Атава Сэнатарз (па-ангельску: Ottawa Senators) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Атава, правінцыя Антарыё, Канада. Клюб быў закладзены бізнэсоўцам у сфэры нерухомасьці з Атавы Брусам Файрстоўнам 6 сьнежня 1990 году, пасьля двухгадовых перамочаў. Новая франшыза пачала гуляць у сэзоне 1992—1993 гадоў[1]. Клюб быў названы ў гонар былога хакейнага клюбу гораду, які быў засанваны ў 1883 годзе і гуляў у НХЛ з 1917 па 1934 гады, здабыўшы 11 разоў Кубак Стэнлі.

Атава Сэнатарз
Дывізіён Атлянтычны
Канфэрэнцыя Усходняя
Краіна Канада
Горад Атава, Антарыё
Заснаваны 1990
Стадыён Canadian Tire Centre
Колеры чырвоны, чорны, залаты і белы
                   
Гісторыя Атава Сэнатарз
1992 — цяпер
Афіцыйны сайт nhl.com/senators

Гісторыя рэдагаваць

Яшчэ з канца XIX стагодзьдзя ў Атаве існавала хакейная каманда, якая пазьней далучылся да НХЛ. Пасьля таго, як ліга пашырылася ў ЗША ў канцы 1920-х, фінансавыя страты сэнатараў прымусілі франшызу пераехаць у Сэнт-Луіс у 1934 годзе, дзе каманда пачала называцца «Сэнт-Луіс Іглз». У горадзе засталася толькі аматарская каманда.

Толькі празь дзесяцігодзьдзі ўзнавілася цікавасьць да прыцягненьня хакею ў горад. Аматарам у гэтай справе выступіў бізнэсовец Брус Файрстоўн, да якога далучыліся Сыріл Лідэр і Рэндзі Сэкстан. Цікавасьць мелася і ў грамадзкасьці, бо адразу было зарэзэрваная 11 тысяч сэзонных абанэмэнтаў[2]. 12 сьнежня 1990 году НХЛ зацьвердзіла новую франшызу для Атавы, і новая каманда мусіла пачаць гуляць з сэзону 1992—1993 гадоў[1].

Першапачаткова каманда была зацікаўленая ў паслугах Браяна Сатэра ў якасьці першага галоўнага трэнэра, але Сатэр запатрабаваў бы высокі заробак і неахвотна бы ачоліў наваствораную каманду. У рэшце, Сатэр уладкаваўся ў «Бостан Бруінз», а атаўскі клюб падпісаў Рыка Боўнэса, якога Сатэр і замяніў на пасадзе галоўнага трэнэра ў Бостане. «Сэнатары» былі зьмешчаныя ў Адамзкі дывізіён Ўэйлскай канфэрэнцыі. Сваю дэбютную гульну канадцы прагулялі 8 кастрычніка 1992 году ў матчы супраць «Манрэаль Канадыенз». Уступны сэзон апынуўся катастрафічным, бо каманда здабыла толькі 10 пунктаў, прагуляўшы пры гэтым 70. Па-за лёдам, Файрстоўн меў патрэбу ў яшчэ адным партнэры, каб палепшыць клюбны фінансавы стан. У выніку 50% франшызы былі прададзеныя прадпрымальніку Роду Брайдэну. Было створанае абмежаванае партнэрства, каб валодаць хакейнай камандай і новай кампаніяй Palladium Corp., якая пачала будаўніцтва новай арэны.

Склад рэдагаваць

Паводле стану на 4 лютага 2024 году

Брамнікі
30   Кевін Мандалізі 22.08.2000 31   Антан Форсбэрг 27.11.1992
70   Ёонас Корпісала 28.04.1994
Абаронцы
2   Арцём Зуб 03.10.1995 6   Джэйкаб Чыкрун 31.03.1998
23   Трэвіс Гэманік 16.08.1990 24   Джэйкаб Бэрнард-Докер 30.06.2000
26   Эрык Брэнстрэм 02.09.1999 72   Тама Шабо 30.01.1997
85   Джэйк Сандэрсан 08.07.2002
Нападнікі
7   Брэдзі Ткачак 16.09.1999 9   Джош Норыс 05.05.1999
12   Марк Кастэлік 11.03.1999 17   Зак Макюэн 08.07.1996
18   Тым Штуцле 15.01.2002 19   Дрэйк Батэрсан 27.04.1998
21   Мат’ё Жазэф 09.02.1997 27   Паркер Келі 14.05.1999
28   Клёд Жыру 12.01.1988 57   Шэйн Пінта 12.11.2000
71   Рыдлі Грэйг 08.08.2002 81   Домінік Кубалік 21.08.1995
91   Уладзімер Тарасенка 13.12.1991

Крыніцы рэдагаваць

  1. ^ а б Finnigan 1992. С. 201.
  2. ^ Finnigan 1992. С. 196—197.

Літаратура рэдагаваць

  • Finnigan, Joan Old Scores, New Goals: The Story of the Ottawa Senators. — Quarry Press, 1992. — ISBN 1-55082-041-9

Вонкавыя спасылкі рэдагаваць