Бафала Сэйбрз

	Бафала Сэйбрз
Дывізіён	Атлянтычны
Канфэрэнцыя	Усходняя
Краіна	ЗША
Горад	Бафала, Нью-Ёрк
Заснаваны	1970
Стадыён	Кібанк-Сэнтар
Колеры	Цёмна-сіні, залаты, срэбны і белы;
Гісторыя	Бафала Сэйбрз; 1970 — цяпер
Афіцыйны сайт	sabres.nhl.com (анг.); sabres.com (анг.)

Бафала Сэйбрз (па-ангельску: Buffalo Sabres) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Бафала, штат Нью-Ёрк, ЗША. Каманда была створаная ў 1970 годзе і разам з «Ванкувэр Кэнакс» далучылася да НХЛ, у выніку чаго ліга пашырылася да 14 камандаў. «Шаблі» свае хатнія матчы ладзяць у Кібанк-Сэнтар арэне з 1996 году, а раней ад моманту стварэньня клюб гуляў у Мэморыял Аўдыторыюм. Дружына двойчы прасоўвалася ў фінал Кубка Стэнлі, але двойчы трывалі паразы. Спачатку ў 1975 годзе яны прагулялі «Філадэлфіі Флаерз», а ў 1999 годзе зьведалі паразу ад «Далас Старз». «Шаблі» поруч з «Кэнакс» ёсьць найстарэйшымі дзейнымі франшызамі, якія ніколі не выйгралі Кубак Стэнлі^[1].

Гісторыя

У Бафала ўжо мелася гісторыя прафесійнага хакею да стварэньня «Бафала Сэйбрз». Гэтак перад самым стварэньнем «шабляў» у горадзе базаваўся клюб «Бафала Байзанз», які спаборнічаў у Амэрыканскай хакейнай лізе. Гэты клюб існаваў з 1940 году, а ў апошні свой год каманда здабыла Кубак Колдэра^[2].

Кіраўнікі каманды, не жадалі надалей выкарыстоўваць назву «бізоны», таму аб’явілі конкурс на новы назоў. Сярод іншых варыянтаў перамогу атрымала назва «Шаблі». Такі выбар быў абумоўлены тым, што кіраўнік Сэймур Нокс адчуў, што шабля ёсьць зброяй, якую нясе лідэр, і можа быць эфэктыўным як у нападзе, гэтак і абароне. Насамрэч, Ноксы двойчы спрабавалі займець каманду ў НХЛ, то бок спачатку пры пашырэньні лігі ў 1967 годзе, а потым мелі жаданьне набыць «Оклэнд Сылз», каб потым перавезьці каманду ў Бафала. Былы генэральны мэнэджэр і галоўны трэнэр «Таронта Мэйпл Ліфс» Панч Імлач быў наняты на тыя пасаду ў наваствораны клюб. Год дэбюту «шабляў» стаў важным годам для спортоавага жыцьця Бафала, бо ў дадатак да дэбюту хакейнага клюбу каманда амэрыканскага футболу «Бафала Білз» афіцыйна запачаткавалі свой удзел у розыгрышах Нацыянальнай футбольнай лігі, а «Бафала Брэйвэз» дэбютавалі ў спаборніцтвах Нацыянальнай баскетбольнай асацыяцыі.

Склад

Паводле стану на 4 кастрычніка 2024 году

Брамнікі
1	Ука-Пэка Луўканэн	09.03.1999	27	Дэвон Ляві	27.12.2001
47	Джэймз Раймэр	15.03.1988
Абаронцы
4	Боўэн Байрам	13.06.2001	8	Дэніс Гілбэрт	30.10.1996
10	Хэнры Ёкіхар’ю	17.06.1999	23	Матыяс Самуэльсан	14.03.2000
25	Оўэн Паўэр	22.11.2002	26	Расмус Далін	13.04.2000
38	Кэйл Клэйг	05.06.1998	75	Конар Кліфтан	28.04.1995
78	Джэйкаб Брайсан	18.11.1997
Нападнікі
9	Зак Бэнсан	12.05.2005	12	Джордан Грынўэй	16.02.1997
13	Лукаш Роўсэк	20.04.1999	17	Джэйсан Закер	16.01.1992
19	Пэйтан Крэбс	26.01.2001	20	Іржы Куліх	14.04.2004
22	Джэк Кўін	19.09.2001	24	Дылан Казэнз	09.02.2001
29	Бэк Маленстан	04.02.1998	71	Раян Маклаўд	21.09.1999
72	Тэйдж Томпсан	30.10.1997	77	Джон-Джэйсан Пэтэрка	14.01.2002
81	Сэм Лафэрці	06.03.1995	89	Алекс Так	10.05.1996
96	Нікаля Абэ-Кюбэль	10.05.1996