Слуцкая брама

Помнік абарончай архітэктуры
Слуцкая брама
Слуцкая брама
Краіна	Беларусь
Места	Нясьвіж
Каардынаты	53°13′04.67″ пн. ш. 26°41′07.71″ у. д.
Архітэктурны стыль	барокавая архітэктура
Дата заснаваньня	XVI ст.
Статус	Ахоўная зона
Слуцкая брама на мапе Беларусі Слуцкая брама
Слуцкая брама на Вікісховішчы

Слуцкая брама — помнік архітэктуры XVI—XVIII стагодзьдзяў у Нясьвіжы. Знаходзіцца ў пачатку Слуцкай вуліцы, на дамбе паміж Замкавым і Дзявочым ставамі, аддзяляе Старое Места ад Новага. Твор архітэктуры барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Капліца, 1937 г.

Вялікае Княства Літоўскае

Першая мураваная брама будавалася разам з абарончай сыстэмай места ў XVI стагодзьдзі. Назва паходзіць ад Слуцкай дарогі, якая праходзіла праз браму. Будынак пацярпеў у часе ваенных дзеяньняў XVII стагодзьдзя.

У 1690 годзе браму адбудавалі на старым месцы, перабудоўвалася ў 1700 годзе (паводле іншых зьвестак, у 1760 годзе). У гэты час у будынку ўладкавалі капліцу (адноўлена ў 1788 годзе князем Каралем Станіславам Радзівілам «Пане Каханку»).

Пад уладай Расейскай імпэрыі

Па другім падзеле Рэчы Паспалітай (1793 год), каля Нясьвіж апынуўся ў складзе Расейскай імпэрыі, надбрамная капліца працягвала дзейнічаць. Аднак па здушэньні нацыянальна-вызвольнага паўстаньня (1863—1864) расейскія ўлады гвалтоўна яе зачынілі (адноўлена толькі ў 1900 годзе).

Найноўшы час

У 1970-я гады браму адрэстаўравалі.

Архітэктура

Помнік архітэктуры барока. Гэта мураваны 2-ярусны прастакутны ў пляне будынак пад 2-схільным дахам з аркавым праездам у цэнтры. Сьцены ўмацоўваюць контрфорсы. Галоўны і процілеглы (тыльны) фасады завяршаюцца плястычнымі франтонамі з крывалінейнымі абрысамі.

На першым ярусе брамы былі памяшканьні для варты, на другім — капліца, якая раскрывалася празь вялікі аконны праём з бальконам у бок места.

У капліцы захоўваўся шанаваны абраз Найсьвяцейшай Панны Марыі зь дзіцем Езусам у багатым срэбраным абкладзе.

Галерэя

Гістарычная графіка

• Старая графіка
• 
  Ю. Пешка, каля 1800 г.
• 
  Д. Струкаў, 1863 г.
• 
  Н. Орда, 29 ліпеня 1876 г.
• 
  1883 г.

Гістарычныя здымкі

• Старыя здымкі
• 
  Т. Барэці, 1894 г.
• 
  1903 г.
• 
  1906—1917 гг.
• 
  К. Горскі, 1908 г.

• 
  Я. Булгак, 1912—1914 гг.
• 
  1915—1917 гг.
• 
  да 1918 г.
• 
  А. Віслоцкі, 1923 г.

• 
  1923—1934 гг.
• 
  1923—1934 гг.
• 
  1929 г.
• 
  1937 г.

• 
  ліпеня 1937 г.
• 
  да 1939 г.
• 
  да 1939 г.
• 
  да 1939 г.

Сучасныя здымкі

• Сучасны стан
• 
  Агульны выгляд
• 
  Выгляд збоку
• 
  Узімку
• 
  Старажытная дошка

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Памяць: Гіст.-дакум. хроніка Нясьвіжскага р-на. — Мн.: БелЭн, 2001. — 628, [1] с. ISBN 985-11-0206-7.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  611Г000476

• Слуцкая брама , Radzima.org