Лярс Бэндэр

Лярс Бэндэр (па-нямецку: Lars Bender; нарадзіўся 27 красавіка 1989 году, Розэнгайм, ФРН) — нямецкі футбаліст, які выступае за клюб «Баер» зь Левэркузэну й нацыянальную зборную Нямеччыны. Гуляе на пазыцыі паўабаронцы.

Лярс Бэндэр
Пэрсанальная інфармацыя
Нарадзіўся	27 красавіка 1989(1989-04-27) (32 гады) Розэнгайм, Баварыя, Заходняя Нямеччына
Рост	185 см
Вага	70 кг
Пазыцыя	паўабаронца
Клюбная інфармацыя
Клюб	Баер
Нумар	8
Клюбы
Гады	Клюб	Гульні (галы)¹
2006—2009 2009—	Мюнхэн-1860 Баер	58 (4) 241 (21)
Зборныя
2011—	Нямеччына	19 (4)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 15 лютага 2020. ² Колькасьць гульняў і галоў за нацыянальную зборную ў афіцыйных матчах, адкарэктавана на 18 лістапада 2014.

Кар’ера

Клюбная кар’ера

Лярс нарадзіўся ў баварскім горадзе Розэнгайме. Разам са сваім братам-блізьнюком Свэнам займацца пачаў у футбольнай школе Бранэнбургу, адкуль пайшоў на павышэньне ў школу клюбу «Унтэргахінг». У 2003 годзе таленавітых юнакоў заўважылі ў другім па значнасьці клюбе Мюнхэну, у «Мюнхэн-1860». Разам з братам яны адразу ж зайгралі й склалі магутны кулак у сярэдняй лініі поля.

У 2009 годзе перайшоў у клюб «Баер», склаўшы з клюбаў трохгадовую дамову.

Міжнародная кар’ера

Гуляў у юнацкіх зборных Нямеччыны розных узростаў. У 2008 годзе стаў чэмпіёнам Эўропы сярод юнакоў да 19 гадоў. У верасьні 2011 году дэбютаваў у складзе зборнай Нямеччыны ў таварыскай гульні супраць зборнай Польшчы.

Дасягненьні

Нямеччына: Срэбны прызэр летніх Алімпійскіх гульняў 2016 году.

Сям’я

Мае брата-блізьнюка Свэна Бэндэра, таксама гульца клюбу «Баер».

Вонкавыя спасылкі

Лярс Бэндэр — сховішча мультымэдыйных матэрыялаў

• Профіль на сайце Transfermarkt.de.
• Профіль на сайце Fussballdaten.de.