Сан-Хасэ Шаркс

	Сан-Хасэ Шаркс
Дывізіён	Ціхаакіянскі
Канфэрэнцыя	Заходняя
Краіна	ЗША
Горад	Сан-Хасэ, Каліфорнія
Заснаваны	1991
Стадыён	SAP Center
Колеры	зялёны, аранжавы, чорны і белы;
Гісторыя	Сан-Хасэ Шаркс; 1991 — цяпер
Афіцыйны сайт	sharks.nhl.com (анг.)

Сан-Хасэ́ Шаркс (па-ангельску: San Jose Sharks) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Сан-Хасэ, штат Каліфорнія, ЗША. Клюб запачаткаваў свае выступы ў НХЛ з сэзону 1991—1992 гадоў. Спачатку свае хатнія матчы «акулы» ладзілі ў арэне Каў-Пэлас, пакуль у 1993 годзе ня зьехалі ў Сан-Хасэ. З клюбам афіляваны клюб з АХЛ «Сан-Хасэ Баракуда».

Гісторыя

Прафэсійны хакей у рэгіёне аглямэрацыі затокі Сан-Францыска зьявіўся з клюбам «Сан-Францыска Шэмракс», які спаборнічаў у Хакейнай лізе Ціхаакіянскага ўзьбярэжжа з 1944 па 1950 гады. «Сан-Хасэ Шаркс» прасочвае сваё паходжаньне з стварэньнем у красавіку 1961 году клюбу «Сан-Францыска Сылз», які стаў новай франшызай Заходняй хакейнай лігі (ЗХЛ). Уладальнікам каманды стаў Колман Гол, які раней валодаў «Ванкувэр Кэнакс». Новы клюб выйграў тры чэмпіянаты ЗХЛ, а ў 1966 годзе зьмяніў назву на «Каліфорнія Сылз».

Клюбны маскот «Шаркі».

У 1967 годзе клюб, які тады ўжо меў назоў «Каліфорнія Голдэн Сылз», далучыўся да Нацыянальнай хакейнай лігі, дзе гуляў да 1976 году. Каманда ня мела вялікіх посьпехаў на лёдзе, гэтак жа як меліся праблемы зь фінансамі. У 1974 годзе браты Гордан і Джордж Гунды сталі мінарытарнымі уладальнікамі клюбу. Яны наважыліся перавезьці клюб у Кліўлэнд, дзе перайменавалі клюб у «Кліўлэнд Бэранз». Пазьней браты прыдбалі яшчэ адзін клюб «Мінэсота Норт Старз», які таксама быў у гаротным стане, і дамагліся аб’яднаньня двух клюбаў, пакінуўшы франшызу ў Мінэсоце. У канцы 1980-х кіраўніцтва клюбу зноў пачала разглядаць мажлівасьць пераезду да рэгіёну Сан-Францыска. У той жа час колішні ўладальнік «Гартфард Ўэйлерз» Гаўард Болўін з сваёй групай жадаў сфармаваць клюб у Сан-Хасэ. Каб разьвязаць пытаньне кіраўніцтва НХЛ запрасіла братоў Гундаў прадаць сваю долю «Мінэсоты Норт Старз» групе Болдўіна, а браты ў сваю чаргу атрымаюць права на стварэньне новага клюбу НХЛ у Каліфорніі^[1]. Адметна, што абодвы клюбы ўзялі ўдзел у драфце пашырэньня.

Свае першыя два сэзоны «Сан-Хасэ Шаркс» гулялі ў Каў-Пэлас, які месьціцца ў Дэйлі-Сіці недалёка ад Сан-Францыска. У 1967 годзе тут жадаў гуляць клюб «Каліфорнія Голдэн Сылз», але яму і НХЛ агулам на той час не далі дазвол на ягонае карыстаньне. Адным з галоўных бамбардзіраў клюбу стаў Пэт Фалун, які быў абраны камандай у першым раўндзе драфту НХЛ. Склад дружыны на ўступны сэзон 1991—1992 гадоў быў сфармаваны пераважна з пасярэдніх гульцоў лігі, невядомых легіянэраў і пачаткоўцаў. Аднак, быў прынамсі адзін вядомы гулец і вэтэран Даг Ўілсан, які далучыўся да каманды з «Чыкага Блэкгокс» 6 верасьня 1991 году. Ён жа быў абраны капітанам каманды і быў прадстаўніком «Шаркс» на матч усіх зорак. Як і заўжды першыя сэзоны ў навака адзначаліся дрэннымі вынікамі.

Не зважаючы на благія вынікі на лёдзе, «акулы» ачолілі сьпіс клюбаў НХЛ паводле прыбыткаў ад продажу тавараў, зарабіўшы 150 мільёнаў даляраў. Такі паказьнік дасягнуў 27% ад агульнай сумы продажаў сярод усіх клюбаў НХЛ. Больш сярод усіх спартовых камандаў паўночнаамэрыканскіх лігаў зарабіў толькі баскетбольны клюб «Чыкага Булз»^[2]. Праглядацца вынікі пачалі ўжо ў сэзоне 1992—1993 гадоў. 17 лістапада 1992 году латыскі брамнік Сан-Хасэ Артурс Ірбэ правёў першы ў гісторыі дружыны матч без прапушчаных шайбаў, перамогшы «Лос-Анджэлес Кінгс» зь лікам 6:0.

Склад

Паводле стану на 4 кастрычніка 2024 году

Брамнікі
29	Макензі Блэкўуд	09.12.1996	30	Яраслаў Аскараў	16.06.2002
41	Вітэк Ванечак	09.01.1996
Абаронцы
3	Гэнры Тран	12.03.2001	4	Кодзі Сысі	21.12.1993
5	Мэт Бэнінг	25.05.1994	26	Джэк Томпсан	19.03.2002
36	Люкас Карлсан	05.07.1997	38	Марыё Фэрара	17.09.1998
42	Люка Каньёні	21.12.2004	44	Марк-Эдуар Уласіч	30.03.1987
84	Ян Рута	29.07.1990	85	Шакір Мухамадулін	10.01.2002
96	Джэйк Ўолман	20.02.1996
Нападнікі
2	Ўіл Сьміт	17.03.2005	7	Ніка Штурм	03.05.1995
10	Клім Косьцін	05.05.1999	11	Люк Канін	04.12.1997
17	Томас Бардэла	03.01.2002	20	Фабіян Зэтэрлюнд	25.08.1999
21	Аляксандар Вэнбэрг	22.09.1994	23	Барклі Гудраў	26.02.1993
24	Ігар Чарнышоў	30.11.2005	39	Логан Куцюр	28.03.1989
51	Колін Граф	21.09.2002	53	Тай Дэлэндрэа	21.07.2000
54	Джывані Сьміт	27.02.1998	56	Ітан Кардўэл	30.08.2002
64	Мікаэль Гранлунд	26.02.1992	71	Маклін Сэлебрыні	13.06.2006
72	Вільям Эклюнд	12.10.2002	73	Тайлер Тафолі	24.04.1992
75	Даніл Гушчын	06.02.2002	91	Карл Грундстрэм	01.12.1997

Крыніцы

^ Cameron, Steve (1994). «Feeding Frenzy! The Wild New World of the San Jose Sharks». Taylor Publishing Co. — С. 29—38.
^ Sims, Calvin (14.12.1992). «In Disney’s Hockey Venture, The Real Action Is Off the Ice». The New York Times.