Гісторыя Нясьвіжу

Нясьвіж — даўняя рэзыдэнцыя магнацкага роду Радзівілаў, магдэбурскае места гістарычнай Наваградчыны. Да нашага часу тут захаваліся выдатныя помнікі дойлідзтва, у тым ліку палацава-замкавы комплекс Радзівілаў, улучаны ў Сьпіс сусьветнай спадчыны ЮНЭСКО, і Фарны касьцёл — першы ў колішняй Рэчы Паспалітай і другі ў Эўропе твор архітэктуры стылю барока. Сярод тутэйшых славутасьцяў вылучаліся палац Альба, рэнэсансавы калегіюм езуітаў і барокавы касьцёл Сьвятога Крыжа пры кляштары бэнэдыктынаў, зруйнаваныя расейскімі ўладамі, а таксама барокавыя касьцёл Сьвятога Яна пры кляштары дамініканаў, касьцёл Сьвятой Кацярыны пры кляштары бэрнардынаў і капліца Сьвятога Ізыдора, зруйнаваныя савецкімі ўладамі. Большую частку нясьвіскіх збораў Радзівілаў (ювэлірныя вырабы, скульптура, творы малярства, кнігі і інш.) у канцы XVIII — XIX стагодзьдзі разрабавалі і вывезьлі ў Расею, у 1950 годзе савецкія ўлады падаравалі Польшчы абсалютную большасьць партрэтаў (63 адзінкі) зь Нясьвіскай галерэі.

Краявіды места, 1883 год

Гравюра Т. Макоўскага, 1604 год

Акварэль Ю. Пешкі, пачатак XIX стагодзьдзя

Панарама з боку замка, 1882 год

Агульны выгляд паводле Н. Орды

Вялікае Княства Літоўскае

Касьцёл і кляштар бэрнардынаў

Згодна з сучаснымі энцыкляпэдычнымі даведнікамі першы пісьмовы ўпамін пра Нясьвіж датуецца 1446 годам, калі вялікі князь Казімер перадаў яго Мікалаю Яну Неміровічу. Тым часам традыцыйна адлік гісторыі места вядзецца ад 1223 году — паведамленьня пра князя Юрыя Нясьвіскага, які браў удзел у бітве на Калцы. Магчыма, ягонымі нашчадкамі былі князі нясьвіскія Рыгор і Іван, згаданыя ў 1388 годзе. Аднак факт існаваньня самога паселішча ў гэты час не пацьвярджаецца археалягічнымі зьвесткамі.

Калегіюм езуітаў

З 1492 году Нясьвіжам валодаў род Кішкаў. У 1513 годзе дачка гетмана вялікага Станіслава Кішкі — Ганна — пабралася шлюбам зь Янам Радзівілам «Барадатым». У 1533 годзе места канчаткова перайшло ў валоданьне Радзівілаў, якія збудавалі тут драўляны замак.

Альтанка ў Альбе

У XVI стагодзьдзі Нясьвіж быў адным з галоўных цэнтраў Рэфармацыі (кальвінізму) у Вялікім Княстве Літоўскім. Імёны дзеячоў таго часу, што жылі тут, набылі шырокую вядомасьць — Сымон Будны, Лаўрэн Крышкоўскі, Мацей Кавячынскі, Салямон Рысінскі, Даніла Набароўскі і інш. пісьменьнікі, паэты, філёзафы. У 1547 годзе Мікалай Радзівіл «Чорны» атрымаў тытул князя Сьвятой Рымскай імпэрыі, у выніку чаго места стала цэнтрам княства. У 1562 годзе ён заснаваў тут друкарню, у якой выйшлі першыя на тэрыторыі сучаснай Беларусі кнігі на старабеларускай мове.

Летні палацык Кансаляцыя

7 траўня 1583 году ў Нясьвіжы пачалося будаваньне замка, у 1584 годзе тут заснавалі езуіцкі калегіюм, у 1591 годзе — кляштар бэнэдыктынак. У 1593 годзе завяршылася будоўля касьцёла Божага Цела пры кляштары езуітаў. У 1598 годзе пачаў дзейнічаць кляштар бэрнардынаў.

Панарама места, 1604 год

23 красавіка 1586 году кароль і вялікі князь Стэфан Баторы надаў Нясьвіжу Магдэбурскае права і герб «у правай частцы герба, залатога колеру, палова чорнага арла; у левай — дзесяць касых вырубаў — залатога, блакітнага й чырвонага колераў», а па вяртаньні з вандроўкі ў Сырыю, Палестыну і Эгіпет Мікалай Радзівіл «Сіротка» заснаваў Нясьвіскую ардынацыю.

Кляштар на Анёльскай гары

Да канца XVI стагодзьдзя Радзівілы ператварылі Нясьвіж ў фартэцыю. Места рэарганізавалі паводле заходнеэўрапейскіх прынцыпаў: прастакутны плян з 2 мураванымі брамамі на восі галоўнай вуліцы (пазьней зьявілася яшчэ некалькі брамаў), у цэнтры — прастакутны Рынак з ратушай; места атачалі ўмацаваны вал і роў. За Слуцкай брамай, на супрацьлеглым беразе Вушы ўтварылася прадмесьце Новае Места (у 1626 годзе тут збудавалі езуіцкую капліцу Сьвятога Ізыдора), а ў 1625 годзе на паўночна-заходнім баку ад Старога Места — прадмесьце Казімер.

Камяніца

У 1625 годзе Нясьвіж зьведаў вялізны мор, што паспрыяла адкрыцьцю тут у 1627 годзе аптэкі, у 1651 годзе мор паўтарыўся. У вайну Маскоўскай дзяржавы з Рэччу Паспалітай (1654—1667) двойчы ў 1654 і 1659 гадах места руйнавалі казакі і маскоўскія войскі, аднак замак здолеў вытрымаць аблогі. У 1672 годзе ў Нясьвіжы заснавалі дамініканскі кляштар. На 1673 год у месьце было 366 дымоў. У 1681 годзе кароль і вялікі князь Ян Сабескі сваім прывілеем заснаваў Нясьвіскі кірмаш. За часамі Вялікай Паўночнай вайны (1700—1721) у 1706 годзе места разрабавалі швэдзкія войскі.

Слуцкая брама, 1863 год

Адбудова Нясьвіжу вялася ў 1720-я, калі вакол муроў узьвялі новыя валы. У 1724 годзе Радзівілы ўтварылі ў замку капэлу, а ў 1740 годзе з ініцыятывы Ф. У. Радзівіл, пачаў дзейнічаць прыдворны тэатар. У 1740-я М. К. Радзівіл «Рыбанька» заклаў мануфактуру шаўковых паясоў (пазьней пераведзеная ў Слуцак), у 1747 годзе — кадэцкі корпус, а ў 1752 годзе — дывановую і суконную мануфактуры. У прадмесьці Альба, дзе з канца XVI стагодзьдзя знаходзілася замеская рэзыдэнцыя, Радзівілы ўзьвялі мураваны палац «Эрмітаж», іншыя пабудовы, уладкавалі набярэжныя каналаў.

Ратуша, 1820-я

У XVIІІ стагодзьдзі Нясьвіж быў значным культурным цэнтрам, тут дзейнічалі кадэцкі корпус для прыватнага войска Радзівілаў і школа флёцкіх афіцэраў (у Альбе), балетная і музычная школы, капэла і тэатар Радзівілаў. У 1750—1791 гадах у месьце працавала друкарня, дзе выдаваліся падручнікі і мастацкія творы на польскай і лацінскай мовах. У 1755 годзе ў парку «Альба» збудавалі летні палац пад назвай «Кансаляцыя».

Фарны касьцёл, 1882 год

Двойчы ў 1764 і 1768 гадах расейскія войскі акупавалі Нясьвіж у выніку палітычнага супрацьстаяньня Кацярыны II ды Караля Станіслава Радзівіла. А ў 1772 годзе расейскія акупанты канфіскавалі гістарычныя і мастацкія каштоўнасьці замка, бібліятэку (10 тыс. кніжак) вывезьлі ў Пецярбург і разьмеркавалі ў Акадэмію навук. У 1773 годзе з утварэньнем Адукацыйнай камісіі ў Нясьвіжы адкрылася павятовая падакруговая школа. У 1792 годзе расейскія войскі зноў акупавалі места.

Пад уладай Расейскай імпэрыі

Касьцёл Сьвятога Крыжа

У выніку другога падзелу Рэчы Паспалітай (1793) Нясьвіж апынуўся ў складзе Расейскай імпэрыі, дзе ў 1795 годзе стаў цэнтрам павету Менскай губэрні (з 1796 году пазаштатнае места Слуцкага павету).

Касьцёл і кляштар дамініканаў

У вайну 1812 году места як уладаньне Дамініка Радзівіла, які з аддзелам дзейнічаў у складзе войскаў Напалеона, занялі царскія войскі. Улады Расейскай імпэрыі канфіскавалі каштоўнасьці замка: калекцыі мэдалёў і манэтаў адправілі ў Харкаўскі ўнівэрсытэт, сакральныя прадметы — у Маскву, іншыя старажытнасьці — у розныя расейскія музэі і зборы. У 1813 годзе зь сьмерцю Д. Радзівіла спынілася ў мужчынскім пакаленьні тутэйшая галіна роду.

Старая сынагога

Па здушэньні вызвольнага паўстаньня ў 1835 годзе расейскія ўлады закрылі дамініканскую школу. У 1875 годзе ў яе будынках адкрылася Нясьвіская настаўніцкая сэмінарыя. Паводле вынікаў перапісу (1897), у Нясьвіжы дзейнічалі 2 каталіцкія касьцёлы, праваслаўная царква, сынагога, 7 юдэйскіх малітоўных дамоў. 21 сьнежня 1906 году адбылася афіцыйнае рэгістрацыя польскага таварыства «Асьвета» ў Нясьвіжы, якое займалася падтрымкай адукацыі на польскай мове; расейскія ўлады зьліквідавалі яго ў 1909 або ў 1910 годзе. У 1909 годзе ў часе выбараў мясцовага самакіраваньня ў мескую раду трапілі 11 рыма-каталікоў (лічыліся палякамі), 3 праваслаўныя (расейцы) і 1 юдэй. У 1917 годзе па скасаваньні забароны польскамоўнай асьветы, у Нясьвіжы зьявілася польская сярэдняя школа. У Першую сусьветную вайну ў лютым — сьнежні 1918 году места займалі нямецкія войскі.

Найноўшы час

Замкавая вежа, 1882 год

25 сакавіка 1918 году згодна з Трэцяй Устаўной граматай Нясьвіж абвяшчаўся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі ён ўвайшоў у склад Беларускай ССР.

Тыповы мяшчанскі дом, 1907 год

14 сакавіка 1919 году выбухнула паўстаньне: жыхары вызвалілі места з-пад савецкай улады; аднак праз 5 дзён бальшавікі здушылі выступленьне, а ягоных арганізатараў расстралялі. 6 жніўня 1919 году Нясьвіж занялі польскія войскі, у ліпені 1920 году — бальшавікі. З кастрычніка 1920 году места знаходзілася пад польскай уладай. Згодна з Рыскай мірнай дамовай (1921) Нясьвіж апынуўся ў складзе міжваеннай Польскай Рэспублікі, дзе стаў цэнтрам павету Наваградзкага ваяводзтва. У гэты час адкрыліся беларуская гімназія, мескі музэй у будынку ратушы, дзе зьберагаліся старажытныя пэргамэнтныя дакумэнты, залатыя ключы ад мескіх брамаў і інш. У кастрычніку 1926 году тут адбылася сустрэча маршала Юзэфа Пілсудзкага з буйнымі зямянамі.

У 1939 годзе Нясьвіж увайшоў у БССР, ад гэтага часу радзівілаўская ардынацыя спыніла сваё існаваньне. У 1940 годзе места стала цэнтрам раёну Баранавіцкай вобласьці. У Другую сусьветную вайну з 28 чэрвеня 1941 да 2—4 ліпеня 1944 году Нясьвіж знаходзіўся пад нямецкай акупацыяй. У 1944 годзе савецкая ўлада пераўтварыла колішні замак Радзівілаў у санаторыю.

У 1993 годзе ўтварыўся гістарычна-культурны музэй-запаведнік «Нясьвіж», у 1995 годзе адкрыўся Нясьвіскі гістарычна-краязнаўчы музэй. У 1996 годзе адбыўся першы фэст камэрнай музыкі «Музы Нясьвіжу». У 1997 годзе ў Нясьвіжы прайшло сьвята — Дзень беларускай пісьменнасьці. У 2006—2011 гадах вялася рэканструкцыя замка Радзівілаў, якую беларускія архітэктары крытыкуюць за недастатковую навуковасьць і прафэсіяналізм, вынікам чаго стаўся разбуральны характар «рэстаўрацыйных» працаў.

Галерэя

Малюнкі Напалеона Орды

• Места на малюнках Напалеона Орды, 1876 год
• 
  Агульны выгляд
• 
  Агульны выгляд
• 
  Касьцёл Сьвятой Яўхіміі і кляштар бэнэдыктынак
• 
  Анёльская гара

• 
  Замак
• 
  Замак
• 
  Замак
• 
  Замак

Замак Радзівілаў

• Замак у мастацтве
• 
  К. Русецкі, 1844
• 
  Ад помніка Яну Непамуку. К. Русецкі, 1844
• 
  Уязная вежа
• 
  Паводле В. Дмахоўскага
• 
  Паводле В. Дмахоўскага
• 
  1862
• 
  1870
• 
  1882
• 
  1882
• 
  1909

• Замак на старых здымках
• 
  1907
• 
  1927
• 
  1927
• 
  1927
• 
  1927
• 
  1927
• 
  да 1939
• 
  да 1939
• 
  да 1939
• 
  да 1939

Пляны і рысункі

• Пляны і рысункі
• 
  Плян места, 1806
• 
  Купал Фарнага касьцёла, 1586
• 
  Калегіюм езуітаў, 1797
• 
  Калегіюм езуітаў, 1804
• 
  Юдэйская малітоўная школа, 1895

Фарны касьцёл

• Касьцёл Божага Цела (Фара)
• 
  1903
• 
  1905
• 
  1907
• 
  1910-я
• 
  1910-я
• 
  да 1918
• 
  1920-я
• 
  1920-я
• 
  1923
• 
  1923
• 
  1927
• 
  да 1939
• 
  да 1939
• 
  да 1939
• 
  да 1939

Ратуша

• Ратуша
• 
  1894
• 
  1900-я
• 
  1906
• 
  1910-я
• 
  1915
• 
  1920-я
• 
  1920-я
• 
  1930-я
• 
  1930-я
• 
  1938
• 
  да 1939
• 
  да 1939

Рынак

• Рынак
• 
  1900-я
• 
  1923
• 
  1930-я
• 
  да 1939
• 
  да 1939
• 
  да 1939
• 
  да 1939
• 
  да 1939

Вуліца Віленская

• Віленская вуліца
• 
  1915
• 
  1915
• 
  1917
• 
  да 1939
• 
  да 1939

Вуліца Студэнцкая

• Студэнцкая вуліца
• 
  1907
• 
  1907
• 
  1907
• 
  1907
• 
  1907
• 
  да 1918
• 
  да 1918
• 
  да 1918
• 
  да 1918
• 
  да 1939

Вуліца Слуцкая

• Слуцкая вуліца
• 
  да 1900
• 
  1900-я
• 
  1903
• 
  1906
• 
  1910-я
• 
  1919
• 
  1920-я
• 
  1929
• 
  1930-я
• 
  1931
• 
  1937
• 
  1938
• 
  1928
• 
  да 1939
• 
  да 1939
• 
  да 1939
• 
  да 1939
• 
  да 1939
• 
  да 1939
• 
  да 1939

Вуліца Бэнэдыктынская або Паненская

• Касьцёл Сьвятой Яўхіміі і кляштар бэнэдыктынак
• 
  1894
• 
  1894
• 
  1900-я
• 
  1907

• 
  1914
• 
  1920-я
• 
  1938
• 
  1938

• 
  да 1939
• 
  да 1939
• 
  да 1939
• 
  да 1939

Вуліца Бэрнардынская або Злотніцкая

• Касьцёл Сьвятой Кацярыны і кляштар бэрнардынаў
• 
  1906
• 
  1907
• 
  1914
• 
  да 1918
• 
  да 1939

Вуліца Дамініканская

• Касьцёл Сьвятога Яна і кляштар дамініканаў
• 
  1900-я
• 
  1906
• 
  1906
• 
  1907
• 
  1907

• 
  1907
• 
  1920-я
• 
  1926
• 
  да 1939
• 
  да 1939

Школьны Двор

• Школьны Двор. Сынагога
• 
  1900-я
• 
  1920-я
• 
  1930-я
• 
  1930-я
• 
  1930-я

• 
  1930-я
• 
  1930-я
• 
  1930-я
• 
  1930-я
• 
  1930-я

Новае Места

• Капліца Сьвятога Ізыдора
• 
  1900-я
• 
  1900-я
• 
  да 1939
• 
  да 1939

Паркі

• Замкавыя паркі
• 
  Помнік Яну Непамуку, 1906
• 
  Помнік Яну Непамуку, 1910-я
• 
  Помнік Яну Непамуку, 1920-я
• 
  Помнік Яну Непамуку, 1930-я
• 
  Помнік Яну Непамуку, 1938

• 
  Алея, да 1918
• 
  Алея, 1927
• 
  Алея, 1928
• 
  Марысін, каля 1910
• 
  Марысін, 1928

Іншае

• Нясьвіж на старых здымках
• 
  Агульны выгляд, 1894
• 
  Авіяздымак, 1927
• 
  Агульны выгляд, 1938
• 
  Беларуская гімназія

• 
  Прадмесьце Міхалішкі. Хедар
• 
  Анёльская гара
• 
  Панарама места зь вежы кляштару бэнэдыктынак, 1894
• 
  Капліца Булгарына

• 
  Рог Мірскай і Сьвержанскай. Пажарнае дэпо
• 
  Фальварак Заазер’я
• 
  Замкавая вежа
• 
  Каплічка

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5
• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
• Цітоў А. Геральдыка Беларускіх местаў / Маст. А. Бажэнаў. — Менск: «Полымя», 1998. — 287 с.: іл. ISBN 985-07-0131-5.
• Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9
• Zaprudnik J. Historical dictionary of Belarus. — Lamham. — London: Scarecrow Press, 1998. — 338 p. ISBN 0-8108-3449-9.
• Słownik geograficzny Królestwa Polskiego i innych krajów słowiańskich. Tom VII: Netrebka — Perepiat. — Warszawa, 1886.