Дацкая крона
Дацкая крона (па-дацку: dansk krone, код валюты ISO 4217 — DKK) – афіцыйная валюта Даніі, таксама ўжываецца ў Грэнляндыі і на Фарэрскіх выспах. Крона дзеліцца на 100 эрэ.
| Дацкая крона | |
 | |
| Краіна | Данія |
|---|---|
| Падзел | эрэ |
| Код ISO-4217 | DKK |
| Сымбаль | kr. і kr |
| Цэнтральны банк | Danmarks Nationalbank[d] |
| Увядзеньне ва ўжытак | 27 траўня 1873 |
| Абменны курс: (22 красавіка 2009) | 5,757 за 1 USD |
 Галерэя выяваў у Вікісховішчы | |
Існуюць манэты вартасьцю 1, 2, 5, 10, 20 крон і 50 эрэ. 1 кастрычніка 2008 году манэта вартасьцю 25 эрэ была выведзена з абарачэньня (яе можна было разьмяняць у банках да 1 кастрычніка 2011 году). Банкноты вартасьцю 50, 100, 200, 500 і 1000 крон.
Крона была ўведзена ў абарачэньне ў 1873 годзе, у выніку стварэньня Скандынаўскага манэтарнага зьвязу. Да зьвязу, акрамя Даніі, далучыліся Швэцыя і Нарвэгія. І хоць зьвяз распаўся адразу пасьля Першай сусьветнай вайны, скандынаўскія краіны захавалі назвы сваіх валютаў, і валюты ў Швэцыі і Нарвэгіі таксама называюцца кронамі.
Нягледзячы на тое, што Данія ўваходзіць у склад Эўрапейскага Зьвязу, пакуль пераход краіны на эўра не плянуецца, у выніку таго, што ў 2000 годзе быў праведзены рэфэрэндум на якім 53,2% насельніцтва Даніі выказаліся супраць гэтага.
Вонкавыя спасылкі
рэдагаваць
Дацкая крона — сховішча мультымэдыйных матэрыялаў