Дубна (Гарадзенская вобласьць)
Ду́бна[1] — вёска ў Беларусі, на правым беразе Нёмана пры ўтоку ракі Росі. Цэнтар сельсавету Мастоўскага раёну Гарадзенскай вобласьці. Знаходзіцца за 14 км на паўночны захад ад Мастоў, за 48 км ад Горадні; за 10 км ад чыгуначнай станцыі Чарлёна, каля аўтамабільнай дарогі Масты — Скідзель.
| Дубна лац. Dubna | |
 Мікольская царква | |
| Краіна: | Беларусь |
| Вобласьць: | Гарадзенская |
| Раён: | Мастоўскі |
| Сельсавет: | Дубненскі |
| Насельніцтва: | 878 чал. (2010) |
| Часавы пас: | UTC+3 |
| Тэлефонны код: | +375 1515 |
| СААТА: | 4240817021 |
| Нумарны знак: | 4 |
| Геаграфічныя каардынаты: | 53°26′30″ пн. ш. 24°22′39″ у. д. / 53.44167° пн. ш. 24.3775° у. д.Каардынаты: 53°26′30″ пн. ш. 24°22′39″ у. д. / 53.44167° пн. ш. 24.3775° у. д. |
Дубна на мапе Беларусі ±   Дубна | |
 Галерэя здымкаў у Вікісховішчы
| |
Дубна — даўняе мястэчка[2] гістарычнай Гарадзеншчыны (частка Троччыны). Да нашага часу тут захавалася царква Сьвятога Мікалая, помнік архітэктуры XIX стагодзьдзя.
Гісторыя
рэдагавацьВялікае Княства Літоўскае
рэдагавацьУпершыню Дубна як цэнтар воласьці (лац. districtu Dubnensi) упамінаецца ў прывілеі вялікага князя Ягайлы 1387 году[a]. Згодна з адміністрацыйна-тэрытарыяльнай рэформай 1565—1566 гадоў яно ўвайшло ў склад Гарадзенскага павету Троцкага ваяводзтва.
Пад уладай Расейскай імпэрыі
рэдагаваць.jpg)
У выніку трэцяга падзелу Рэчы Паспалітай (1795 год) Дубна апынулася ў складзе Расейскай імпэрыі, у Гарадзенскім павеце. Празь мястэчка праходзіў гасьцінец з Горадні ў Слонім[3].
За часамі Першай сусьветнай вайны ў 1915 годзе Дубна занялі войскі Нямецкай імпэрыі.
Найноўшы час
рэдагаваць25 сакавіка 1918 году згодна з Трэцяй Устаўной граматай Дубна абвяшчалася часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яно ўвайшло ў склад Беларускай ССР[4]. Згодна з Рыскай мірнай дамовай 1921 году Дубна апынулася ў складзе міжваенннай Польскай Рэспублікі, дзе стала цэнтрам гміны Гарадзенскага павету Беластоцкага ваяводзтва.
У 1939 годзе Дубна ўвайшла ў БССР, дзе ў 1940 годзе стала цэнтрам сельсавету. На 1997 год у вёсцы было 424 двары. У 2000-я гады Дубна атрымала афіцыйны статус «аграгарадку».
Насельніцтва
рэдагавацьДэмаграфія
рэдагаваць- XX стагодзьдзе: 1997 год — 1058 чал.[5]; 1999 год — 997 чал.
- XXI стагодзьдзе: 2010 год — 878 чал.
Інфраструктура
рэдагавацьУ вёсцы працуюць сярэдняя школа, лякарня, амбуляторыя, дом культуры, бібліятэка, пошта.
Турыстычная інфармацыя
рэдагавацьСлавутасьці
рэдагаваць- Царква Сьвятога Мікалая (1844, 1864)
Асобы
рэдагаваць- Пётра Крачэўскі (1879 — 1928) — беларускі палітычны дзяяч, гісторык, пісьменьнік. 3-і старшыня Рады БНР
Заўвагі
рэдагаваць- ^ Kodeks dyplomatyczny katedry i diecezji wileńskiej. T. I, zesz. 1. / wyd. ks. J. Fijałek, W. Semkowicz. Nr. 1. — Kraków, 1932. S. 7.
Крыніцы
рэдагаваць- ^ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf) С. 280.
- ^ Соркіна І. Мястэчкі Беларусі... — Вільня, 2010. С. 195.
- ^ Słownik geograficzny... T. II. — Warszawa, 1881. S. 197.
- ^ 150 пытанняў і адказаў з гісторыі Беларусі / Уклад. Іван Саверчанка, Зьміцер Санько. — Вільня: Наша Будучыня, 2002. — 238 с. ISBN 9986-9229-6-1.
- ^ БЭ. — Мн.: 1998 Т. 6. С. 244.
Літаратура
рэдагаваць- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 6: Дадаізм — Застава. — 576 с. — ISBN 985-11-0106-0
- Słownik geograficzny Królestwa Polskiego i innych krajów słowiańskich. Tom II: Derenek — Gżack. — Warszawa, 1881.