Мінэсота Ўайлд

	Мінэсота Ўайлд
Дывізіён	Цэнтральны
Канфэрэнцыя	Заходняя
Краіна	ЗША
Горад	Сэнт-Пол, Мінэсота
Заснаваны	2000
Стадыён	Xcel Energy Center (18 834)
Колеры	Зялёны, чырвоны, залаты, пшанічны і белы;
Гісторыя	Мінэсота Ўайлд; 2000 — цяпер
Галоўны трэнэр	John Hynes[d];
Афіцыйны сайт	wild.nhl.com (анг.)

Мінэсота Ўайлд (па-ангельску: Minnesota Wild) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Сэнт-Пол, штат Мінэсота, ЗША. Свае хатнія гульні каманда ладзіцца ў Xcel Energy Center^[1]. «Мінэсота Ўайлд» быў закладзены 25 чэрвеня 1997 году, але спаборнічаць каманда пачала толькі з сэзону 2000—2001 гадоў^[2]. Франшыза ў НХЛ зь Мінэсоты паўстала упершыню з 1993 году, калі колішняя дружына «Мінэсота Норт Старз» пераехала ў Далас^[3]. У сэзоне 2002—2003 гадоў клюб трапіў у розыгрыш Кубка Стэнлі, дзе дакрочыў ажно да паўфіналу, саступіўшы «Анагайм Майці Дакс»^[4].

Гісторыя

Пасля ад’езду з штату клюбу «Мінэсота Норт Старз» па сэзоне 1992—1993 гадоў^[5] Мінэсота заставалася без прадстаўніцтва ў НХЛ цягам сямі сэзонаў. Мэр Сэнт-Пол Норм Колман учыніў кампанію альбо прыцягненьня ў горад існай франшызы, альбо стварэньня новай франшызы ў наступным пашырэньні лігі. Высілкі галавы гораду наблізіліся да посьпеху ў сярэдзіне 1990-х гадоў, калі Мінэсота зацікавіла арыгінальную каманду «Вініпэг Джэтс». Аднак перамовы не далі плёну, і «Джэтс» замест гэтага пераехалі ў Фінікс.

Хутка НХЛ абвесьціла аб сваім намеры пашырыцца з 26 да 30 камандаў. Бізнэсовец і ўраджэнец Мінэтонкі Боб Нагеле-малодшы стаў галоўным інвэстарам навастворанага клюбу, які, у канчатковым рахунку, быў і першым мажарытарным уладальнікам каманды. 25 чэрвеня 1997 году НХЛ абвесьціла, што Мінэсота атрымала права ўтварыць франшызу на пашырэньні, каб пачаць гуляць з сэзону 2000—2001 гадоў. Клюбная назва «Ўайлд» была афіцыйна прэзэнтаваная грамадзкасьці 22 студзеня 1998 году на тагачаснай клюбнай арэне, а з дынамікаў арэны гучала песьня гурта Steppenwolf «Born To Be Wild». Свае першыя спонсарскія пагедненьні каманда склала з кампаніямі MasterCard і First USA.

Першым галоўным трэнэрам каманды быў прызначаны канадзкі адмысловец Жак Лемэр, а ў першым раўндзе драфту НХЛ 2000 году клюб абраў славацкага нападнікам Марыяна Габарыка, які ў выніку закінуў дэбютную шайбу клюбу ў розыгрышах НХЛ. Адбылося гэта ў выяздным матчы 6 кастрычніка 2000 году супраць «Анагайм Майці Дакс»^[6]. 11 кастрычніка «Ўайлд» згулялі сваю першую хатнюю гульню ў гісторыі супраць «Філадэлфіі Флаерз»^[7]. Ураджэнец Мінэсоты Дарбі Гэндрыксан адзначыўся першым голам у хатніх гульнях у гісторыі клюбу.

Склад

Паводле стану на 4 кастрычніка 2024 году

Брамнікі
29	Марк-Андрэ Фляры	28.11.1984	30	Еспэр Вальстэт	14.11.2002
32	Філіп Густаўстан	07.06.1998
Абаронцы
4	Джон Мэрыл	03.02.1992	5	Джэйкаб Мідэлтан	02.01.1996
7	Брок Фэйбр	22.08.2002	24	Зак Багасян	15.07.1990
25	Юнас Брадын	12.07.1993	46	Джарэд Спэрджан	29.11.1989
47	Дэклан Чысалм	12.01.2000	48	Дэйман Гант	15.05.2002
Нападнікі
12	Мэт’ю Болдзі	05.04.2001	13	Якаў Трэнін	13.01.1997
14	Юэль Эрыксан Эк	29.01.1997	17	Маркус Фаліна	10.08.1991
22	Марат Хуснутдынаў	17.07.2002	23	Марка Росі	23.09.2001
28	Ліям Эгрэн	28.01.2004	36	Матс Сукарэльлё	01.09.1987
38	Раян Гартман	20.09.1994	39	Бэн Джонз	26.02.1999
89	Фрэдэрык Гадро	01.05.1993	90	Маркус Югансан	06.10.1990
97	Кірыл Капрызаў	26.04.1997	—	Якуб Лаўка	28.03.2000