Франсэск Фабрэгас
Франсэ́ск «Сэск» Фа́брэгас Суле́р (па-каталянску: Francesc «Cesc» Fàbregas Soler; нарадзіўся 4 траўня 1987 году, Арэньс-дэ-Мар, Гішпанія) — колішні гішпанскі футбаліст, паўабаронца. Цяпер працуе трэнэрам. Мае на сваім рахунку матчы ў складзе нацыянальнай зборнай Гішпаніі.
| Франсэск Фабрэгас | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 4 траўня 1987[1][2][3] (37 гадоў) | |
| Рост | 179 см[4] | |
| Вага | 76,5 кг[4] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003—2011 2011—2014 2014—2019 2019—2022 2022—2023 |
Арсэнал Барсэлёна Чэлсі Манака Кома |
212 (35) 96 (28) 138 (15) 54 (3) 17 (0) |
| Зборныя | ||
| 2006—2016 | Гішпанія | 110 (15) |
| Трэнэрскія клюбы | ||
| 2024— | Кома | |
Кар’ера
рэдагаваць«Арсэнал»
рэдагавацьУ «Арсэнал» прыйшоў у 2003 годзе, да гэтага выступаў за другую і трэцюю каманды «Барсэлёны». Лічыўся адным з самых пэрспэктыўных паўабаронцаў сьвету. Пасьля сыходу з «Арсэналу» капітана каманды, француза Патрыка Віера ў «Ювэнтус», стаў асноўным цэнтральным паўабаронцам, а пасьля канфлікту Вільяма Галяса з Арсэнам Вэнгерам атрымаў капітанскую павязку, стаўшы адным з самых маладых капітанаў у гісторыі клюбу.
«Барсэлёна»
рэдагавацьГішпанскія СМІ пачалі паведамляць пра ягоны пераход у каталёнскі клюб, як толькі Сэск раскрыўся ў «Арсэнале». Паралельна гульцы «Барсэлёны» рэгулярна праз СМІ заклікалі яго далучыцца да іх. Пры кожным адкрыцьці трансфэрнага вакна ў прэсе зьяўляліся чуткі, што Сэск прыняў рашэньне сысьці й нават неафіцыйна ўзгадніў асабісты кантракт, аднак гэтыя чуткі тут жа аспрэчваліся. Вялікі фурор выклікала заява Сэска, зробленае ў траўні 2010 году. Ён сказаў, што не прымаў рашэньне пакінуць «Арсэнал», але гуляць за «Барсэлёну» зьяўляецца марай, і калі ён калі-небудзь пакіне Лёндан, толькі дзеля каталёнцаў. Сваю першую афіцыйную прапанову «Барсэлёна» зрабіла ўлетку 2010 году, нягледзячы на тое, што незадоўга да гэтага «Арсэнал» заявіў, што ня будзе ўступаць ні ў якія перамовы з нагоды продажу Фабрэгаса. Прапанова тут жа было адхілена. Пазьней «Барсэлёна» нязначна павялічыла прапанаваную суму, аднак гэта нічога не дало. Прадстаўнікі «Барсэлёны» адкрыта праз прэсу запрашалі Сэска зрабіць усё, каб клюб прадаў яго. Вэнгер увесь гэты час неаднаразова заяўляў, што Сэск зьяўляецца ключавым гульцом каманды, таму прадаваць Фабрэгаса ён не плянуе.
Аднак улетку 2011 году сытуацыя дасягнула ўскрайняй кропкі. Сэск больш не абвяргаў жаданьня далучыцца да каталёнскага клюбу ўжо цяпер. Але перамовы выйшлі доўгімі й цяжкімі з-за нежаданьня «Барсэлёны» плаціць вялікія грошы за гульца, якога гішпанцы называлі сваім выхаванцам. 14 жніўня афіцыйны сайт «Арсэналу» абвесьціў, што была дасягнутая дамоўленасьць на пераход Сэска ў каталёнскі клюб. 15 жніўня 2011 году быў прэзэнтаваны ў якасьці новага гульца «Барсэлёны».
«Чэлсі»
рэдагаваць12 чэрвеня 2014 году Сэск склаў дамову з ангельскім клюбам «Чэлсі» на пяць гадоў[5]. Паводле зьвестак сумма трансфэру склала 30 млн фунтаў стэрлінгаў[6]. Такім чынам былы капітан «Арсэналу» парушыў сваё абяцаньне не выступаць за аніякі ангельскі клюб акрамя «Арсэналу»[7].
Міжнародная кар’ера
рэдагавацьЗ 2006 году гуляе за зборную Гішпаніі, удзельнік чэмпіянату сьвету 2006 году. Пераможца чэмпіянату Эўропы 2008 і 2012 гадоў, а таксама чэмпіянату сьвету 2010 году.
Дасягненьні
рэдагаваць«Арсэнал»:
- Уладальнік Кубка Ангельшчыны: 2005
- Уладальнік Супэркубка Ангельшчыны: 2004
«Барсэлёна»:
- Чэмпіён Гішпаніі: 2013
- Уладальнік Кубка Гішпаніі: 2012
- Уладальнік Супэркубка Гішпаніі: 2011, 2013
- Уладальнік Супэркубка Эўропы: 2011
- Уладальнік клюбнага чэмпіянату сьвету: 2011
«Чэлсі»:
- Чэмпіён Ангельшчыны: 2015, 2017
- Уладальнік Кубка Ангельшчыны: 2018
- Уладальнік Кубка футбольнай лігі: 2015
Гішпанія:
- Чэмпіён сьвету: 2010
- Чэмпіён Эўропы: 2008, 2012
Крыніцы
рэдагаваць- ^ а б в Cesc Fàbregas // Transfermarkt (мн.) — 2000.
- ^ а б в FABREGAS francesc // Argentine Soccer Database (гішп.)
- ^ а б в Francesc Fábregas Soler // As (гішп.) — Madrid: PRISA, 1967. — ISSN 1888-6671
- ^ а б в г https://www.chelseafc.com/en/teams/first-team/cesc-fabregas
- ^ Fabregas signs for Chelsea. Chelsea FC.
- ^ Cesc Fabregas: Chelsea sign ex-Arsenal midfielder from Barcelona. BBC Sport.
- ^ Arsenal captain Cesc Fabregas: I will never sign for another English club like Fernando Torres. The Telegraph.
Вонкавыя спасылкі
рэдагаваць- Афіцыйны сайт
- Профіль на афіцыйным сайце «Барсэлёны»
- Профіль на transfermarkt.co.uk