14 кастрычніка

14 кастры́чніка — 288-ы дзень году (287-ы ў невысакосным годзе) паводле Грыгарыянскага календару. Да канца году застаецца 79 дзён.

Падзеі

• 1066 — Бітва пры Гастынгсе
• 1773 — У Рэчы Паспалітай створана Адукацыйная камісія — першае ў сьвеце міністэрства адукацыі.
• 1851 — заснаванае інфармацыйнае агенцтва Reuters (Вялікабрытанія)
• 1962 — амэрыканцы выявілі на Кубе базы савецкіх ракетаў. Пачатак Карыбскага крызісу
• 2009 — распачаўся перапіс насельніцтва Беларусі

Нараджэньні

• 1257 — Пшэмысл II, кароль Польшчы
• 1420 — Томас Тарквэмада, заснавальнік гішпанскай інквізыцыі, першы вялікі інквізытар Гішпаніі.
• 1861 — Фрыцьёф Нансэн, нарвэскі акеанограф, дасьледчык Арктыкі, ляўрэат Нобэлеўскай прэміі міру
• 1864 — Стэфан Жаромскі, польскі пісьменьнік і публіцыст
• 1882 — Эйман дэ Валера, прэзыдэнт і прэм’ер-міністар Ірляндыі.
• 1899 — Адам Бабарэка, беларускі пісьменьнік і літаратуразнаўца
• 1903 — Лявон Рыдлеўскі, беларускі палітычны і грамадзкі дзяяч
  • Сямён Косбэрг, савецкі канструктар ракетных рухавікоў
• 1911 — Ле Дык Тхо, віетнамскі палітык, дыплямат, ляўрэат Нобэлеўскай прэміі міру (1973).
• 1915 — Усевалад Краўчанка, беларускі пісьменьнік, рэдактар часопісу «Бярозка» ў 1953—1961 гадах
• 1925 — Антон Маркевіч, беларускі грамадзкі дзеяч у Канадзе
• 1929 — Уладзімер Лемяшонак, беларускі гісторык, доктар гістарычных навук
• 1942 — Пэтэр Надаш, вугорскі празаік, драматург, эсэіст. Ляўрэат Эўрапейскай літаратурнай прэміі (1991).
• 1946:
  • Мікалай Сакалоў, беларускі гісторык
  • Дэн Макафэрці, шатляндзкі рок-сьпявак лідар рок-гурту Nazareth
• 1961 — Яцэк Бартошчэ, польскі вайсковы пілёт
• 1963 — Алессандра Сафіна, італьянскі тэнар і поп-опэрны сьпявак
• 1970 — Даніела Пештава, чэская супэрмадэлька
• 1973 — Анжаліка Борыс, польская грамадзкая дзяячка Беларусі
• 1980 — Сьвятлана Ўсовіч, беларуская лёгкаатлетка (бег)
• 1981 — Руслан Аляхно, беларускі сьпявак, пераможца тэлепраекту «Народны Артыст 2», поп-выканавец прадусарскага цэнтру FBI-music
• 1984 — Ганна Шаркунова, беларуская поп-сьпявачка

Сьмерці

• 1066 — Гаральд II Годвінсан, апошні англасаксонскі кароль Ангельшчыны да Нармандзкай заваёвы
• 1990 — Леанард Бэрнстайн, амэрыканскі кампазытар і дырыжэр
• 2004 — Іван Шамякін, беларускі пісьменьнік

Сьвяты

• У Беларусі — традыцыйнае сьвята Пакроў або Пакровы ці Пакравы. Ягоная назва паходзіць ад «покрыва Божае Маці». Існуе мноства народных прымавак, зьвязаных з Пакровам, бо зямля гэтым часам «пакрывалася лістом або сьняжком, вада — лёдам, а пчала — мёдам». Пакроў пазначаў завяршэньне восеньскіх працаў і пераход да зімовых клопатаў на гаспадарцы. А яшчэ гэта спрадвеку быў час пачатку вясковых вясельляў, які будзе цягнуцца да 27 кастрычніка — менавіта да гэтага дня працягваецца і Пакроў
• Беларусь — дзень маці
• Міжнародны дзень стандартызацыі (з 1946 году)
• Емэн — гадавіна рэвалюцыі 1963 году