Лявон Рыдлеўскі

Ляво́н Рыдле́ўскі (14 кастрычніка 1903, мяст. Ульянавічы Магілёўскай губэрні, цяпер Сеньненскі раён — 24 кастрычніка 1953, Лёндан) — беларускі палітычны і грамадзкі дзяяч.

Лявон Рыдлеўскі лац. Lavon Rydleŭski
Дата нараджэньня	14 кастрычніка 1903(1903-10-14)
Месца нараджэньня	Ульянавічы[d], Сеньненскі павет[d], Магілёўская губэрня, Расейская імпэрыя
Дата сьмерці	24 кастрычніка 1953(1953-10-24) (50 гадоў)
Месца сьмерці	Лёндан, Вялікабрытанія
Месца пахаваньня	могілкі Хампстэд[d]
Месца вучобы	Слуцкая беларуская гімназія[d] (1920) Віленская беларуская гімназія (1923) Украінская гаспадарчая акадэмія[d] (1929)
Занятак	актывіст, змагар супраціву, баявік
Месца працы	Беларускія навіны
Сябра ў	Рух Супраціўлення[d], Папараць-Кветка, Аб’яднаньне беларускіх студэнцкіх арганізацыяў і Рада Беларускай Народнай Рэспублікі

Біяграфічныя зьвесткі

У 1917—1920 навучаўся ў Слуцкай беларускай гімназіі, сябра культурна-асьветніцкага гуртка «Папараць-кветка». У 1923 годзе скончыў Віленскую беларускую гімназію, у 1929-м — Вышэйшы політэхнічны інстытут у Подэбрадах (Чэхаславаччына).

Быў адным з самых маладых удзельнікаў Слуцкага паўстаньня 1920 году і антысавецкага партызанскага руху на Палесьсі да 1921 году. Падчас навучаньня ў Чэхаславаччыне быў сябрам Аб’яднаньня беларускіх студэнцкіх арганізацыяў замежжа і Заходняй Беларусі. У 1929 разам зь Міколам Абрамчыкам выехаў у Францыю. Быў ініцыятарам стварэньня і адным з кіраўнікоў «Хаўруса беларускай працоўнай эміграцыі ў Францыі» ў Парыжы (1930—31). На пачатку Другой сусьветнай вайны дамогся дазволу ваяваць беларусам у складзе францускага замежнага легіёну; падчас акупацыі Францыі ўдзельнічаў у францускім Супраціве.

У 1945-1947 выдаваў газэту «Беларускія навіны».

Надмагільны камень на магіле Лявона Рыдлеўскага ў дзень яго адкрыцьця і блаславеньня 27 лістапада 2010 году, у дзень сьвяткаваньня ўгодкаў Слуцкага паўстаньня

У 1947 годзе абраны сакратаром Прэзыдыюму, пазьней — віцэ-прэзыдэнтам Рады БНР. У лістападзе 1948 на 1-м сусьветным зьезьдзе беларускай эміграцыі выбраны старшынём «Сусьветнага аб’яднаньня беларускай эміграцыі». Падтрымліваў цесныя сувязі зь Беларускім домам ордэна марыянаў і іншымі рэлігійнымі арганізацыямі.

Лявон Рыдлеўскі памёр 24 кастрычніка 1953 году, быў пахаваны на могілках Гэмпстэд у Лёндане. 11 сьнежня 1955 году на ягонай магіле быў усталяваны помнік, які пазьней зьнік. 27 лістапада 2010 году помнік Лявону Рыдлеўскаму быў адноўлены.

Літаратура

• 3 жыцьця й дзейнасьці М. Абрамчыка // 3 гісторыяй на «Вы». Вып. 3. — Мн., 1994.
• Гэтак было. Успаміны слуцкага паўстанца // «Спадчына» № 1, 1997.
• Найдзюк Я., Касяк І. Беларусь учора і сёньня. — Мн.: 1993.