Вясна (цэнтар)

беларуская праваабарончая арганізацыя

«Вясна́» — беларускі праваабарончы цэнтар, заснаваны ў 1996 годзе. У сваім меркаваньні ад 24 чэрвеня 2007 году Камітэт па правах чалавека ААН палічыў касаваньне ўліку цэнтру Вярхоўным судом Беларусі 28 кастрычніка 2003 году супярэчным пункту 1 артыкула 22 Міжнароднага пакту аб грамадзянскіх і палітычных правах[2]. Ад заснаваньня пасаду старшыні займае Алесь Бяляцкі. Восеньню 2020 году арганізацыя ды Алесь Бяляцкі сталі лаўрэатамі прэміі «За правільны лад жыцьця»(uk)[3].

«Вясна»
Дата ўтварэньня 26 красавіка 1996 (25 гадоў таму)
Тып праваабарончае
Юрыдычны статус грамадзкае аб’яднаньне
Мэта спрыяньне павазе да правоў чалавека
Штаб-кватэра Менск, вул. Мяржынскага, д. 8, кв. 26[1]
Дзейнічае ў рэгіёнах Беларусь
Сяброўства 200 чалавек (2006)
Старшыня Алесь Бяляцкі
Кіроўны орган Рада
Матчына кампанія Асамблея няўрадавых дэмакратычных арганізацыяў Беларусі
Зьвязаныя кампаніі «Чалавек у нядолі» (Прага, Чэхія)
Сайт www.spring96.org
Колішняя назва «Вясна-96» (да 15 чэрвеня 1999 году)

ЗадачыРэдагаваць

Задачамі цэнтру ёсьць:

  • дапамога ў прававой абароне грамадзянаў;
  • вывучэньне грамадзкай супольнасьці;
  • пашырэньне грамадазнаўчых ведаў;
  • прававая адукацыя грамадзянаў;
  • падтрымка праваабарончай дзейнасьці;
  • спрыяньне культурнаму адраджэньню дзяржавы.

ДзейнасьцьРэдагаваць

Спосабамі дзейнасьці цэнтру ёсьць:

  • збор зьвестак аб грамадзянскай супольнасьці;
  • правядзеньне нарадаў і чытаньняў;
  • ладжаньне грамадазнаўчых дасьледаваньняў, агляду забесьпячэньня правоў чалавека і спрыяньне выкананьню міжнародных дамоваў аб правах чалавека;
  • выпуск і распаўсюд праваабарончых выданьняў;
  • падтрымка сувязяў з урадавымі, грамадзкімі, гаспадарчымі, навуковымі і навучальнымі ўстановамі;
  • прававая дапамога пры звароце асобаў.

ЛітаратураРэдагаваць

КрыніцыРэдагаваць

  1. ^ У Менску адкрыўся новы офіс ПЦ «Вясна» // Хартыя’97, 1 красавіка 2013 г. Праверана 1 траўня 2014 г.
  2. ^ Сяргей Салаўёў (14 жніўня 2009) Усё лепшае — скаціне Факты. Новы часПраверана 10 сакавіка 2012 г.
  3. ^ 2020 Announcement – Press Release rightlivelihoodaward.org. The Right Livelihood Foundation (2020-10-01). Праверана 2020-10-01 г.

Вонкавыя спасылкіРэдагаваць