Адрыян Кемпэ
Адрыян Кемпэ (па-швэдзку: Adrian Kempe; нар. 13 верасьня 1996 году) — швэдзкі хакеіст, нападнік клюбу «Лос-Анджэлес Кінгс» з Нацыянальнай хакейнай лігі. У 2014 годзе быў абраны на драфце НХЛ клюбам «Лос-Анджэлес Кінгс» у першым матчы пад агульным 29-м нумарам. Ягоны старэйшы брат Марыё таксама хакеіст.
| Адрыян Кемпэ | ||
|---|---|---|
.jpg)
| ||
| Рост | 190 см[1] | |
| Вага | 81 кг | |
| Пазыцыя | нападнік | |
| Кідок/Ловы | левы[d] | |
| Грамадзянства | ||
| Дата нараджэньня | 13 верасьня 1996[2][3] (28 гадоў) | |
| Месца нараджэньня | ||
| Клюб | Лос-Анджэлес Кінгс | |
| Выступаў за | ||
| Драфт НХЛ | 29, 2014 Лос-Анджэлес Кінгс | |
| Гульнявая кар’ера | 2013 — цяпер | |
Кар’ера
рэдагаваць
Кемпэ дэбютаваў у Швэдзкай хакейнай лізе ў сэзоне 2013—2014 гадоў, абараняючы колеры клюбу «Мода». У канцы сэзону гулец быў абраны ў першым раундзе пад 29-м нумарам клюбам «Лос-Анджэлес Кінгс» на драфце НХЛ 2014 году, але хакеіст працягваў гуляць у Швэцыі.
15 красавіка 2015 году Кемпэ склаў трохгадовы кантракт пачаткоўца з каліфарнійскім клюбам[4], пасьля чаго далучыўся да ягонага фарм-клюбу «Манчэстэр Монаркс» з Амэрыканскай хакейнай лігі. Поруч з новым клюбам нападнік здабыў Кубак Колдэра, а сам гулец у 17 матчах плэй-оф зарабіў дзевяць пунктаў. У наступныя два сэзоны швэд абараняў колеры клюбу «Антарыё Рэйн», які таксама спаборнічаў у АХЛ. Сэзон 2016—2017 гадоў Кемпэ пачаў з «Рэйн», але 15 лютага 2017 году быў адкліканы «Кінгс»[5]. Запачаткаваў кар’еру ў НХЛ на наступны дзень у матчы супраць «Арызоны Каётыз»[6]. Свой першы пункт зарабіў 21 лютага, калі зрабіў галявую перадачу на Тайлера Тафолі ў матчы супраць «Каларада Эвэланш»[7]. Сваю першую шайбу закінуў 11 сакавіка ў браму «Вашынгтон Кэпіталз»[8]. Гулец пасьля гэтага хутка замацаваўся ў асноўным складзе клюбу.
4 верасьня 2019 году падпісаў новы трохгадовы кантракт з «Лос-Анджэлес Кінгс» на 6 мільёнаў даляраў[9]. У сэзоне 2021—2022 гадоў нападнік закінуў 35 галоў за рэгулярны сэзон, зарабіўшы 54 пункты агулам. У тым сэзоне гулец быў адзіным хакеістам клюбу, які браў удзел у Матчы ўсіх зорак НХЛ. 8 ліпеня 2022 году Кемпэ склаў новы кантракт з клюбам тэрмінам на чатыры гады за 22 мільёны даляраў.
Крыніцы
рэдагаваць- ^ а б в г https://www.iihf.com/en/events/2024/wm/teams/roster/45159/sweden — Міжнародная фэдэрацыя хакею на лёдзе.
- ^ а б http://www.nhl.com/ice/player.htm?id=8477960
- ^ а б https://www.iihf.com/en/events/2018/wm/teams/roster/1603/ — Міжнародная фэдэрацыя хакею на лёдзе.
- ^ «2014 first-round pick Adrian Kempe signed to contract». NHL.
- ^ «Adrian Kempe, Paul Ladue Recalled from Ontario (AHL)». NHL.
- ^ «Preview: Coyotes at Kings». NHL.
- ^ «Adrian & Mario Kempe Shining as Rookies». The Hockey Writers.
- ^ «Kempe’s first NHL goal propels Kings past slumping Capitals». Sports Net.
- ^ «LA Kings Sign Adrian Kempe to Three-Year Contract Extension». NHL.