Глен Джонсан

Глен Маклеад Купэр Джонсан (па-ангельску: Glen McLeod Cooper Johnson; нарадзіўся 23 жніўня 1984 году, Лёндан, Ангельшчына) — былы ангельскі футбаліст, абаронца. Мае выступы за нацыянальную зборную Ангельшчыны. Выступае на пазыцыі правага крайняга абаронцы, таксама можа згуляць на левым флянзе й у паўабароне.

Глен Джонсан
Пэрсанальная інфармацыя
Нарадзіўся	23 жніўня 1984 (40 гадоў) Лёндан, Ангельшчына
Рост	182 см
Вага	70 кг
Пазыцыя	абаронца
Моладзевыя клюбы
2000—2001	Ўэст Гэм Юнайтэд
Клюбы
Гады	Клюб	Гульні (галы)¹
2001—2003 2002 2003—2007 2006—2007 2007—2009 2009—2015 2015—2018	Ўэст Гэм Юнайтэд → Мілўол (арэнда) Чэлсі → Портсмут (арэнда) Портсмут Лівэрпул Сток Сіці	15 (0) 8 (0) 41 (3) 26 (0) 58 (4) 160 (8) 57 (0)
Зборныя
2003—2014	Ангельшчына	54 (1)

Кар’ера

«Ўэст Гэм Юнайтэд»

Выпускнік акадэміі «Ўэст Гэм Юнайтэд» падпісаў свой ​​першы кантракт летам 2001 году, і быў уключаны ў заяўку пад нумарам 23. Сэзон 2001—2002 гадоў правёў у рэзэрвовай камандзе, так і не прабіўшыся ў аснову. Восеньню 2002 году Джонсан адправіўся ў арэнду да лютага ворагу малатабойцаў, «Мілўолу», за які згуляў 8 матчаў. Дэбют ў Прэм’ер-Лізе адбыўся 22 студзеня 2003 году, калі «Ўэст Гэм Юнайтэд» саступіў «Чарлтану».

«Чэлсі»

Джонсан прыйшоў у клюб амаль адначасова з новым уладальнікам клюбу, Раманам Абрамовічам, які выклаў за яго 6 мільёнаў фунтаў. Глен дэбютаваў за «сініх» у кваліфікацыі Лігі чэмпіёнаў, у першым матчы супраць славацкай «Жыліны», у матчы ў адказ забіў свой ​​першы гол за «Чэлсі».

«Портсмут»

У апошні дзень лета 2007 году Джонсан падпісаў чатырохгадовы кантракт з «Портсмутам». Як лічыцца, трансфэр склаў 4 мільёны фунтаў.

«Лівэрпул»

13 чэрвеня кіраўніцтва «Портсмута» пацьвердзіла, што Джонсан, мабыць, пяройдзе ў клюб узроўнем вышэй, то бок у «Чэлсі», «Лівэрпул» ці «Манчэстэр Сіці». 16 чэрвеня «Портсмут» узгадніў пераход зь «Лівэрпулам», а 18 чэрвеня — з «Чэлсі», выбар пакінулі за гульцом. 22 чэрвеня «Лівэрпул» паведаміў, што заключыў кантракт з Джонсанам. Як лічыцца, трансфэр склаў 17 мільёнаў фунтаў, 7 зь якіх «Портсмут» быў павінен за Пітэра Краўча.

Міжнародная кар’ера

Джонсан быў выкліканы ў зборную Ангельшчыны й дэбютаваў у ёй 18 лістапада 2003 году, замяніўшы ў матчы з датчанамі Гэры Нэвіла.

Дасягненьні

Чэлсі

• Чэмпіён Ангельшчыны: 2005
• Уладальнік Кубка Футбольнай лігі: 2005

Портсмут

• Уладальнік Кубка Ангельшчыны: 2008

Лівэрпул

• Уладальнік Кубка Футбольнай лігі: 2012

Вонкавыя спасылкі

Глен Джонсан — сховішча мультымэдыйных матэрыялаў

• Профіль на афіцыйным сайце «Лівэрпулу»