Алена Масьлюкова

Алена Маслюкова
	Алена Маслюкова
	Праваабаронца и экалагічная актывістка Алена Маслюкова, 5 сакавіка 2020 году
Дата нараджэньня	6 лютага 1965 (59 гадоў)
Месца нараджэньня	Светлагорск Гомельскай вобласці
Грамадзянства	Беларусь
Месца вучобы	Гомельскі дзяржаўны ўнівэрсытэт (1988);
Занятак	праваабаронка
Узнагароды	«Грамадская лідарка году-2019» ў прэміі Чэмпіёны грамадзянскай супольнасьці

Алена Аляксандраўна Маслюкова (6 лютага 1965 году, Светлагорск) — беларуская экалагічная актывістка і праваабаронца, кіраўніца светлагорскай філіі Праваабарончага цэнтру «Вясна».

Біяграфія

Алена Маслюкова нарадзілася 6 лютага 1965 году ў горадзе Светлагорск Гомельскай вобласьці. У 1988 годзе скончыла^[1] Гомельскі дзяржаўны ўніверсітэт імя Францыска Скарыны па спецыяльнасьці «Гісторыя» з прысваеньнем кваліфікацыі «Гісторык. Выкладчык гісторыі і грамадазнаўства».

З 1988 па 1996 год працавала ў светлагорскай школе №10, дзе выкладала гісторыю і грамадазнаўства. У 1996 годзе пачала выкладаць гістарычныя дысцыпліны і сусветную мастацкую культуру ў светлагорскай філіі Нацыянальнага дзяржаўнага гуманітарнага ліцэя імя Якуба Коласа. Працавала ў дадзенай установе да 2001 году да моманту яе рэарганізацыі.

З 2001 па 2014 год зноў працавала ў школе. 6 лютага 2014 году выйграла светлагорскі раённы конкурс «Настаўнік году», а 1 ліпеня таго ж году атрымала паведамленьне ад дырэктаркі школы, што ёй не працягваюць кантракт. У СМІ пісалі^[2], што гэта адбылося праз яе актывістскую дзейнасьць і актыўную грамадскую пазіцыю.

З 2015 году ўзначальвае светлагорскую філію Праваабарончага цэнтру «Вясна». Асноўнай спецыялізацыяй Алены Маслюковай стала абарона экалагічных правоў. З’яўляецца адной з лідарак ініцыятывы супраць запуску завода па вытворчасьці бялёнай цэлюлозы ў Светлагорску. 9 кастрычніка 2018 году праваабаронцу Алену Маслюкову суд Светлагорскага раёну пакараў штрафам^[3] у 612,5 беларускіх рублёў, прызнаўшы яе арганізатаркай флэшмобу супраць «смярдзючага» заводу, які прайшоў 15 верасьня ў Светлагорску^[4].

Таксама Алена ўдзельнічае ў кампаніях Праваабарончага цэнтру «Вясна»: «Праваабаронцы супраць смяротнага пакараньня»^[5], «Праваабаронцы за свабодныя выбары» і іншыя. Актыўна бярэ ўдзел у інфармацыйных акцыях праваабаронцаў^[6].

1 чэрвеня 2019 году Алена Маслюкова была абраная^[7] ў кіруючы склад Асамблеі няўрадавых дэмакратычных арганізацыяў — Рабочую групу ў секцыю «Правы чалавека». Акрамя яе ў гэтую секцыю ўваходзіць старшыня Беларускага Хельсінкскага камітэта Алег Гулак.

У 2020 годзе Алена Маслюкова стала гераіняй^[8] міжнароднага фотаконкурсу «Партрэты сілы»^[9] Фонда Дамоў правоў чалавека, прысвечаны жанчынам-праваабаронцам.

У кастрычніку 2024 году Алену Маслюкову завочна асудзілі на тры гады калёніі паводле артыкулу аб садзейнічаньні экстрэмісцкай дзейнасьці^[10].

Узнагароды

У 2019 годзе Асамблея няўрадавых дэмакратычных арганізацыяў узнагародзіла^[11] Алену Маслюкову ў прэміі Чэмпіёны грамадзянскай супольнасьці як «Грамадскую лідарку году». Праваабаронца падзяліла першае месца з актывісткай Святланай Гатальскай з руху «Маршыруй, дзетка!»^[12], які прасоўвае ў Беларусі прыняцце закону аб супрацьдзеяньні хатняму гвалту.

Інфармацыя ў СМІ

Kyky.org: Шукаем працу «Настаўніцы году», якую звольнілі за «дэструктыўныя думкі»^[13];
DW: Как лучшую учительницу Светлогорска уволили за политику^[14];
«Народная Воля»: Алена Маслюкова: «У школу вяртацца не збіраюся…»^[15];
«Радыё Свабода»: У Сьветлагорску за флэшмоб супраць кітайскага заводу аштрафавалі праваабаронцу і актывіста^[16];
«Зялёны партал»: «Вучні разам з бацькамі хадзілі ў пракуратуру, каб вярнуць мне працу»^[17];
«Эўрарадыё»: «Тры апазіцыянеры, два чыноўнікі»: Алена Маслюкова і светлагорскі «Бумажнік»^[18];
Алену Маслюкову абралі ў Рабочую групу Асамблеі НДА^[19];
«Зялёны партал»: Светлагорская актывістка стала Чэмпіёнкай грамадзянскай супольнасці Беларусі^[20];
«Вясна»: «Светлагорскі завод — гэта фіяска Прэзідэнта, фіяска ўрада і канцэрна»^[21];
«Вясна»: Праваабаронца Алена Маслюкова — гераіня міжнароднай фотавыставы «Партрэты сілы»^[22];
humanrightshouse.org: Фатограф Дар’я Сапранецкая: «Мяне зачапіла гісторыя супрацьстаяння адной жанчыны і цэлага заводу»^[23].

Відэа

Белсат «Аб’ектыў»: Завод беленай цэлюлозы ў Светлагорску разарваў дамову з Кітаем^[24];
«Вясна»: Суд над праваабаронцай Аленай Маслюковай у Светлагорску^[25];
«Эўрарадыё»: Тры апазіцыянеры, два чыноўнікі. Светлагорск^[26].

Крыніцы

[1] «Тры апазіцыянеры, два чыноўнікі»: Алена Маслюкова і светлагорскі «Бумажнік» Эўрапейскае радыё для Беларусі Архіўная копія ад 2013-07-11 г.

[2] Kyky.org: Шукаем працу «Настаўніцы году», якую звольнілі за «дэструктыўныя думкі»

[3] У Сьветлагорску за флэшмоб супраць кітайскага заводу аштрафавалі праваабаронцу і актывіста Радыё Свабода

[4] «Арыштуй нас! Нам усё роўна, дзе паміраць». У Сьветлагорску прайшоў флэшмоб супраць кітайскага заводу Радыё Свабода

[5] «Праваабаронцы супраць смяротнага пакарання»

[6] “Вясноўцы” адзначылі Міжнародны дзень Мандэлы інфармацыйнай акцыяй Вясна

[7] Алену Маслюкову абралі ў Рабочую групу Асамблеі НДА Вясна

[8] Праваабаронца Алена Маслюкова — гераіня міжнароднай фотавыставы «Партрэты сілы» Вясна

[9] Portraits of Strength: Women Defending Human Rights 2020

[10] Хроніка парушэнняў правоў чалавека ў сферы культуры (1–15 кастрычніка 2024 года) Беларускі ПЭН-цэнтар

[11] Светлагорская актывістка стала Чэмпіёнкай грамадзянскай супольнасці Беларусі

[12] Маршыруй, дзетка!

[13] Kyky.org: Шукаем працу «Настаўніцы года», якую звольнілі за «дэструктыўныя думкі»

[14] DW: Как лучшую учительницу Светлогорска уволили за политику

[15] Народная Воля": Алена Маслюкова: «У школу вяртацца не збіраюся…»

[16] «Радыё Свабода»: У Сьветлагорску за флэшмоб супраць кітайскага заводу аштрафавалі праваабаронцу і актывіста

[17] «Зялёны партал»: «Вучні разам з бацькамі хадзілі ў пракуратуру, каб вярнуць мне працу»

[18] «Еўрарадыё»: «Тры апазіцыянеры, два чыноўнікі»: Алена Маслюкова і светлагорскі «Бумажнік»

[19] Алену Маслюкову абралі ў Рабочую групу Асамблеі НДА

[20] «Зялёны партал»: Светлагорская актывістка стала Чэмпіёнкай грамадзянскай супольнасці Беларусі

[21] «Вясна»: «Светлагорскі завод — гэта фіяска Прэзідэнта, фіяска ўрада і канцэрна»

[22] «Вясна»: Праваабаронца Алена Маслюкова — гераіня міжнароднай фотавыставы «Партрэты сілы»

[23] umanrightshouse.org: Фатограф Дар’я Сапранецкая: «Мяне зачапіла гісторыя супрацьстаяння адной жанчыны і цэлага заводу»

[24] Белсат «Аб’ектыў»: Завод беленай цэлюлозы ў Светлагорску разарваў дамову з Кітаем

[25] «Вясна»: Суд над праваабаронцай Аленай Маслюковай у Светлагорску

[26] «Еўрарадыё»: Тры апазіцыянеры, два чыноўнікі. Светлагорск

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]