Анатоль Цітоў

Анатоль Кірылавіч Цітоў (нар. 27 лістапада 1947, Дрэздэн, Нямеччына) — беларускі гісторык, геральдык, сфрагіст.

Зьмест

Біяграфія

Скончыў БДУ (1975). З 1975 навуковы супрацоўнік, старэйшы палеограф Цэнтральнага дзяржаўнага гістарычнага архіву БССР ў Мінску. З 1983 выкладаў у Менскім інстытуце культуры, з 1994 старэйшы навуковы супрацоўнік Беларускага навуковага-дасьледчага інстытуту справаводзтва і архіўнай справы.

Выкладае ў Гуманітарна-эканамічным унівэрсытэце і ў Беларускім дзяржаўным унівэрсытэце, сябра геральдычных таварыстваў Украіны, Польшчы, ганаровы сябра Ўсерасейскага геральдычнага таварыства.

Працы

Аўтар шматлікіх кніжак, навуковых працаў па геральдыцы, генэалёгіі, гісторыі рамёстваў, гістарычнай геаграфіі.

• Гарадская геральдыка Беларусі. Менск, 1989;
• Наш сімвал — Пагоня. Менск, 1993;
• Пячаткі старажытнай Беларусі. Менск, 1993;
• Вольныя беларускія месты. Менск, 1996;
• Геральдыка беларускіх местаў (XVI — пачатак XX ст.). Менск, 1998;
• Сфагістыка і геральдыка Беларусі. Менск, 1999;
• Менск — места майстроў: Рамесныя цэхі XVI—XVIII стст. Менск, 2002;
• Геральдыка Беларусі. Менск, 2010.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Менск: Беларуская Энцыклапедыя, 2005. — 788 с.: іл. ISBN 985-11-0378-0.

Вонкавыя спасылкі

• Анатоль Цітоў: «У мяне ў генах закладзенае імкненьне да веданьня мінулага» // «Радыё Свабода», 15 траўня 2007.