Лос-Анджэлес Кінгс

	Лос-Анджэлес Кінгс
Дывізіён	Ціхаакіянскі
Канфэрэнцыя	Заходняя
Краіна	ЗША
Горад	Лос-Анджэлес, Каліфорнія
Заснаваны	1967
Стадыён	Стэплз Сэнтэр (18 118)
Колеры	Чорны, белы, алюмінавы;
Гісторыя	Лос-Анджэлес Кінгс; 1967 — цяпер
Галоўны трэнэр	Дэрыл Сатэр
Капітан	Анжэ Копітар
Афіцыйны сайт	kings.nhl.com(анг.)

«Лос-Анджэлес Кінгс» (па-ангельску: Los Angeles Kings) — прафэсійны хакейны клюб, гуляе ў Нацыянальнай хакейнай лізе. Клюб месьціцца ў горадзе Лос-Анджэлес (штат Каліфорнія, ЗША). Двухразовы ўладальнік Кубка Стэнлі (2012, 2014). Клюб гуляе ў Ціхаакіянскім дывізіёне Заходняй канфэрэнцыі. Каманда была заснавана 9 лютага 1966 году, калі прадпрымальнік Джэк Кент Кук вырашыў стварыць хакейны клюб у Лос-Анджэлесу. Разам з «каралямі» НХЛ у 1967 годзе пашырылася яшчэ на шэсьць клюбаў. Свае гульні каманда праводзіла на арэне «Форум» у Інглўудзе, адным з прадмесьцяў Лос-Анджэлесу, на працягу трыццаці двух гадоў, пакуль у 1999 годзе ня зьехалі на «Стэплз Сэнтэр»^[1].

У пераможным для клюбу сэзоне 2013—2014 гадоў «каралі» ў кожнай сэрыі на шляху ў фінал праводзілі максымальную колькасьць гульняў — 7. Пры гэтым у першым раўндзе яны здолелі пераммагчы ў сэрыі, прайграючы «Сан-Хасэ Шаркс» зь лікам 0:3. Толькі ў фінале «Лос-Анджэлес» правёў матчаў менш за 7, перайграўшы «Нью-Ёрк Рэйнджарз» зь лікам 4:1 у сэрыі.

СтатыстыкаРэдагаваць

Статыстыка за папярэднія пяць сэзонаў:

Сэзон	Г	В	П	ПОТ	Пт	ГЗ	ГП	Месца (дывізіён)	Кубак Стэнлі
2011—2012	82	40	27	15	95	194	179	3-е, Ціхаакіянскі	Выйгралі Кубак Стэнлі, 4:2 (Дэвілз)
2012—2013	48	27	16	3	59	133	118	2-е, Ціхаакіянскі	Прайгралі ў паўфінале, 1:4 (Блэкгокс)
2013—2014	82	46	28	8	100	206	174	3-е, Ціхаакіянскі	Выйгралі Кубак Стэнлі, 4:1 (Рэйнджарз)
2014—2015	82	40	27	15	95	220	205	4-е, Ціхаакіянскі	Ня трапілі ў плэй-оф
2015—2016	82	48	28	6	102	225	195	2-е, Ціхаакіянскі	Прайгралі ў 1/8 фіналу, 1:4 (Шаркс)