Зборная Гішпаніі па футболе

Збо́рная Гішпа́ніі па футбо́ле — прадстаўляе Гішпанію на міжнародных матчах і турнірах па футболе. Кіруецца і кантралюецца Фэдэрацыяй футболу Гішпаніі. Чэмпіёны сьвету і Эўропы пасьля перамогаў на чэмпіянаце сьвету — 2010 і чэмпіянаце Эўропы — 2012.

Гішпанія
Фэдэрацыя	Фэдэрацыя футболу Гішпаніі
Канфэдэрацыя	УЭФА
Трэнэр	Люіс дэ ля Фуэнтэ[d]
Капітан	Альвара Марата
Найбольш гульняў	Ікер Касыльяс (167)
Найлепшы бамбардзір	Давід Вільля (59)
Першая гульня
Гішпанія 1:0 Данія (Антвэрпэн, Бэльгія; 28 жніўня 1920)
Самая буйная перамога
Гішпанія 13:0 Баўгарыя (Мадрыд, Гішпанія; 21 траўня 1933)
Самая буйная параза
Італія 7:1 Гішпанія (Амстэрдам, Нідэрлянды; 4 чэрвеня 1928) Ангельшчына 7:1 Гішпанія (Лёндан, Ангельшчына; 9 сьнежня 1931)
Чэмпіянат сьвету
Удзел	15 (упершыню: 1934)
Дасягненьні	Чэмпіёны (2010)
Чэмпіянат Эўропы
Удзел	10 (упершыню: 1964)
Дасягненьні	Чэмпіёны (1964, 2008, 2012)
Асноўная форма Рэзэрвовая форма

Алімпійскія ўзнагароды
футбол
Золата	1992
Срэбра	1920
Срэбра	2000

Спартовыя ўзнагароды
Чэмпіянаты Эўропы па футболе
Золата	Гішпанія-1964
Срэбра	Францыя-1984
Золата	Аўстрыя/Швайцарыя-2008
Золата	Польшча/Украіна-2012

Гісторыя

Гішпанская футбольная ліга адна з наймацнейшых у сьвеце. У ёй прымаюць удзел такія знакамітыя клюбы, як «Рэал Мадрыд», «Барсэлёна», «Атлетыка Мадрыд», «Валенсія» і іншыя. У Гішпаніі гуляюць шматлікія зоркі сусьветнага футболу, дзякуючы якім найлепшыя клюбы краіны дамінуюць у эўрапейскіх клюбных турнірах.

У той жа час, гішпанскім гульцам вельмі цяжка прабіцца ў асноўны склад сваіх клюбаў, што дрэнна адбіваецца на гульні зборнай Гішпаніі. Акрамя таго жыхары каралеўства гістарычна разрозьнены на лягеры, якія паміж сабой варагуюць, што таксама зьяўляецца нэгатыўным фактарам для баявога духу футбалістаў зборнай і заўзятараў. Некаторыя гульцы адмаўляюцца выступаць за зборную Гішпаніі, шматлікія фаны не наведваюць матчы зборнай, аддаючы перавагу заўзець толькі за свае лякальныя клюбы.

Улічваючы сілу гішпанскай лігі і прысутны патэнцыял гульцоў, юнацкія і моладзевыя зборныя краіны выступаюць вельмі пасьпяхова, становячыся чэмпіёнамі сьвету і Эўропы, зборная Гішпаніі традыцыйна належыць да наймацнейшых камандаў Эўропы і выступае ў ролі фаварыта на буйных першынствах.

Характарыстыка

Стыль гульні зборнай: цьвёрды, атакавалы, гульня ў кароткі і доўгі пас. Слабое месца каманды — нядосыць стабільная абарона, у нападзе гішпанцам не заўсёды хапае імпульсіўнасьці і прабіўной моцы. Гішпанцы неаднаразова і зь пераменным посьпехам былі ўдзельнікамі пасьляматчавых пэнальці.

Статыстыка выступаў на ЧС

Чэмпіёны	2010
4 месца	1950
1/4	1934, 1986, 1994, 2002
1/8	1990, 2006, 2018
2-і круг	1982
групавы этап	1962, 1966, 1978, 1998, 2014

Статыстыка выступаў на ЧЭ

Чэмпіён Эўропы	1964, 2008, 2012
Віцэ-чэмпіён	1984
1/4	1996, 2000
1/8	2016
падгрупа	1988, 2004

Вонкавыя спасылкі

Зборная Гішпаніі па футболе — сховішча мультымэдыйных матэрыялаў