14 сьнежня

14 сьне́жня — 349-ы дзень году (348-ы ў невысакосным годзе) паводле Грыгарыянскага календару. Да канца году застаецца 18 дзён.

Падзеі

• 1547 — Радзівілы атрымалі тытул князёў
• 1586 — у Вялікім Княстве Літоўскім упершыню ва Ўсходняй Эўропе было зробленае патолягаанатамічнае ўскрыцьцё цела нябожчыка — Стэфана Баторыя
• 1782 — браты Мангалф’е запусьцілі ў паветра першы паветраны шар
• 1794 — сталіца Вялікага Княства Літоўскага Вільня замест сталічнага атрымала статус губэрнскага цэнтру Расейскай імпэрыі
• 1825 — група рэвалюцыйна настроеных расейскіх афіцэраў ладзіць у Санкт-Пецярбургу паўстаньне супраць царызму (Паўстаньне дзекабрыстаў)
• 1862 — у Менску ўпершыню было відаць палярнае зьзяньне
• 1903 — браты Райт у Паўночнай Караліне зрабілі спробу першага палёту на апараце, цяжэйшым за паветра
• 1906 — у Менску заснаванае кніжнае таварыства «Мінчук»
• 1911 — экіпаж на чале з Руалем Амундсэнам упершыню дасягнуў Паўднёвага полюсу
• 1939 — Савецкі Саюз выключаны са складу Лігі Нацыяў за напад на Фінляндыю
• 1949 — Ерусалім абвясьцілі сталіцай Ізраілю
• 1955 — у склад Арганізацыі Аб’яднаных Нацыяў прынятыя Альбанія, Аўстрыя, Баўгарыя, Вугоршчына, Гішпанія, Ірляндыя, Італія, Лаос, Партугалія, Румынія, Фінляндыя ды Ярданія

Нараджэньні

• 1503 — Настрадамус, францускі ўрач, астроляг і прадказальнік
• 1546 — Тыха Брагэ, дацкі шляхціч, сёньня найбольш вядомы як адзін зь першых астраномаў у Эўропе
• 1738 — Ян Мікалай Хадкевіч, дзяржаўны і вайсковы дзяяч Вялікага Княства Літоўскага
• 1832 — Аляксей Гатцук, расейскі й украінскі археоляг і публіцыст
• 1851 — Эдвард фон Роп, рэлігійны й грамадзка-палітычны дзяяч Беларусі й Летувы
• 1895 — Поль Элюар, францускі паэт-сюррэаліст
• 1905 — Мікалай Дарожкін, беларускі міколяг і фітапатоляг, акадэмік АН БССР
• 1971 — Майкл Оўэн, ангельскі футбаліст

Сьмерці

• 1591 — Хуан дэ ла Крус, гішпанскі паэт, каталіцкі сьвяты
• 1788 — Карляс III (кароль Гішпаніі), кароль Гішпаніі з 1759 году па сваю сьмерць
• 1799 — Джордж Вашынгтон, першы прэзыдэнт ЗША
• 1989 — Андрэй Сахараў, савецкі дысыдэнт і праваабаронца, фізык, адзін з стваральнікаў вадароднай бомбы
• 1990 — Фрыдрых Дурэнмат, швайцарскі нямецкамоўны драматург, празаік, эсэіст
• 1996 — Залман Капыскі, беларускі гісторык, доктар гістарычных навук
• 2001 — Самсон Пярловіч, беларускі паэт, удзельнік беларускага новагародзкага патрыятычнага падпольля
• 2003 — Аляксандар Уракаў, гітарыст і кампазытар гурту Gods Tower
• 2019 — Уладзімер Цыплакоў, беларускі выбітны хакеіст

Сьвяты

• Швайцарыя — Жаночы фэстываль

Прыметы

• У Беларусі традыцыйна ўшаноўваецца Навум, імя якога ў народзе зьвязвалі з навукай. Даўней лічылася, што менавіта ў гэты дзень трэба пачынаць вучыць дзяцей. Маўляў, «Навум розуму навучыць». Настаўнікам у гэты дзень рабілі падарункі, частавалі іх

Памятныя даты

 Украіна: ушанаваньне ўдзельнікаў ліквідацыі наступстваў катастрофы на Чарнобыльскай АЭС

14 сьнежня — сховішча мультымэдыйных матэрыялаў