Давід Сыльва
Давід Хасуэ Хімэнэс Сыльва (па-гішпанску: David Josué Jiménez Silva; нарадзіўся 8 студзеня 1986 году, Аргінэгін, Канарскія астравы, Гішпанія) — гішпанскі футбаліст, паўабаронца клюбу «Рэал Сасьедад» і нацыянальнай зборнай Гішпаніі. Чэмпіён сьвету 2010 году й чэмпіён Эўропы 2008 і 2012 гадоў ў складзе нацыянальнай каманды. Давід зьяўляецца унівэрсальным гульцом, які здольны гуляць на абодвух флянгах і ў цэнтры паўабароны. Адной з галоўных якасьцяў Сыльвы лічыцца ўмелая арганізацыя каманднай гульні. Давід выдатна бачыць поле, валодае добрым «апошнім» пасам, пастаўленым ударам, якім, праўда, карыстаецца зрэдку.
| Давід Сыльва | ||
| ||
| Пэрсанальная інфармацыя | ||
|---|---|---|
| Нарадзіўся | 8 студзеня 1986[1][2] (37 гадоў) | |
| Рост | 170 см | |
| Вага | 67 кг | |
| Пазыцыя | флангавы паўабаронца | |
| Клюбная інфармацыя | ||
| Клюб | Рэал Сасьедад | |
| Нумар | 21 | |
| Клюбы | ||
| Гады | Клюб | Гульні (галы)¹ |
| 2003—2004 2004—2010 2004—2005 2005—2006 2010—2020 2020— |
Валенсія Мэстальля Валенсія → Эйбар (арэнда) → Сэльта (арэнда) Манчэстэр Сіці Рэал Сасьедад |
0 (0) 119 (21) 0 (0) 34 (4) 309 (60) 61 (5) |
| Зборныя | ||
| 2006— | Гішпанія | 125 (37) |
|
¹ Колькасьць гульняў і галоў за прафэсійны клюб лічыцца толькі | ||
Кар’ераРэдагаваць
КлюбнаяРэдагаваць
Кар’ера Давіда пачалася ў «Эйбары», куды ён перайшоў на правах арэнды з «Валенсіі», забіўшы за сэзон 5 галоў. У сэзоне 2005—2006 гадоў Сыльва быў аддадзены ў арэнду ў «Сэльту», дзе згуляўшы 34 матчы й забіўшы 4 галы, зарэкамендаваў сябе як будучая зорка. 21 чэрвеня 2007 году Сыльва падоўжыў кантракт з «Валенсіяй» на сем гадоў.
30 чэрвеня 2010 году было абвешчана аб пераходзе Давіда ў «Манчэстэр Сіці». Сума трансфэру склала 28,5 мільёнаў эўра, а кантракт зь «мяшчанамі» быў разлічаны на 5 гадоў[3]. У новым клюбе Сыльва раскрыўся па новаму, на пару з Тэвэсам, гішпанец быў прызнаны спэцыялістамі адным з самых грозных гульцоў у лізе. У сэзоне 2011—2012 гадоў не зважаючы на тое, што да клюбу далучыліся такія майстры, як то Сэрхіё Агуэра й Самір Насры, Давід ня толькі не згубіўся ў іхнай зорнай кампаніі, але й стаў вылучацца на іх фоне.
МіжнароднаяРэдагаваць
Давід дэбютаваў у нацыянальнай зборнай Гішпаніі ў таварыскім матчы супраць зборнай Румыніі 15 лістапада 2006 году. Ён таксама згуляў у пераможным матчы супраць зборнай Ангельшчыны. Паказаўшы добрую гульню ў першых матчах, Сыльва захаваў месца ў зборнай. У таварыскім матчы супраць зборнай Грэцыі 22 жніўня 2007 году, які завяршыўся перамогай гішпанцаў зь лікам 3:2, Сыльва забіў 2 галы. Давід браў удзел у трыюмфальным для гішпанскай зборнай чэмпіянаце Эўропы 2008 году, у паўфінальным матчы супраць зборнай Расеі, якая скончылася зь лікам 3:0 на карысьць пірэнэйцаў, гулец забіў трэці гол на 82-й хвіліне.
ДасягненьніРэдагаваць
«Валенсія»:
- Уладальнік Кубка Гішпаніі: 2008
«Манчэстэр Сіці»:
- Чэмпіён Ангельшчыны: 2012, 2014, 2018, 2019
- Уладальнік Кубка Ангельшчыны: 2011, 2019
- Уладальнік Кубка ангельскае лігі: 2014, 2016, 2018, 2019, 2020
- Уладальнік Супэркубка Ангельшчыны: 2012, 2018, 2019
«Рэал Сасьедад»:
- Уладальнік Кубка Гішпаніі: 2020
Гішпанія
- Чэмпіён сьвету: 2010
- Чэмпіён Эўропы (2): 2008, 2012
КрыніцыРэдагаваць
- ^ а б DAVID SILVA jimenez // Argentine Soccer Database (гішп.)
- ^ а б David Silva // FBref.com (мн.)
- ^ Официально: Давид Сильва подписал контракт с Манчестер Сити. footbolla.net.ru
Вонкавыя спасылкіРэдагаваць
- Афіцыйны сайт
- Профіль на афіцыйным сайце «Манчэстэр Сіці»
- Профіль на Goal.com
- Статыстыка на National Football Teams
- Профіль(анг.) на Transfermarkt
- Профіль(анг.) на Soccerway
- Профіль(анг.) на Worldfootball