Бостан Бруінз

	Бостан Бруінз
Дывізіён	Атлянтычны
Канфэрэнцыя	Усходняя
Краіна	ЗША
Горад	Бостан, Масачусэтс
Заснаваны	1924
Стадыён	ТД-Гардэн
Колеры	Чорны, залаты і белы;
Гісторыя	Бостан Бруінз (ад 1924)
Галоўны трэнэр	Joe Sacco[d];
Афіцыйны сайт	bruins.nhl.com (анг.)

Бо́стан Бру́інз (па-ангельску: Boston Bruins) — прафэсійны хакейны клюб, які прымае ўдзел ў Нацыянальнай хакейнай лізе. Клюб уваходзіць у Атлянтычны дывізіён Усходняй канфэрэнцыі. Базуецца ў горадзе Бостан штату Масачусэтс у ЗША. Быў створаны ў 1924 годзе, што робіць яго аднім з найстарэйшых хакейных клюбаў у лізе. Шасьціразовы ўладальнік Кубка Стэнлі (1929, 1939, 1941, 1970, 1972, 2011). Поруч з «Дэтройт Рэд Ўінгс», «Чыкага Блэкгокс», «Манрэаль Канадыенз» і «Таронта Мэйпл Ліфс» утварае гэтак званую Арыгінальную шасьцёрку, якая доўгі час у такім складзе біліся за Кубак Стэнлі. Першапачаткова хатнія матчы «Бруінз» праводзілі на Бостан-Арэне, якая лічыцца найстрарэйшай крытай хакейнай пляцоўкай у сьвеце. З 1928 па 1995 гады бостанцы праводзілі на Бостан-Гардэне, а ўжо пасьля гэтага матчы ладзяць на ТД-Гардэн.

Гісторыя

У 1924 годзе^[2] Нацыянальная хакейная ліга пастанавіла сябе пашырыцца ў ЗША. За год да таго Томас Дуган атрымаў варыянты трох франшызаў НХЛ для ЗША і прадаў адну зь іх магнату сеткі прадуктовых крамаў у Бостане Чарлзу Адамзу. У выніку бостанская каманда была адной зь першых сярод клюбаў пашырэньня НХЛ, а таксама першай сярод камандаў НХЛ, створаных у ЗША. Адамз адразу пагадзіў на працу Арта Роса, колішняга зорнага хакеіста і наватара, які заняў пасаду генэральнага мэнэджара. Рос быў тварам франшызы на працягу наступных трыццаці гадоў. Цягам гэтых гадоў Рос часам працаваў трэнэрам. Менавіта Рос прыдумаў назву «Бруінз», мянушку бурых мядзьведзяў, якую калі-нікалі выкарыстоўваюцца ў народных казках. Мянушка каманды добра стасавалася да клюбных колераў, якія ўлучалі карычневы і жоўты колеры. Гэтыя колеры былі зьвязаныя з колеры Адамзавых прадуктовых крамаў^[3].

Адзін з самых зорных хакеістаў раньняга «Бостан Бруінз» Эдзі Шор.

1 сьнежня 1924 году «Бруінз» здабылі першую перамогу ў першай гульні ў гісторыі НХЛ, якая была згуляная ў ЗША^[4]. Супернікамі бостанцаў быў клюб «Манрэаль Марунз», а першую шайбку ў гісторыі клюбу закінуў Смокі Гарыс^[5]. Гэтая перамога сталася адной зь нешматлікіх у тым сэзоне, і «Бруінз» скончыў сэзон на апошнім радку. Яшчэ тры сэзоны дружына гуляла на Бостан-арэне, пасьля чаго шмат гадоў былі галоўным арандатарам арэны Бостан-Гардэн^[6]. «Бруінз» крыху палепшылі гульню, але да плэй-оф бостанцы ня патрапілі. У трэцім сэзоне 1926—1927 гадоў Рос скарыстаўся закрыцьцём Заходняй хакейнай лігі, каб набыць некалькі зорак з той лігі, у першую чаргу абаронцу Эдзі Шора. Бостанскі клюб ня толькі прабіўся ў плэй-оф, але і дакрочыў да фіналу, дзе саступіў «Атава Сэнатарз».

У 1929 годзе «Бруінз» перамог у фінале «Нью-Ёрк Рэйнджарз», здабыўшы свой першы Кубак Стэнлі. Акрамя Шору вылучаліся ў складзе каманды Гары Олівэр, Дыт Клэпэр, Датч Гэйнар і брамнік Тыні Томпсан. У 1928 годзе дружына ўпершыню згуляла на Бостан-Гардэн, а праз сэзон у 1929—1930 гадоў «Бруінз» згуляў найлепшы рэгулярны сэзон, але клюб зьведаў паразу ў фінале Кубак Стэнлі ад «Манрэалю Канадыенз». У 1930-х гадоў бостанцы выступалі няблага, але здабыць кубак здолелі толькі аднойчы ў 1939 годзе. У тым жа годзе Томпсан быў абменены на маладога брамніка Фрэнка Брымсэка. Маладзён згуляў шыкоўны сэзон, атрымаўшы трафэі Вэзыны і Колдэра, а стаўшы першым пачаткоўцам, якога запрасілі на матч усіх зорак НХЛ. Хакеіст атрымаў мянушку «Містэр Зэро». У 1940 годзе Шор быў прададзены ў клюб «Нью-Ёрк Амэрыканз», а ў 1941 годзе «Бруінз» здабыў свой трэці Кубак Стэнлі, прагуляўшы толькі восем гульняў і завяршыўшы рэгулярны сэзон на першым месцы. Доўгі час пасьля гэтага Бостан ня браў галоўны трафэй.

Склад

Паводле стану на 4 кастрычніка 2024 году

Брамнікі
30	Брэндан Басі	25.06.1998	70	Ёонас Корпісала	28.04.1994
80	Майкл Дып’етра	09.06.1999	—	Іржы Патэра	24.02.1999
Абаронцы
6	Мэйсан Лорай	17.01.2001	14	Ен Мітчэл	18.01.1999
25	Брэндан Карла	26.11.1996	27	Гампус Ліндгальм	20.01.1994
29	Паркер Ўатэрспун	24.08.1997	52	Эндру Пік	17.03.1998
58	Білі Сўізі	06.02.1996	73	Чарлі Макэвай	21.12.1997
75	Алек Рэгула	06.08.2000	82	Джордан Эстэрле	25.06.1992
91	Мікіта Задораў	16.04.1995
Нападнікі
10	Райлі Тафт	10.04.1998	11	Трэнт Фрэдэрык	11.02.1998
13	Чарлі Койл	02.03.1992	18	Павал Заха	06.04.1997
19	Джон Бічэр	05.04.2001	23	Фабіян Люсэль	19.01.2003
28	Эліяс Ліндгальм	02.12.1994	38	Патрык Браўн	29.05.1992
39	Морган Гікі	20.07.1998	45	Коўл Кепке	17.05.1998
47	Марк Кастэлік	11.03.1999	48	Жафры Віль	28.01.1997
49	Макс Джонз	17.02.1998	51	Мэт’ю Патра	10.03.2004
55	Джастын Бразо	02.02.1998	63	Брэд Маршанд	11.05.1988
88	Давід Пастрняк	25.05.1996	95	Віні Лэт’еры	06.02.1995