24 ліпеня

24 лі́пеня — 206-ы дзень году (205-ы ў невысакосным годзе) паводле Грыгарыянскага календару. Да канца году застаецца 161 дзень.

Падзеі

• 1499 — Набыла моц Кракаўска-Віленская унія, саюзная дамова паміж Вялікім Княствам Літоўскім і Каралеўствам Польскім
• 1534 — францускі першаадкрывальнік Жак Карт’е дасягае вусьця ракі Сьвятога Лаўрэнція і на паўвостраве Гаспэ абвяшчае новыя тэрыторыі ўладаньнямі францускай кароны
• 1567 — Марыя Ст’юарт падпісала адрачэньне ад трону на карысьць свайго сына Якава І і зьбегла ў Ангельшчыну
• 1667 — паспалітае рушаньне глыбачанаў у некалькі соцень чалавек дало адпор марадзёрам вугорскай харугвы польнага гетмана В. Валовіча, якія ня вытрымалі атакі і адступілі ад Глыбокага, страціўшы трох забітых і шмат параненых
• 1812 — расейскае войска з боем заняло Берасьце
• 1831 — Лістападаўскае паўстаньне: атрад рэгулярнай арміі паўстанцаў палкоўніка Бжэжанскага заняў Зьдзецел
• 1913 — завершана фальклёрна-рамантычная паэма Янкі Купалы «Яна і я»
• 1911 — знойдзены Мачу-Пікчу горад старажытнай Амэрыкі, які знаходзіцца на тэрыторыі сучаснага Пэру на вяршыні горнага хрыбта
• 1930 — беларускі навуковец Гаўрыла Гарэцкі арыштаваны ДПУ БССР па справе «Працоўнай сялянскай партыі»
• 1948 — адбылося першае паседжаньне Сусьветнай арганізацыі здароўя
• 1958 — рэабілітаваная трыбуналам БВА беларускі пісьменьнік Платон Галавач
• 1969 — Праграма «Апалён»: Апалён-11 пасьпяхова прывадніўся ў Ціхім акіяне
• 2005 — на X пазачарговым зьезьдзе Беларускай сацыял-дэмакратычнай партыі (Грамада) лідэрам абраны Аляксандар Казулін

Нараджэньні

• 1754 — Юзэф Арнульф Гедройц, князь, жамойцкі біскуп, летувіскі пісьменьнік, асьветнік, перакладчык
• 1759 — Якуб Ясінскі, літоўскі і польскі генэрал і паэт
• 1770 — Аляксандар Балашоў, расейскі дзяржаўны і ваенны дзеяч
• 1783 — Сымон Балівар, змагар за незалежнасьць ад Гішпаніі калёній у Лацінскай Амэрыцы
• 1802 — Аляксандар Дзюма (бацька), францускі пісьменьнік
• 1820 — Люцыян Крашэўскі, беларускі і польскі мастак, фатограф
• 1828 — Мікалай Чарнышэўскі, расейскі літаратурны крытык і публіцыст
• 1854 — Аляксандар Архангельскі, расейскі літаратуразнавец
• 1857 — Генрык Пантопідан, дацкі пісьменьнік-раманіст, ляўрэат Нобэлеўскай прэміі па літаратуры (1917) «за праўдзівае апісаньне сучаснага жыцьця Даніі».
• 1860 — Альфонс Муха, чэскі мастак
• 1895 — Робэрт Грэйвз, брытанскі паэт і пісьменьнік
• 1896 — Аляксандар Орса, беларускі пэдагог і грамадзка-культурны дзеяч
• 1918 — Аляксандар Кузьмін, партыйны і дзяржаўны дзеяч БССР
• 1927 — Канстантын Кабашнікаў, беларускі фальклярыст
• 1934 — Генадзь Гарбук, беларускі актор тэатра і кіно
• 1948 — Ян Матусевіч, беларускі рэлігійны й грамадзкі дзеяч, сьвятар
• 1959 — Валер Брылёў, беларускі дыплямат
• 1963 — Аляксандар Каханоўскі, беларускі гісторык
• 1968 — Барыс Гельфанд, ізраільскі, раней беларускі, шахматыст, гросмайстар
• 1969 — Джэніфэр Лопэс, амэрыканская акторка і сьпявачка
• 1976 — Іван Ціхан, беларускі атлет, кідальнік молата, трохразовы чэмпіён сьвету
• 1983 — Даніеле Дэ Росі, італьянскі прафэсійны футбаліст
• 1987 — Тацяна Рынейская, беларуская фотамадэль, уладальніца тытула «Міс фота» конкурсу «Міс Беларусь-2008»

Сьмерці

• 1292 — Кунігунда Вугорская, каталіцкая сьвятая, дачка вугорскага караля Белы IV
• 1862 — Мартын ван Бюрэн, амэрыканскі палітык, 8-мы прэзыдэнт Злучаных Штатаў Амэрыкі
• 1887 — Іван Барычэўскі, беларускі археоляг, гісторык фальклярыст і этнограф
• 1921 — Сьцяпан Булат, беларускі палітычны дзяяч, журналіст
• 1927 — Акутагава Рунаскэ, японскі паэт і пісьменьнік
• 1964 — Максім Рыльскі, украінскі паэт, перакладнік, публіцыст, грамадзкі дзяяч, акадэмік АН Украіны
• 1967 — Эрнэстас Галванаўскас, летувіскі дзяржаўны й грамадзка-палітычны дзеяч, выкладчык
• 1969 — Вітальд Гамбровіч, выдатны польскі празаік, драматург, эсэіст
• 1974 — Джэймз Чадўік, ангельскі фізык
• 1991 — Ісак Башэвіс Зынгер, амэрыканскі габрэйскі пісьменьнік, ляўрэат Нобэлеўскай прэміі па літаратуры (1978)

Сьвяты

• Эквадор, Вэнэсуэла — дзень Сымона Балівара