8 кастрычніка

8 кастры́чніка — 281-ы дзень году (282-і ў высакосным годзе) паводле Грыгарыянскага календару. Да канца году застаецца 84 дні.

Падзеі

• 1582 — 3 сувязі з рэформаю грэгарыянскага календару гэтага дня не было ў Італіі, Гішпаніі, Партугаліі і Рэчы Паспалітай
• 1621 — скончылася Хацінская бітва, што прынесла перамогу войску Рэчы Паспалітай начале зь Янам Хадкевічам над турэцкім султанам Асманам ІІ
• 1656 — бітва пад Прасткамі. Перамога войска Кароны і ВКЛ над швэдамі
• 1660 — бітва войска Рэчы Паспалітай на рэчцы Басі з маскоўскім войскам
• 1715 — бітва пад Радагошчам. Тарнагрудзкая канфэдэрацыя: перамога Рэчы Паспалітай над Сасамі

Нараджэньні

• 1831 — Міхал Ельскі, беларускі скрыпач, кампазытар і пісьменьнік
• 1857 — Платон Жуковіч, расейскі гісторык Беларусі, Польшчы і Ўкраіны XVII—XVIII стагодзьдзяў
• 1907 — Вінцэнты Данэк, польскі прафэсар, паляніст, пэдагог, гісторык літаратуры
• 1920 — Фрэнк Гэрбэрт, амэрыканскі фантаст, аўтар цыклю «Кронікі Дзюны»
• 1952 — Эдвард Цьвік, амэрыканскі кінарэжысэр і прадусар
• 1952 — Іван Бамбіза, беларускі дзяржаўны дзяяч
• 1969 — Джэрэмі Дэвіс, амэрыканскі актор, вядомы як Даніэль Фарадэй ў сэрыяле «Згубленыя»
• 1970 — Мэт Дэйман, амэрыканскі артыст і сцэнарыст
• 1976 — Сярога, расейскі рэпэр беларускага паходжаньня

Сьмерці

• 1688 — Клёд Пэро, францускі архітэктар, тэарэтык архітэктуры
• 1766 — Францішак Бялінскі, маршалак вялікі каронны, ваявода холмінскі
• 1882 — Фёдар Літке, расейскі мараплавец, географ, дасьледнік Арктыкі
• 1910 — Марыя Канапніцкая, польская пісьменьніца, паэтка, перакладчыца
• 1943 — Андрэй Мрый, беларускі пісьменьнік
• 1945 — Фэлікс Зальтэн, аўстрыйскі пісьменьнік, журналіст, крытык
• 1991 — Зоська Верас, беларуская дзяячка і пісьменьніца
• 2004 — Жак Дэрыда, францускі філёзаф

Сьвяты

• Харватыя, Дзень незалежнасьці
• ЗША, Нацыянальны дзень дзяцей
• Украіна , Дзень юрыста
• Армэнія, Дзень танкіста
• Пэру , Дзень вайсковага флёту (Гадавіна бітвы пад Ангамос)
• Расея, Дзень камандзіра надводнага, падводнага і паветранага карабля