Сьпіс краінаў Эўрапейскага Зьвязу

У Эўразьвяз на 1 студзеня 2022 году ўваходзяць 27 краінаў. Сярод сучасных 27 сябровак Эўразьвязу ёсьць 6 краінаў-заснавальніцаў хаўрусу: Бэльґія, Італія, Люксэмбурґ, Нідэрлянды, Нямеччына й Францыя, якія спачатку стварылі «Аб'яднаньне вуглю й сталі» ў 1952 годзе. Апошняю, хто далучыўся да хаўрусу, стала Харватыя. У 2004 годзе да хаўрусу далучыліся 8 краінаў усходняга блёку. Эўразьвяз стаў найвялікім паводле колькасьці далучыўшыхся. Да 2020 году ў сьпіс краінаў-сябровак уваходзіла Вялікабрытанія, якая адмовілась ад хаўрусу пасьля праведзенага рэфэрэндуму ў 2016 годзе, які атрымаў назву «Брэкзыт» (Brexit).

1957—2013: пашырэньне ЭЗ

Герб	Краіна	Сталіца	Год далучэньня	Плошча (км²)	Насельніцтва	Колькасьць дэпутатаў у Эўрапарлямэнце	Эўразона
	Аўстрыя	Вена	1 студзеня 1995	83.858	8.823.054	19	Так
	Баўгарыя	Сафія	1 студзеня 2007	110.910	7.101.859	17	Леў
	Бэльгія	Брусэль	Заснавальніца	30.528	11.358.357	21	Так
	Вугоршчына	Будапэшт	1 траўня 2004	93.030	9.797.561	21	Форынт
	Гішпанія	Мадрыд	1 студзеня 1986	505.990	46.698.151	59	Так
	Грэцыя	Атэны	1 студзеня 1981	131.957	10.768.477	21	Так
	Данія	Капэнгаген	1 студзеня 1973	43.094	5.748.796	14	Крона
	Ірляндыя	Дублін	1 студзеня 1973	70.280	4.761.865	13	Так
	Італія	Рым	Заснавальніца	301.338	60.589.445	76	Так
	Кіпр	Нікасія	1 траўня 2004	9.251	888.005	6	Так
	Латвія	Рыґа	1 траўня 2004	64.589	1.925.800	8	Так
	Летува	Вільня	1 траўня 2004	65.300	2.800.667	11	Так
	Люксэмбург	Люксэмбурґ	Заснавальніца	2.586	602.005	6	Так
	Мальта	Валета	1 траўня 2004	316	445.426	6	Так
	Нідэрлянды	Амстэрдам	Заснавальніца	41.543	17.271.990	29	Так
	Нямеччына	Бэрлін	Заснавальніца	357.168	82.800.000	96	Так
	Партугалія	Лісабон	1 студзеня 1986	92.212	10.379.537	21	Так
	Польшча	Варшава	1 траўня 2004	312.685	38.422.346	52	Злоты
	Румынія	Бухарэст	1 студзеня 2007	238.397	19.638.000	33	Лей
	Славаччына	Браціслава	1 траўня 2004	49.035	5.435.343	14	Так
	Славенія	Любляна	1 траўня 2004	20.273	2.066.880	8	Так
	Фінляндыя	Хэльсынкі	1 студзеня 1995	338.455	5.509.717	14	Так
	Францыя	Парыж	Заснавальніца	547.030	67.348.000	79	Так
	Харватыя	Загрэб	1 ліпеня 2013	56.594	3.888.529	12	Куна
	Чэхія	Прага	1 траўня 2004	78.866	10.610.947	21	Крона
	Швэцыя	Стакгольм	1 студзеня 1995	450.295	10.151.588	21	Крона
	Эстонія	Талін	1 траўня 2004	45.226	1.319.133	7	Так
Агульныя лічбы				4.140.806	447.151.478	705	19

Краіны-кандыдаткі ў Эўразьвяз

Яшчэ 10 краінаў праходзяць шлях далучэньня да Эўрапейскага Зьвязу. Сучасная праґрама пашырэньня Эўрапейскага Зьвязу тычыцца Турэччыны й балканскіх краінаў (Альбаніі, Босьніі й Герцагавіны, Косава, Паўночнае Македоніі, Чанагорыі й Сэрбіі). Гэтыя краіны павінны абмеркаваць умовы свайго далучэньня ў ЭЗ з сучаснымі краінамі-сябройкамі й прывесьці сваё ўнутранае заканадаўства ў адпаведнасьць з заканадаўствам хаўрусу да далучэньня.

Розныя краіны выдадкоўваюць час да далучэньня да зьвязу па-рознаму: напрыклад Турэччына пачала свой шлях да далучэньня да ЭЗ у 1987 годзе (з папярэдняй асацыяцыяй у 1964 годзе), але статус краіны-кандыдаткі атрымала толькі праз 12 з паловай год. Шлях да далучэння фактычна прыпыніўся ў 2016 годзе. Гэта зьвязана с палітычнымі праблемамі краіны. С другога боку шэраг балканскіх краін, якія пачалі свой шлях амаль пасьля 2010 года. Напрыклад Чарнагорыя ды Сэрбія ўжо маюць статус краінащ-кандыдатак да сяброўства з краінамі Эўразьвязу. У параўнаньні з Турэччынай ім патрэбілася каля 2-3 год пасьля падачы заяўкі на статус краіны-кандыдаткі.

У лютым-сакавіку 2022 году сваю заяву на сяброўства падалі Грузія, Малдова й Украіна.

Краіна	Статус	Шлях да яднаньня					Перашкода
		Асацыяцыя	Заява на сяброўства	Кандыдат	Пачатак перамоў	Праверка завершана
Альбанія	Кандыдат	1 красавіка 2009	28 красавіка 2009	24 чэрвеня 2014	Пакуль няма		Карупцыя й палітызацыя судзебнае щлады.
Босьнія й Герцагавіна	Заяўца	1 чэрвеня 2015	15 лютага 2016	Пакуль няма			Канстытуцыя краіны патрабуе кардынальныя рэформы, каб адпавядаць асноўным правам ЭЗ ды іншым стандартам, фэдэральнаму пагаднаньню аб будучыні дзяржавы.
Грузія	Заяўца	1 ліпеня 2016	3 сакавіка 2022	Пакуль няма			Фактарам немагчымасьці сяброўства з хаўрусам ёсьць наяўнасьць пытаньня з Абхазіяй і Паўночнай Асэтыяй.
Косава	Патэнцыйны кандыдат	1 красавіка 2016	Пакуль няма				Статус незалежнасьці аспрэчваецца. Палітычныя й карупцыйныя праблемы.
Малдова	Заяўца	1 ліпеня 2016	3 сакавіка 2022	Пакуль няма			Фактарам немагчымасьці сяброўства з хаўрусам ёсьць наяўнасьць пытаньня з Прыднястроўем.
Паўночная Македонія	Кандыдат	1 красавіка 2004	22 сакавіка 2004	17 сьнежня 2005	Пакуль няма		Спрэчкі з Баўгарыяй. Асьцярога наконт дэмакратыі й вяршэнства закону.
Сэрбія	Кандыдат	1 верасьня 2013	22 сьнежня 2009	1 сакавіка 2012	21 студзеня 2014	24 сакавіка 2015	Актуальная спрэчка наконт Косава. Нязначны праґрэс ці яго адсутнасьць у барацьбе супраць карупцыі.
Турэччына	Кандыдат (фактычна замарожана)	1 сьнежня 1964	14 красавіка 1987	12 сьнежня 1999	3 кастрычніка 2005	13 кастрычніка 2006
Украіна	Заяўца	1 верасьня 2017	28 лютага 2022	Пакуль няма			Наяўнасьць тэратарыяльных спрэчак з Расейскаю Фэдэрацыяй; нізкі ровень эканамічнага разьвіцьця.
Чарнагорыя	Кандыдат	1 траўня 2010	15 сьнежня 2008	17 сьнежня 2010	29 чэрвеня 2012	27 чэрвеня 2013	Межавая спрэчка з Харватыяй. Зь меркаваньня Камісіі карупцыя застаецца «распаўсюджанай» і «сур'ёзнаю праблемаю».