларускі этнограф, фальклярыст і бібліёграф
• 1911 — Дзьмітры Лукас, беларускі кампазытар
• 1937 — Эрык Сыгал, амэрыканскі пісьменьнік і сцэнарыст, аўтар аповесьці аповесьці «Гісторыя каханьня»
• 1938 — Павал Марыеў, беларускі палітык
• 1941 — Олдрыч Эймс, афіцэр ЦРУ, савецкі шпіён
• 1954 — Сяргей Курохін, расейскі музыкант-авангардыст, кампазытар, рок-піяніст, мастак і рэжысэр
• 1955 — Анатоль Чубайс, расейскі палітык
• 1957 — Ігар Жук, беларускі літаратуразнавец, доктар філялягічных навук, прафэсар
• 1966 — Юлія Латыніна, расейская журналістка, пісьменьніца
• 1970 — Вячаслаў Ганчарэнка, беларускі пратэстанцкі дзяяч

Сьмерці

• 1928 — Эдвард Вайніловіч, беларускі й польскі палітычны і грамадзкі дзеяч, абшарнік, фундатар касьцёлу сьвятых Сымона й Алены ў Менску
• 1931 — Францішак Рамейка, беларускі каталіцкі сьвятар, грамадзкі дзяяч
• 1937 — Аляксандар Чарвякоў, дзяржаўны дзяяч БССР
• 1944 — Ян Піўнік «Пануры», польскі партызан
• 1954 — Барыс Мікуліч, беларускі пісьменьнік
• 1955 — Васіль Рагуля, беларускі грамадзка-палітычны дзяяч
• 1994 — Пётар Навасад, беларускі сьпявак, заслужаны артыст Беларусі
• 2000 — Іван Трухан, дэкан геаграфічнага факультэта БДУ, рэктар БДІНГ у 1962—1965
• 2009 — Мацей Франкевіч, палітык, дзяяч самакіраваньня і спорту, віцэ-прэзыдэнт Познані
• 2021 — Андрэй Плясанаў, беларускі мастак-авангардыст, музыка і кінарэжысэр

Сьвяты

• Дзень Блюма ў Ірляндыі

16 чэрвеня — сховішча мультымэдыйных матэрыялаў